پارتوو چەپی سەوزی جە ئەنجامنامەو کۊبییەیۊ ٢٦وو ئاڎاروو وێشنە ئەرەیاوناش "داوا کەرمۍ کە گەلەکەما پەشتیوانی جە پارتوو چەپی سەوزی کەرا، فاشیزمی دلێنە بەرمۍ و کۊمارێوە دیموکراتیک ئەرەمەرزنمێ".
پارتوو چەپی سەوزی ئەنجامنامەو دما کۊبییەیۊ ئەنجوومەنوو پارتەکەیش کە جە ٢٦وو ئاڎارینە کەرڎەبۍ، وەڵا کەرڎۊ و دلێشنە ئامان: "ئێمە چەنی پێکئامایەکاو هەدەپەی هەرمانە کەرمۍ و چێروو چەترەو ئەنجوومەنینە داکۊکی چا داواکارییا کەرمێ".
ئانەیچوزیان ڕووە: "بندەسۍ، دیموکرات، شۊڕشگێڵنۍ، عەلەویۍ، کورڎۍ، ژنی و گەنجۍ لەم وڵاتەنە دەرفەتێوە تاریخییشا پەی ور کەوتەن، کە چی ڕژێمە تاکڕەوییە ئەرەگیرەیە نەجاتشا بۊ، و بەرەو کۊمارۍ دیموکراتیکی هەنگامە بنیا. تواناما هەنە کە ئا دەرفەتی قۊزمێوە و بەکارش مارمێ".
ئێمە چەنی پێکئامایەکاو هەدەپەی هەرمانە کەرمێ
ئەرەیاوناکەینە ئامان:
"پارتوو چەپی سەوزی جە وەراوەروو هەڕەشەکاو سەروو هەدەپەیۊ، بۍ دووەدڵی هەرمانەو وێش پەی یۊبییەی شۊڕشگێڵنی-دیموکراتیکی کەرۊ، وەڵتەرێنە واتەبێش، کە چی قۊناغەنە گەلاو تورکیای بۍ بژارڎە و دەستەمرڎۍ نمازۊوە. دماو قەرارەکاو لوجنەو وەرپەرسا هەدەپەی، ئێمە عەلەمەو کۊشای پڕۊسەو ورچنیەینە پێسە پارتوو چەپی سەوزی بەرزە کەرمێوە. ئێمە چەنی پێکئامایەکاو هەدەپەی پەی داواکارییە کۊمەڵایەتییەکاو یەکسانی، ئازاڎی، ئاشتی، دیموکراسی و دادپەروەری، کۊشیەیمۍ چێروو چەترەو ئەنجوومەنینە داکۊکی چا داواکارییا کەرمێ".
"دەیان هەزار کەسۍ لە هاموەڵاتیاما بۊنەو بوومەلەرزەیۊ ژیوایشا جەدەس دان، ئانە بۊنەو قەدەری و چارەنویسیوە نییا، دەرەنجاموو سیاسەتەکاو حوکمەتین. ئا حوکمەتە کە گۊشش بە ژیوگەی نەدا، گۊشش بە مافەکاو ژیوگەی نەدا و بە چەمچنۊکی و قازانجۊ پەی گرڎ چێوۍ مڎیۊ، چەنی بوومەلەرزەکەی وڕیا. ئێمە چەنی گرڎوو گەلا، گرووپە ئاینییەکا، چەوسیاوە و بندەسا، ژەنا و گەنجا ئەو وڕیایا دلێنە بەرمۍ. ئێمە پێوە ئا شارا وەشی کەرمێوە، کە وەراوەروو کارەساتاوە مردا و چەنی ژیوگەی هامسەنگۍ و هامئاهانگۍ با".
کۊشیایۍ وافر خولقنمۍ
ئێمە ڕێکوزیاێوە وەرفراوان ئەرەمەرزنمۍ و درێژە بە کۊشیایی ئازاڎی گرڎ گەلێوە بندەسی و بەتایبەتی گەلوو کوردی مڎەیمۍ. جە دژوو سیاسەتوو جەنگی و سیاسەتی ئەمنی جە دەسەڵاتنە پەیڕەویش کەرۊ، پەی ئاشتیێوە دایمی کۊشییەیمۍ.
ئێمە پەی ژیوگە و ئیکۊلۊژی درێژە بە کۊشیای مڎەیمۍ و دمایی مارمۍ بە تاڵانکارییەکاو دەسەڵاتی.
ئێمە بیمۍ مایۍ داکۊکیکەرڎەی جە داواکاریی گرڎوو ڕەنجدەرا، کە جە سەیەو قەیرانی گەورەی ڕۊ دماو ڕۊینە فەقیرتەرۍ با، ئاسایشوو هەرمانۍ و ئاسایشوو ئادیشا دلێنە شییەن و جە دژوو گرڎوو ئانیشا و پەی ژیوایێوە ئینسانیی، ماف و ئازاڎییە سەندیکاییەکاشا کۊشیەیمۍ.
ئیرادەو مەیڎانەکاو نەورۊزی
ئێمە پێسە پارتوو چەپی سەوزی، ئێمە تەنیا بەشێوە مەبیمۍ جە سیاسەتوو پەرلەمانی، جە هەمان وەختنە بەشێوە بیمۍ جە کۊشیای ئازاڎی و دیموکراسی، کە دەیان ساڵێن جە جادە، مەیڎان و بوارەکاو هەرمانۍ و ژیوای درێژەش هەن. پا هێزییە کە جە ئیرادەو ٨وو ئاڎاری و نەورۊزیوە ورش گێرمۍ، بۊ ڕاگێری جە وستەیرەی هەدەپەی، کە ئارۊ بەشێنمۍ چادی، ئێمە بیمۍ بە دینەمووۍ یەکلاکەرەوەو کۊشای. دووەدڵۍ مەبیمۍ کە بیمۍ بە ورگێروو کۊشیای پەی ئازاڎیی هەزاران زینڎانییە سیاسییا، کە چێروو گۊشەگیرینە زینڎانەکانە تنڎۍ کریێنۍ.
بانگەواز پەی ورچنیەی جبەروو وەڵاتیوە
ئی ورچنیەیە تەنیا سنوورەکاو وڵاتەکەینە مەکریۊ. پەی دەنگدەرایچما کە بە سەبەبوو ئابووری و سیاسییوە ناچارێنۍ بەروو وەڵاتیوە بژیوا گرنگا. داواشا جەنە کەرمۍ کە پەشتیوانی جەکۊشیای یەکسانی، ئازاڎی و دیموکراسیی گرڎوو ئا گەلا کەرا، کە سەروو ئی خاکیوە مژیوا.
بەسەرکەوتەیی ئامای جبەر چی ورچنیەینە نەک حەر پەی ئا گەلا کە چی وڵاتەنە مژیوا، بەڵکوم پەی گرڎوو گەلاو مەنتێقەکەیچ گرنگا. مشۊم ئێمە پەی ئاشتی هەرێمەکەی، پەی ئایندەو گەلاو و ئا گەلا کە بۊنەو جەنگیوە ڕەمێنۍ و بیێنۍ بە پەنابەرۍ حەوڵۍ دەیمۍ.
دماییئارڎەی بە ڕژێمی تاکڕەوی
هەرمانەو ئێمە ئارۊنە ئانێنە، کە دمایی بارمۍ پی ڕژێمە تاکڕەوەیە. دلینەبەرڎەی ئا فشارە فرانە و سیستموو تاکڕەوی و نیایرەی بنەمیوە ژیوای سیاسیی ئازاڎیواز، دیموکراتی کە دلێشنە گرڎ نۊعە پەراوێزوستەیۍ و جیاکاریێوە نەبۊ. هەرمانەی سەرەکییەو سەوای ڕۊیما ئانێنە، کە بە وەرفراوانکەرڎەی بەشە کۊمەڵایەتییەکا، کە قسەکەرۍ و نوێنەرۍ ئادیشانمی بە گەورەکەرڎەی دیموکراسی، کە ئێمە پاڵشانە مردمێرە، تەکانی بە کۊشیای کۊماری دیموکراتیکی دەیمۍ. پەی ئانەیچ ئێمە قەرارما دان، کە بەبەقووەتی بلمۍ دلۍ پەرلەمانی و هۊڵوو پەرلەمان پەڕ کەرمۍ جە دەنگوو کۊشیای کۊمەڵایەتی.
کۊشیای هامبەش
پارتوو چەپی سەوزی بە گرڎوو ئۊرگانا و بەشەکاشۊ پەشتقایما بە ئیرادەی گەورەو گەلاماوە و ئا هەرمانا پۊڕنۊ. قەراروو ئانەی مڎەیمۍ بە گرڎوو گلێرگەی، گەلاما، ژەنا و گەنجا و بەتایبەتییچ پا کەسا کە بوومەلەرزەکەنە زەرەرشا وەنە کەوتەن. ئێمە مزانمۍ ئا قۊناغە کە کەوتێنمێشنە بە هامپەیمانی ورچنیەی مەلۊ ڕاوە، پێویسش بە کۊشیایۍ کۊمەڵایەتی هەن. قەرارما دان کە چا کۊشیاینە چەنی پێکئامایەکاو هامپەیمانیی ڕەنج و ئازاڎی و گرڎوو هێزە چەپ، سۊسیالیست و شۊڕشگێڵنەکا جووڵییەیمێوە.
ژیوایۍ ئیکۊلۊژیک کە دلێشنە پەرسەو کوردی جە ڕاو دیموکراتیکیوە حەلە کریۊ، ژەنی ڕووبەڕووۍ تنڎوتیژی نەباوە، گەنجۍ با بە داراو دماییشا و چارەنویسشا بۊ، گەل و ئایینەکۍ بەئازاڎی بژیوا، چەوسنایوە دماییش بۍ، گلێرگە چێروو کۊڵەکەکانە نەمرا، جە گرڎ وەختێوەنە زیاڎتەر ئەگەروو پێکئارڎەیش وەرڎەستەرا.
ئێمە پێوەرە سەرۍ گنمێ
سەروو ئا بڕوۍ و ئیرادەیە ئێمە بانگەواز جە گرڎوو گەلەکەیما کەرمۍ، کە پەشتیوانی جە پارتوو چەپی سەوزی کەرا، فاشیزمی دلێنە بەرا و پێوە کۊمارۍ دیموکراتیک ئەرەمەرزنمۍ. ئێمە ئینایمۍ چۍ، ئێمە پێوە سەرۍ گنمێ".
س.ز
