کۆمیتەو ڕاوەبەری پەکەکەی بۊنەو نەورۆزیوە ئەرەیاۋنێوەش وەڵاکەردۆ.

پەکەکە ئەرەیاۋناش: "ئینایمۍ نەورۆزێوە تازەینە کە ڕۊو یۊبیەی، ئازاڎیی، مدرامان و سەرکۊتەیا. ئی نەورۆزە پۍ ئازاڎیی جەستەیی رابەر ئاپۆی و چارەسەری پرسوو کوردی، بۆ بە نەورۆزوو ئا هەڵمەتۍ کە ئێمە سەروو ئاستوو جەهانی وەڵێما وستێنە. مەراسیمەکۍ نەورۆزی کە گەلە وڵاتپارێز و دۆسە دیموکراسیوازەکێما جە هەر چوار پارچەو کوردسانی و هەر چوار لاو جەهانینە سازشا کەردۍ، پۍ هەڵمەتەو ئازاڎیی جەهانی کە جە ١٠/١٠ / ٢٠٢٣ دەسشا پنەکەرد قولەپۊپێوە تازەش سازکەرد. بە گرڎ کەسێش نیشانە مڎا کە جە ساڵەی تازۍ نەورۆزینە هەڵمەتەو ئازاڎیی سەرکۊتەی گۊرە بەدەس مارۆ".

جە ئەرەیاۋناکەو کۆمیتەو ڕاوەبەری پەکەکەینە ئامان:

"سەروو ئی بنەمایۍ سەرەتا جەژنەو ئازاڎیی نەورۆزی جە رابەر ئاپۆی، جە گرڎوو هامڕایاما، گەل و دۆساما، ژەنا و گەنجا، کرێکارا و رەنجدەرا پیرۆز کەرمۍ؛ جە ساڵەی تازۍ نەورۆزینە هەر کەس کە کۊشیای ئازاڎیی و دیموکراسی بەرۆڕاوە هیواو سەرکۊتەیش پۍ موازمۍ. جە کەسایەتی کاوەی هامچەرخی مەزڵوم دۆغانینە گرڎوو گەشمەرڎا نەورۆزیما بە رێز، وەشەسیای و پنەزانایۆ یاڎ کەرمێوە. ئێمە داوا داوا جە گرڎ لێوە کەرمۍ کە ئێروو نەورۆزی ئینا دڵشانە، با جە دژوو زوحاکەکا ئارۆی بانۍ بە کاوەو سەردەمی".

نەورۆزوو ٥٢ەمینوو رابەرایەتین

ئێمە فرە عال ئانەی مزانمۍ کە ئانەی نەورۆزش یاونا بە مەعناو حەقەتین و  ۋێش یاۋناش بە ئاستوو ئارۆی، رابەر ئاپۆن. جە نەورۆزوو ١٩٧٣ێنە بناغەو رێکوستەی پەکەکەیش نیارە و کۊشیای تازەو ئازاڎییش دەسپنەکەرد. گرڎ ڕووۍ سەروو خەتەو قارەمانی کۊشیای ئازاڎیش وەڵۍ وست و گرڎ ڕووێش فاڕا پۍ ڕۊو نەورۆزی. ٥١ ساڵێن بە قارەمانێتی کۊشیۆ، پارتوو نەورۆزی، گەریلاو نەورۆزی و گەلوو نەورۆزیش خوڵقنا. بە سەرمەشقایەتی ژەنا و گەنجا گەلوو کوردی فاڕاش پۍ نەورۆز و راسی گەلێوە، کە حەجگیز دلێنە مەشۆ و مەبەزیۆ، ئاردش کایۆ. حەرپۊکەی ئی نەورۆزەو ٥٢ەمینی گرڎ وەختۍ بۆ بە نەورۆزی حەقەتینەو رابەرایەتی. پۍ هەڵمەتەو جەهانی ئازاڎیی کە ئامانجەکەش ئازاڎیی جەستەیی رابەر ئاپۆین، هێقمتەرین و بەقوەتتەرین قولە پۊپە سازکەرمۍ. نەورۆز مژدە بە گەلەکەیما مڎۆ کە کۊشیای بە رۆحوو مدرامانی و سەرکۊتەی بەرۆ ڕاوە، بە دڵنیاییوە ئازاڎیی جەستەیی رابەر ئاپۆی مسۆگەر کەرۆ. حەرپاسە پێسە ئانەی ئێمە فرە عال مزانمۍ، ئا هێزە بنچینەییەی کە نەورۆزش یاۋنا بە ڕۊو ئارۊیما گەشمەرڎۍ قارەمانۍ ئێمەنۍ. ئا قافڵەو ئازاڎییەی کە بە کاوەی هامچەرخی مەزڵوم دۆغانی دەسش پنەکەرد، بە گەشمەرڎەبیەو دەیان گەریلایا قارەمانی بەردەوام بیەن؛ بە زەکیە، رەهشانۍ، رۆناهی و بێریڤانەکا فاڕیا پۍ ڕاپیمای راسی و دروسوو سەرکۊتەی. گەشمەرڎۍ قارەمانێما نەورۆزشا فاڕا پۍ راسی ئازاڎیی و سەرکۊتەی. ئانۍ کە بە راستتەرین شێوە بەشدارییشا جە ڕاپیمایی ئازاڎیی نەورۆزوو رابەر ئاپۆینە کەرد و گەورەتەرین هێزشا پنەبەخشا، گەشمەرڎۍ قارەمانۍ ئێمەنۍ. نەورۆزوو ساڵەو ٢٠٢٤یچ سەروو ئا بنەمایۍ پیرۆز کریۆ و سەروو خەتەو رابەرایەتی و گەشمەرڎا ڕاش ۋەروودەم و زانابیەی و رۆشنۋیری بەقوەتیرە کەرۊوە.

گەریلاکێما ئێروو نەورۆزوو ئێساڵیشا جە ئاسمانەکانە کەردۆ

ئانۍ کە ئی نەورۆزە بە راستتەرین شێوە چنی رابەر ئاپۆی مژیوا، هێزوو قارەمانوو گەریلاکامانۍ. مدرامانی تاریخی ئیمراڵی و مدرامانوو گەریلا قارەمانەکا کە بە سەرمەشقایەتی زاپی، ئامێتەو یۊی با و مژدەو ئازاڎیی مڎا بە گەلەکەیما و گرڎوو مرۆڤایەتی. گەریلاکۍ ئازاڎیی کوردسانی بە ئۆپراسیۆنە شۆڕشگێڵنییەکا کە ناوەندەکەشا زاپا، گورزەی قورسەشا مێگەلوو فاشیست- قڕکەری ئاکەپە-مەهەپەی شانا و تا ئیسەیچ گورزەی تازێش ۋنە شانا. بە ئاردەینەی ئا تاکتیکەی وەڵێشا وست و بە پێرفۆرمانسوو تەکنەلۆژیای، کوردسانی جە هێزە ئەرەگیر و قڕکەرەکا کەرانۍ بە قەبرسان. نەک هەر سەر زەمین و چێر زەمین، جە هەمان وەختەنە ئاسمانەکێچشا جە دوژمنی کەردێنۍ بە جەحەنەم. پا گورزە تەکنەلۆژیایۍ کە جە فاشیزموو ئاکەپە-مەهەپەیشا شانا، ئێروو نەورۆزوو ئێساڵیشا جە ئاسمانەکانە کەردۆ.

سڵامی هامڕایانە ئاراستەو هێزو جەنگەواناو هەپەگەی و یەژاستاری مکەرمێ

ئێمە سەرکەوتەی تەکنەلۆژیای گەریلاکاو ئازادیی کوردستانی، کە مزانیی سەرکەوتەی ماناداری چینەیە مدا بە  ڕابەر ئاپۆی، گەلە وەڵاتپارێزنەکەما و دۆسە دیموکراسیوازەکامان و پەی ستەمکارا با مایێ تەرسێ و پەی مەزڵوم و ستەموەنەکریایا با بە هومێد، وەنەپێتەیۆ جە گرد جۆرە ستەم و ئەرەگیریێوە کەرانێ و ڕۆحوو گەشمەردە قارەماناما شاد مکەرانێ، ناخو دڵیوە مەبارەکباییشا وەنە مکەرمێ و هومێدو بەردەوامیشا پەی موازمێ. هێزو جەنگەوانی و فەرماندەیی هەپەگەی و یەژاستاری، کە  حەرچوار لاو کوردستانیوە بە هەوڵدای فرە قەوەت جەنگو ئازادیی وزا وەڵێ، بە هامڕاییۆ سڵامشا ئاڕاستە مکەرمێ. ئەرەیاونمێش، کە ساڵەی نەوەو نەورۆزینە هێزی فیدایی گەریلاکاما بە سەرکەوتەی سەرمەشقایەتی پەی هەڵمەتەو ئازادی مکەرا، کە ئازادیی جەستەیی ڕابەر ئاپۆیش بە بنەما گێرتەن.

داوا مکەرمێ کە ئاویرو نەورۆزی زیاتەر گەش بکریۆ

مسۆگەرا کە گەل، ژەنی، گەنجا و گردوو گەلە ڕەنجدەرا ساعیبێ هەقەتینێ ڕابەرایەتی، سەرمەشقایەتیی پارتی و هێزو گەریلای گنا هۆشیاریی قووڵ و بە شێوەی قەوەتتەر وێشا ڕێکێ موزانێ و کۆشیای ئازادی سەرمڕ و بێوچان بەراش ڕاوە. بەڕاسییچ ئارۆ کوردستاننە و جیهاننە دۆخی ئیسەیی ئینەنە. گردوو ژەنا و گەنجا، گەلە وەڵاتپارێزنەکەما و دۆسێ دیموکراسیوازێما، کە داراو هۆشمەندی و ڕێکوستەینێ ماوێوە درێژە ڕووە کەرانێ مەیدانەکاو نەورۆزی و بە مەبارەکبایی نەورۆزی هەڵمەتەو ئازادیی جیهانیما میاونا بەرزتەرین ئاست. کەشەکاوە تا زیندانەکا، کوردستانۆ تا بەروو وەڵاتی، گردوو مەیدانەکانە هەوڵێ مدریا کە گردوو ئاستەنگی و دژوارییەکا ویەرنا و ئی نەورۆزەیە بکەرانێ بە نەورۆزو ئازادیی جەستەیی ڕابەر ئاپۆی. ئینە بە ماناو شایستەبییەن پەی ڕابەرایەتی، گەشمەردا و گەریلاکا. خاس مزانمێ، کە هەڵوێستو گەلی، ژەنا و گەنجا کە داراو هۆشیاربییەیۆیێ پاسە و پێوەسبییەێوە بنچینەیی بە ڕۆحێوە گیانبازانەوە مجووڵیاوە و هەرگیز نمەبەزیانێ و شکس نمارانێ. چی چوارچوەنە ئێمە بە ڕێز و شکۆوە سڵام وەنەو گردو ئا کەسا مکەرمێ، کە مەیدانەکاو  نەورۆزینە زەماوندەو ئازادیی مگێڵنا و پەی ئازادیی جەستەیی ڕابەر ئاپۆی دەنگشا بەرز مکەراوە. داوا و بانگەوازما گەشتەرکەرەی ئاویرو نەورۆزو ئازادیین.

ڕاپیمایەکاو ئازادیی گورزی قورسشا وەنەو فاشیزمو ئاکەپەی و مەهەپەی شانا

ئا ڕاپیامایە گەورەو ئازادییە، کە بە سەرمەشقایەتیی مدرامانو ئیمراڵی و زاپی لاو گەنجا، گەلەکەیما و دۆساماوە کریا، گورزی گەورەشا وەنەو فاشیزمو ئاکەپەی و مەهەپەی شانا و هامسەنگیی دیکتاتۆریەتو فاشیستیا سەراوبن کەرد. پێسە ئا فاشیزمەیە ئیتر نمەتاوۆ سەرو پایاوە وێش بگێرۆ و درێژە بە مەنەیۆش بدۆنێ. وەروو ئانەیە بەینوو ئەمریکا، ئەورووپای و عێراقینە مێ و ملۆنێ و وەنەو گردکەسی پاڕیۆوە. گردو سەرچەمەکاو تورکیای مورەشۆنێ و گەرەکشا چا ڕێوە دژو جمیەرو ئێمە و گەلەکەیما هجومێوە تازەی ئەرەگیرکاری و قڕکەردەی ئەنجام بدۆ و وێش پەی ئانەیە ئامادە مکەرۆ. پێوەس پانەیچە گەرەکشا وێش جە چوارچوەو هجوومێوی  قڕکەردەی و دلێنەبەردەینە ڕێک بوزۆ و ئا کردەوە چەپەڵا بیاونۆ یاگێ. ئەگەر سەر گنۆ، وێش ئامادە مکەرۆ کە دماو ورچنیەی و جەژنێ هجوومەکەی بکەرۆ. پێویسا گردو گەل و دۆساما ئانەیە خاس بزاندێ.

بە دڵنیاییەوە گەرەکبییەی و یاوناییاگێ دووێ چێوێ جە یۆترینی جیاوازێنێ. گرد پێسەو یۆی تەیب ئەردۆغانی و دەوڵەت باخچەلی دیکتاتۆری و دوژمنو گەلو کوردی نییەنێ. هەرپاسە دیار نییا، کە فاشیزمو ئاکەپەی و مەهەپەی پەی زیاتەرکەردەی فاشیزمو وێشا چندە هێز کۆ مکەراوە. بەڵام ئێمە پێسەو جمیەری و گەلی پێویسا ئێمە بە شێوێوە جیددی مامەڵە چەنی ئا هەوڵ و جموجووڵە ئاماژەپەنەکریایاو دوژمنی بکەرمێ و وێما پەی ماڕای هجوومە چەمەڕوانکریایەکا ئامادە بکەرمێن. پێویسا بە هێز و سیاسەتوو وێما هجوومە چەمەڕوانکریایەکا دوژمنی ماڕمێ. تێکبشکێنین. چێ تەنیا ئانەیە مواچمێ، 'گەر بەیا ئەنجامەکەیش موینانێ'. دیسان داوا وەنەو گردو دیموکراسیوازا جە عێراقۆ تا ئەورووپا مکەرمێ کە نەبانێ هامکارێ تاوانە دژە ئینسانییەکاو ئاکەپەی و مەهەپەی.

نەورۆز ژیوایوەن، ڕوێو نەوا، ئامای فەسڵو وەهاری و ئەوەڵو ساڵێ نەوێن. پەی گەلو کوردی و ئینسانیەتی هیچ چیوێ جە کۆشیای ئازادی و دیموکراسی بە سەرمەشقایەتیی ڕابەر ئاپۆی و پەکەکەی وەشتەر و مەبارەکتر نییا. ئێمە پێسەو گەلی و جمیەری، نەورۆزو ساڵەو ٢٠٢٤ پی هۆشمەندی و ڕۆحیوە خێرامای مکەرمێ و بە ئامێتەکەردەی جمیەرو ئازادیی جیهانیی وێما و نەورۆزی بەرەو سەرکەوتەی تازە ملمێ. ئێمە داوا وەنەو گردوو گەلەکەیما و دۆساما مکەرمێ، کە بەشداریی ئی ڕاپیماو ئازادییە بانێ و ئاویروو نەورۆزی نەورۆزو ئازادیی گرد مەیدانێوەنە گەشتەر بکەرا و هەڵمەتەو ئازادیی بەرەو سەرکەوتەی بەرانێ."