جە کولتوورو زاگرۆسینە پاریزناو ژیوگەی بەشێوە ئەرە نەبڕیابییەن جە ژیۋای گلېرگەی. دلۍ ئی کولتوورەینە ژیوگە ئنڎە موبارەک تەماشەکریان کە جەژنەی تایبەت بە ۋېش بینېنە؛ جە نموونەو جەژنەو خەزانی و جەژنەو نەورۆزی کە وەڵینگەش گێڵۆوە پەی ڕۆزگار و ئەنیمیزمی.
سروشتو زەریفو کورسانی جە هەر چوار وەرزەو ساڵییەنە سەرمەسانە ویش نیشان مرۆ. بییەو کەژو کۆی و هەردو دەشتای دلی ئی وڵاتەینە بییەن بائیسو تابلۆێ زەریفو ڕەنگاڵەی. ئارۆنە بە مەڵامەتو چەم چنۆکی سیسەمو سەرمایەداری جە تەمامو دنیێنە فرەترین قسېو سیمینارېو چالاکیۍ پەی پاریزناو پاک ئاستەیۆ ژیوگەی وەڕاوە بریۆ. بییەو زیهنیەتێوە ویرانکەری جە ماوە و ٣٠٠ساڵا وەڵینەینە بییەن بائیسو جە بەین بەردەو بەشێوە فرەی جە گیان لەبەراو دارستان و سەرچەمە ئاوییەکا. بیەو ژمارێوە فرە جە کارخانەکا بە مەڵامەتو دەس وستەو فرەترین قازانجی مەترسێوە فرەش وەشکەردەن پەی ژیواێ ئاسایو تەمامو بوونەوەرەکا. سروشت کە بوونێوە زینەن هەردەم ویش تازەکەرۆوە، جە کولتوورو زاگرۆسینە پاریزناو ژیوگەی بەشێوە ئەرە نەبڕیابییەن جە ژیانو گلیرگەی. دلی ئی کولتوورەینە ژیوگە ئینە موبارەک تەماشەکریان کە چەژنی تایبەت بەویش بینی؛ جە نموونەو چەژنەو خەزانی و چەژنەو نەورۆزین کە وەڵینگەش گێڵۆوە پەی ڕۆزگار و ئەنیمیزمی. جەژنە کە بەواتاو ئامادەبیی مێ پەی ژیواێ تازەو واتایۍ چەنی ویش موبارەکۍ مارۆ، جە زاگرۆسەنە موبارەکی پەی واوەی"دووبارە" ژیوگەی گێڵۆوە. زینە بییەیۆ دارو درخەتو جۆگەو هانەو سەرچەمەکا، وەرزو وەهاری جە گلېرگەو کورسانینە یانی ئاویزان بیەو ئینسانی و ژیوگەی. ساڵانە جە وەرزو وەهارینە بەشێوە فرە جە گلیرگەو کورسانی پەی بەرکەردەو خەمو سیستیشا جە وەرزو زمسانینە ڕووەکەرانی کەژو کۆو هەردو نزارەکا، پەی بەسەربەردەو کاتێوە ئارامی و دەروونی و ڕۆحی. گرنگا سەیرانکەرۍ پیسەو کولتوورو گلیرگەو کوردی بەو پەڕو ئەخلاقیۆ نزیکایەتی ویشا چەنی ژیوگەیو ئاستەیشۆ بە پاکو تەمیزی نزیکۍ باوە. ئارۆنە ئانەی یاگی داغیەنە جە لایەنو سەیرانکەراوە سەرچەمە ئاویەکۍ و دەشتو دەر پیسەو پیویسی پاکو تەمیزیشا وەرچەم مەگیریۆنە. ئینەیج دووی هۆکاریش هەنی.
یووەم: نەبیەو ڕۆشنفکریێوە ژیۋگەیی جەلاو ئینسانو ئێمۆو گرنگی نەڎایش بە کولتوور و نزکایەتیش پەی خاک و نیشتیمانەکەو ۋېش.
دووەم مەڵامەت: نەبیەو پەروەردێوە ژیۋگەیی جە دلۍ بنەیانەکا و سیسەمو پەروەردەینە، تا ئینسانی ئاشناو گرنگیو پەیوەندی میامینو وېش چەنی ژیۋگەکەیش بزانۆنەو پارېزنۆش.
ئارۆنە ئەرکو رێکوزیا ژیوگەیەکا گرنگاو پەنەوازا کە مدرامانو ویشا فراوان کەرانۍ و تا بانە هېزو فشاری سەرو دەسەڵاتی و پانەی کە پرسو ژیوگەی جە دلۍ سیسەمو پەروەردەی و کایە ڕۆشنفکریەکانە فراوان کریۆنەو، پاریزناو ژیوگەی پیسەو ئەرکێوە ئەخلاقی و گرنگی تەماشاکریۆنە. هەرپاسە گرنگا کە مامۆسێ ئاینی جە ڕاو وتارەکاشاوە وشیاری ژینگەی وەڵاکەراوە و پیسکەردەیش پیسەو کارێوە حەرامی بشناسا. ئارۆنە پرسو پاریزناو ژیوگەی هەر کەسو لایەنێوە خەموەر بە ژیانی ئەرکدار کەرۆنە، هەرپاسەیچ ئەرکو ئەرەیاوناکایجا کە بەشێوێوە فراوان جە گرد کاتێوەنە ڕۆشنفکری ژیۋگەی وەڵاکەراوە و بەرنامۍ چی بارۆ وەشکەرانۍ و پارېزناو ژیوگەی بۆ بەبەشێوە گرنگو نەبڕیا جە تێکۆشانو ئەرەیاوناکەیشا.
