جە پارێزنەرا نوسینگەو یاسایی سەدەی ڕازییە ئۆزتورکە چن چەمپنەکۊتەیێش چنی سی پی تی، پەڕلەمانتاراو یۊبیەی ئۊروپای، بیرۆکراتی پلەباڵا و چڼین جەمۍ تەرۍ کۆنسەو ئۊروپای ئەنجامدۍ و داواش کەرڎە پېوەس بە گۆشەگیری هەنگامە بنریۆ.
پارێزنەرەو نوسینگەو یاسایی سەدەی ڕازییە ئۆزتورکە بە مەرامو ئەنجامدای بڕۍ چەمپنەکۊتەی یاوا شارو ستراسبۆرگو فەرەنسای و چنی سی پی تی، پەڕلەمانتاراو یۊبیەی ئۊروپای، بیرۆکراتی پلەباڵا و چڼین جەمۍ تەرۍ کۆنسەو ئۊروپای گلېرۊبیەی و چەمپنەکۊتەیش ئەنجامدا.
ئۆزتورکە لاو نیمەڕۆیۆ چنی سی پی تی گلېرەبیۆ و دەربارەو سزاو دیسپلینی کە جە ساڵۊو ٢٠٢٤یوە سەرو ڕابەر ئاپۆیرە سەپیان هەڵای بەردەواما، قەڎەغەو دیدارو پارێزنەرا، نایاسایی گۆشەگیری و پاشێلکەردەی مافەکا مرۆڤی جە ئیمراڵینە زانیاریش دا بە سی پی تی.
نوێنەرو کۆنسەو ئۊروپاو دەم پارتی، فایەق یاگزایش بەشدار بۍ جە چەمپنەکۊتەکانە دەربارەو هەمان مژاری زانیاریش دا بە سی پی تی. دۆسیێوە دەربارەو پاشێلکەردەی مافەکا مرۆڤی جە ئیمراڵینە کە جە ماوەو ساڵێوەنە ئەنجامدریێنۍ ڕادەسو ۋەرپەرسا سی پی تیش کەرڎ.
جە گلېرۊبیەکانە دەسنیشانکریا سەرەڕاو پێشنیارەکا سی پی تی بەڵام تورکیا ئا پێشنیارێشە جابەجێ نەکەردێنۍ. جەختکریاوە جە گرنگی هەنگامنیای سی پی تی چی مژارەنە و داواکریا سی پی تی ئەرکو ۋێش جابەجێ بکەرۆ.
