پارێزنەراو نویسگەو یاسایی سەدەی، تا بتاوا چەمشا بە موەکیلەکەیشا عەبدوڵا ئۊجالانی گنۊ، کە ٣٣ مانگێن زانیاریش سەر نییا، سەرۍ داواکاری گردینوو کۊماریشا بورسانە و ڕاوەبەرایەتیی زیندانوو ئیمراڵیینە دا.
جە پارێزنەراو نویسگەو یاسایی سەدەی ڕازیە ئۊزتورک، ڕەزان ساریجا، فایەق ئۊزگور ئەرۊڵ و مەزڵوم دینچ تا بتاوا ڕابەروو گەلوو کوردی عەبدوڵا ئۊجالان، کە جە زیندانوو جۊری ئێفینە بە ئاسایشوو باڵاو ئیمراڵییوە ئینا گۊشەگیریێوە دژوارنە، بویناش سەرۍ داواکاری کۊمارییشا بورسانە و ڕاوەبەرایەتیی زیندانوو ئیمراڵیینە دا.
پارێزنەرۍ بەمەبەسوو وینای عومەر خەیری کۊنار، حامیلی یەڵدرم و وەیسی ئاکتاشی، کە ئیمراڵیینە ئینۍ زینداننە، بە هەمان داواکارییوە سەرۍ داواکاری گردینی کۊماری و ڕاوەبەرایەتیی زیندانییاشا دا.
داواکارییەکاو بنەیانەی و پارێزنەرا بە بەهانۍ "سزاو دیسپلین"ی رەتۍ کریاوە و ڕاگێری جە دیدارەکاشا کریۊ.
یۊ جە دما سەردایەکاو پارێزنەرانە، کە ١٠ی تشرینی یوەم/ ئۊکتۊبەروو ٢٠٢٣ کریابۍ، دادگا جوابوو داواکاریی پارێزنەرانە ئاشکراش کەردەبۍ، کە سزاو دیسپلینی سەروو عەبدوڵا ئۊجالانی و زیندانییای تەریرە سەپیێنە.
دادوەر ژمارەو دۊسیەو سزا ئاماژەپەیکریێکۍ و لاپەڕەکاش بە بەهانۍ ئانەیۊ ' جە ئەرەیاونایەکانە وەڵا کریۊوە' نیشانە نەدابۍ.
