کۆمیتەو ڕاوەبەری پەکەکەی پېوەس بە نەورۆزو ٢٠٢٥ ئەرەیاۋنێوەش وەڵا کەرڎۆ و داواو ئەنجامدای بەهێزتەرین چالاکیش کەرڎ پەی ئازاڎیی بەڎەنی ڕابەر ئاپۆی.

کۆمیتەو ڕاوەبەری پارتو كرێكارا کوردەسانی (پەکەکە) پېوەس بە نەورۆز و ئێساڵی ئەرەیاۋنێوەش وەڵا کەردۆ كە چنەشەنە ئامان: ئایێربەسما ئەرەیاۋنا پەی ئانەی هەنگامەی پراکتیکیە پەی دەسپنەکەردەی پڕۆسەو ئاشتی بەپاو مەرجەکا بانگەوازەکەو ئۆجەلانی مامەڵە بكەرا، بەڵام حیچ هەرمانێوە کۆنکرێتیە جە لایەنو پەرلەمانیوە نمەوینیۆ.
پەکەکە ئانەیچش وستەن ڕووە، مقارنە بە ماوەكا ۋېیەردەی. هرووژمە سەروازیەکۍ سوپاو تورکیای تا حەدۍ کەمشا کەردەن، بەڵام جە ماوەو دوۍ حەفتا ئایێربەسی تاکلایەنەینە، بەگرڎیی سوپاو ئا وڵاتیە (٧٣) هرووژمۍ ئاسمانیۍ و چوار هەزارۍ و (١٧٥) هرووژمۍ موشەكیۍ هەشت جارێچ بەبەکارئاوردەی چەکی قەڎەغەکریای هرووژم کریان، ئینە جگە جە فڕۆکەی سیخوڕی بە بۆمچنیای کە گرڎ ڕوۍ سەرو ناوچەکەیرە خولیاوە.
پەکەکە ڕۆشنش کەردەنۆ، نمەتاویۆ هەنگامەی کردەییەی پا جۆرە گیریۆنە ۋەر پەی مردنای جەنگی بەشێوێوە تاکلایەنە، پۊکەی مشۊم هەنگامەی کردەییە بنریۆ و گرڎو چەکەکا بێدەنگۍ بکرێیا
پەکەکە جە درێژەنە ئەرەیاۋنانیچش: وەشحاڵێنۍ کە بانگەوازەکەو عەبدوڵا ئۆجەلانی و بەیاننامەکەشا سەرو ئاستو دلېینەی و مېیاندەوڵەتینە بە شێوێوە ئەرێنی پێشوازیش ۋنە کریا، بەڵام کات فرە گرنگا و پەی سەرکۊتەی مشۊم کات بە عالی بەکاربۍ و پېوەرە هەنگامە بنیا.
پەكەكە ئاماژەش پانەیچ کەرڎەن، جە دماو ٢٧ و شوباتیوە دیدار چنی عەبدوڵڵا ئۆجالانی نەکریان و نمەزانا كە فاڕیای جە مەرجەکا ئیمراڵینە کریان یان هەمان مەرجەكۍ وەڵتەرینۍ، حەرچڼە  رۆنامەنویسا باس چانەی مکەرا کە گلېرۊبیەی و گفتوگۆ هەن، بەڵام حیچ هەرمانێوە کۆنکرێتیە جە لایەنو پەرلەمانیوە نمەوینیۆ.

پەکەکە ئەرەیاۋنانیچش: گەلی وڵاتپارێزن و دۆس دیموکراسی،  بەتایبەتی ژەنا و جوانا، جە گرڎ شۊنێنە مېڎانەکا نەورۆزی پەڕ مکەراوە و جە گرڎ کاتێ زیاتەر هاوار پەی ئازاڎ كەردەی ئۆجەلانی مکەرا.

جە دما دمایی ئەرەیاۋناکەینە پەکەکە جارێوەتەر مبارەکبایی نەورۆزیش جەگەل و دۊساما، بە تایبەت جە ڕابەر ئاپۆی کەرڎ. داواش کەرڎە مبارەکباییەکۍ نەورۆزی کە جە گرڎ مېڎانێنە ئەنجام مڎریا با بانۍ بە چالاکیۍ بە داواو ئازادی بەڎەنی ڕابەر ئاپۆی!