کوردستانیۍ و دۆسەکێشا بە سەرمەسقایەتیی تەژەکە-ئەی پەی ساکینە جانسیز (سارا) و فیدان دۆگان (ڕۆژبین)ۍ و لەیلا شایلەمەز (ڕوناهی)یۍ و ئەمینە کارا (ئەڤین گۆیی)ی و میر پەروەر و عەبدولرەحمان کیزیلی، کە جە ئەنجاموو دووۍ کۆکوشییا دەوڵەتوو تورکینە گەشمەردۍ بیێ، پاریسوو پایتەختوو فەڕەنساینە پەی وەنەپەرسایوە و داواو دادپەروەری کوۍ بیێوە و ڕاشا پیما.

کوردستانیۍ و دۆسەکێشا پەی شەرمەزارکەردەی و ڕۆشنکەردەیۆ کۆکوشییەکا لاو دەوڵەتوو فەڕەنسایۆ، کە بە بەهانۍ "نهێنیی دەوڵەت"ی پەردەپۆش کریا، ڕاشا پیما و داواو دادپەروەرییشا ئەوەخوای کەردۆ.  

سیناتۆرەکۍ ناڕەزایەتییشا بەروست وەراوەروو "نهێنیی دەوڵەت"ی

چند سیناتۆرێوە فەڕەنسیۍ بەشداریی ڕاپیماکەیشا کەرد و پانکارتوو "پەنەوازا حکومەتوو فەرەنسای نهێنییەکاو دەوڵەتی ئاشکرا کەرۆ" بەرزۍ کریێوە. هەرپاسە سیناتۆروو پارتی کۆمۆنیستوو فەرەنسای ناڕەزایەتییشا بەروست  دژوو دەوڵەتوو فەرەنسای.

هونەرمەندۍ بە مەراسیمێوە جیاواز ڕاشا پیما.

هونەرمەنداو کوردی ئەنداموو تەڤ-چاندی بە پانکارتوو "دادپەروەریی دەمودەس پی گەشمەردەکاما" ڕاشا پیما.

ژەنی پەشتەو پانکارتوو "دژوو تاریکی، ژەنی، ژیوای، ئازادی" و بە درووشموو "ژەنی، ژیوای، ئازادی"ی ڕاشا پیما.  

جەماوەر گارۍ دۍ نۆردێ-نە تا مەیدانوو ڕیپەبڵیکی ڕاشا پیما، پانکارتشا پەی ئازادیی ڕابەروو گەلوو کوردی عەبدوڵا ئۆجالانی بەرزۍ کەردێوە.

کۆبییەیوەکەی بە مارشەو ئەی ڕەقیبی و یادکەردەیۆ گەشمەردا دەسش پەنە کەرد.  

کۆبییەیوەکەی تا ئیساتۍ بە وتارۍ بەردەواما.