دەوڵەتو قڕکەری و فاشیستی تورکی، بە هامکاری پەدەکەی جە هرووژم و ئەرەگیریەکاش پەی سەرو خاکو پانیشتوو کورڎەسانی بەردەواما، چا بارۆ هەر یۆ جە مامۆسایا؛ سەریاس سەمین و ئەکرەم محەمەد علی پەی ئاژانسوو هەواڵوو فوراتی (ANF)ی قسێشا کەردۍ.

'پەدەکە هامسۆز و ڕا وەشکەرا پەی دەوڵەتو تورکیای'

مامۆسا سەریاس سەمین ئاماژەش پانەیە کەرد کە ئەرەگیریەکۍ دەوڵەتو تورکی، ڕەگ و ڕیشێوە تاریخیشا هەن، واتش: "دماو جەنگوو چاڵدێرانیوە جە ساڵەو ١٥١٤ کورڎەسان بەشکریۆ سەرو عوسمانی و سەفەویرە هەتا ئیساتێچ ئا ئەرەگیریە بەردەواما. بەداخەوە لایەنی نزیک جە تورکیای پەدەکەن، ئینەیچ ڕا وەشکەرا پەی ئەرەگیری و بەزنای سنوورەکا پانیشتوو کورڎەسانی.

جە حەقەتینەنە دەوڵەتو تورکیای فاشیست و نەتەوەپەرسا، ئانەی پەسەڼش مکەرۆ تەنیا نەتەوەو تورکین، تورکی پېسە نەتەوێوە باڵادەس موینۆ. جگە چانەیچ هیچ نەتەوێوەتەرش قبوڵ نیا. مەرامیچش ئەسڕیەیۆ نەتەوەو کورڎین."

واتیچش"مرۆڤ متاوۆ گوزارشت چا ئێش و نا وەشیە بکەرۆ کە سەرو گەلوو کورڎیرە مۍ، بەڵام بە ڕاشکاوی ئینە هەرمانەو دەسەڵاتو سیاسی هەرێموو کورڎەسانیا کە جە ڕوو دیپلۆماسی و سەروازیۆ ڕاش ۋنە بگێرۆ."

'دەوڵەتو تورکیای نوقتۍ وشکنایش نیێنەرە ۋنە پەرسای جە خەڵکی مکەرۆ'

دماتەر مامۆسا ئەکرەم محەمەد علی باسش چانەیە کەرد کە دەوڵەتو تورکی ڕووانە دەگا و سنوورەکا پانیشتوو کورڎەسانی بۆردوومان مکەرۆ، واتش: " تورکیا بە قوڵایی زیاڎ جە ٤٠ کیلۆمەترا خاکو هەرێموو کورڎەسانیش بەزنان، ڕووانە هرووژم و ئەرەگیری ئەنجام مڎۆ، دەگا نشینەکا بەر مکەرۆ یاگێشانە بنکەو بارەگای سەروازی منیۆرە و ۋنەپەرسایۆ جە خەڵکی مکەرۆ، پا مەڵامەتۆ خەڵکی گەشمەرڎۍ با.

تا ئیساتێچ حکومەتو هەرێموو کورڎەسانی ئیدانەش نەکەردەن، ئینەیچ پا مەعنۍ مۍ کە دەسێوە هەن و بیەن بە چەمساغ  جە دلېینەو هەرێموو کورڎەسانینە، هامکاری تورکیای مکەرۆ. دواکارێنمۍ حکومەتو هەرێموو کورڎەسانی ئیدانەو ئی هرووژمەیە بکەرۆ و دەنگما بە حکومەتو عێراقی بیاونا پەی ئانەی ئی ئەرەگیریە مردنۆ."

جە دمادمایی قسەکاشەنە مامۆسا ئەکرەم داواش جە گەلی و ڕێکوزیاکا کەرد کە دژوو ئی ئەرەگیریا دەوڵەتوو تورکی ئەرەگیری مرداوە، واتش: "داواکار هەنا جە مرۆڤدۆسا و ڕێکوزیاکا، ژیۋگەدۆسا، ناڕەزایی بەربڕا جە ۋەرا ۋەرو ئی ئەرەگیریەینە، بە ۋێنیشاندای بۆ یان وەڵا کراوەی.

بە هەرجۆرێ بۆ ڕاگیری بکریۆ، چونکی تورکیا نیازێوە خراپ و ترسناکش هەن، پۊکەی پەنەوازا بە گرڎیماوە ڕۆشنۋیر و گرڎ تاکێوە کورڎی دژوو ئی ئەرەگیریە مردمێوە."