مۆپ، جە ئەرەیاۋناکەیشەنە ئاماژەش پانەی کەردەن؛ جەژنەو ئەکیتۆی جەژنێوە قەڎیمیەی جەهانیەنە و ماچۆ: "مۆپ ١و نیسانی، جەژنەو نەتەوەیی، گلێرگەی و چاندی ئەکیتۆی پیرۆز مکەرۆ."

ئەرەیاۋناکەو مۆپی پی جۊرەنە:

"گەلوو ئێمە ئارۆنە ئی جەژنۍ بە شێوێوە فرە جوان جە ۋەرکەوتوو دلێڕاسەینە، کە دەرفەتی سیاسیشا بۆ یا نا پیرۆز مکەرمۍ. جە سەردەمانێوەنە کە دیکتاتۆر بیەن بە پەیکەروو زوڵمی، گەلەکەما بە هۆشمەندی نەتەوەی و گلێرگەیوە ئی جەژنێشە جە ویر نەکەردێنە و جە چوارچێوەو دەرفەتەکاشەنە پیرۆزش کەردەن. ئارۊنە جە گرڎ یاگێوە دیاسپۆراینە پیرۆز مکریۆ. بەڵام بە تایبەت جە ۋەرکەوتوو دلێڕاسەی و میزۆپۆتامیاینە بە جوانیێوە تەرۆ پیرۆز مکریۆ. جە پانیشتوو میزۆپۆتامیای و سەرنیشتوو سوریای وەڵۍ ئانەینە و چی سەردەمیچەنە بە سەردەسەیی پیمەری نەتەوەیی، گلێرگەی و چاندی پیرۆزکریان. ئارۊیچەنە گەل بە جل و بەرگی نەتەوەییوە جەژنە پیرۆز مکەرا و دۊڵەمەنڎیێوە فرەتەرش پنە بەخشا.

پی بۆنۆ جارێوەتەر جەژنەو ئەکیتۆی ١و نیسانی پیرۆز مکەرمۍ و پا هومێڎۆ کە جە میزۆپۆتامیا، مەنتیقەکە و جەهانینە بۆ بە مەڵامەتوو ئاشتی. ئی جەژنۍ جە گرڎوو مرۆڤایەتی پیرۆزە بۆ."