پارێزنەراو ڕابەروو گەلوو کوردی عەبدوڵا ئۆجالانی پەی دیەی موەکیلەکەیشا،  کە ئینا چێروو هەلومەرجێوە گرانوو گۆشەگیریینە جە زیندانوو ئاسایشوو جۆروو Fوو ئیمراڵینە گیریان و ٣٤ مانگێن حیچ زانیاریێوە لەبارەشۆ نیا، داواکاریێوە تازەشا پێشکەشوو سەرۆکایەتیی داواکاری گردینوو کۆماروو بۆرسای و ڕاوەبەرایەتیی سزێ و بەیاگەیاونای ئیمراڵی کەرد. داواکارییەکە لاو پارێزنەراو نویسیگەو یاسایی سەدەیۆ. ڕازیە ئۆزتورکە و ئیبراهیم بیلمەز و عیمران ئەمەکچی و جەنگیز یوراکلی بەرز کریاوە.

پارێزنەرێ پەی موەکیلەکای تەری ئیمراڵیینە، عومەر خەیری کۆنار و حامیلی یەڵدرم و وەیسی ئاکتاش، بەهەمان شێوە داواکارییشا کەرد.

داواکاری چەمپەنەکەوتەی چەنی ڕابەروو گەلوو کوردی عەبدوڵا ئۆجالانی و یەرە زیندانییەکەی تەروو ئیمراڵی بە بەهانێ "سزاو دیسپلین"ی مەکریۆ. دادگا ژمارەو دۆسیەکێش دەربارەو سزاو دیسپلینیوە ئاشکرا مەکەرۆ.