جە پارێزنەرا نووسینگەو یاسایی سەڎەی، ڕێزان ساریجا جە چالاکی "ئازادی"نە داواش کەردە بەرەکۍ ئیمراڵی بکریاوە و واتش: " ئەشکەنجەی هۆرگێردۍ و بەرەکا ئیمراڵی بکەردێوە ".
بە داواو ئازادی جەسەیی ڕابەرو گەلوو کوردی عەبدوڵا ئۆجالانی، هۆرگێرتەو گۆشەگیری و چارەسەری دیموکراتیکی پرسو کوردی، ئامەدەنە ئەرەیاۋنێوە جەماوەری ۋنریاوە. پارێزنەرو نووسینگەو یاسایی سەڎەی، ڕێزان ساریجا ئەرەیاۋناش ساڵەو ٢٠١٩ جە سەیەو مڎرامانوو گەلینە جە ئیمراڵینە دیڎار ئەنجامدریا.
ساریجا ئەرەیاۋناش جە سەیەو ئی ئەرەکۊشاینە جە ساڵەو ٢٠١٩ ینە چنی ڕابەرو گەلوو کوردی عەبدوڵا ئۆجالانی دیڎارشا ئەنجامدان، واتش: "جە دیڎارەکانە دیما، ئێژا عەبدوڵا ئۆجالان هەڵوێسو چارەسەری دیموکراتیکی ۋێش پارێزنان، پەی ئاینڎەی متمانەش بە ۋێشا و پەڕ جۆشو خرۆشا پەی بەدیئامای ئاشتی کۆمەڵایەتی".
ساریجا قسەکۍ ڕابەرو گەلوو کوردی عەبدوڵا ئۆجالانیش جە دیڎارەکانە یاڎۍ ئاوردۍ کە واتەبێش "گەرەکما یاگۍ پەی گەلوو کوردی بکەرووە، بەیدۍ پرسو کوردی چارەسەر بکەرمۍ. من ماچوو، متاوو جە ماوەو حەفتێوەنە ئەگەرو هۆرگیسیای جەنگی بسەڕووە. چارەسەرش مکەرو، باوەڕم بە ۋێما و ئاماڎەنا پەی چارەسەری. بەڵام پەنەوازا دۆڵەتیچ ئانەی پەنەوازا بکەرۆش".
ساریجا واتش: "ئا کاتەی هەرکەس شۆنەو مەسڵەحەتی تەسک و کاتی و سیاسیرە بێنۍ، ڕابەرو گەلوو کوردی عەبدوڵا ئۆجالان جە گۆشەگیریی ئیمراڵییوە پێشنیارو ئاشتی کەرۍ. واچۍ گەلا ۋەرکۆتوو مېیامینی متاوا بە ئاشتی بژیۋا. بەڵام دەسو ئاشتی گەلوو کوردی جە بۆشایینە مەنۆ. پەنەوازا دۆڵەت دەس هۆرگێرۆ جە نکۆڵیکەردەی جە کوردی و حیساباتی سیاسی. پەنەوازا ستراتیجو ئاشتی پەیڕەوبکەرۆ. ئەشکەنجە هۆربگێرا و بەرەکا ئیمراڵی بکەراوە. ئاژێوە دیموکراتیک وەش بکەرا کە ئێژا عەبدوڵا ئۆجالان بتاوۆ چنەشەنە هەرمانە بکەرۆ".
