گەریلاو هێزەکاو پارێزنای گەلی (هەپەگە)ی بە بۊنەو ٤٥هەمین ساڵیادوو ئەرەمەرزنای پەکەکەیۊ پەی ئاژانسوو هەواڵوو فورات (ANF)ی دوا.

گەریلا نیشتیمان کورڎسان، ساڵیادوو ئەرەمەرزنای پەکەکەیش مەبارەک کەرڎ  و واتش: " ئەوەڵ بە ڕێز و سوپاسۊ هامڕا گەشمەرڎەکام یاد کەرووە. پارتەکەما، پەکەکە پارتوو گەشمەرڎان، سەروو بنەماو هەقکەرڎەیوە گەشمەرڎا ئەوەرەمەرزیان. ڕابەرایەتی دماو گەشمەرڎەبییەی هامڕا حەقی قەراری قەراروو ئەرەمەرزنای  پەکەکەیش دا. وەختوو ئەرەمەرزنایشنەنە ڕابەرێتی واتش"پەکەکە پارتوو گەشمەرڎان ". ٢٧و تشرینوو دووەمی پەی گەلوو کورڎی جەژنەو ژیوایۊنە. دماو ٢٨ ئەرەپڕایا، دوژمن سەروو کەشوو ئاگریوە نویستش "کورڎسان خەیاڵش چێنە شاریانۊ". ڕابەر ئاپۊ گەلوو کورڎیش جە دۊخێوە چانەنە ڕزگار کەرڎ. ماناو ٢٧وو تشرینوو دووەمی پەی ئێمە پێسنێنە، یانۍ نامێش ژیوایوەن. پەکەکە ئەڵتەرناتیڤوو ژیوای ئازاڎین. ئامانجما مسۊگەرکەرڎەی ئازاڎی جەستەیی ڕابەر ئاپۊی و بنیاتنیای نەتەوەی دیموکراتیکین. ئێمە فرە جە ئامانجەکاما نزیکۍ بیێنمێوە، پەوکای سەرەڕاو دژوارییەکا، کۊشیایما بەرڎەواما.

دوژمن ئا ڕاسییا خاس مزانۊ، پەوکای هجومۍ کەرا سەروو تەڤگەرەکەیما و گەلەکەیما و دەسکەوتەکاو گەلوو کورڎی. وەختوو ئانەیە ئامان ئێمە ئازاڎۍ بیمۍ. چی قۊناغەنە ئێمە ئینایمۍ بەرزتەرین ئاستوو کۊشیاینە. دوژمن وەراوەرماوە بێچارەن، وێچش ئی ڕاسییە مزانۊ. پەی شارتەیوە ئی ڕاسییە بە شێوازی دڕندانە هجوومۍ کەرۊ سەروو گەلەکەیما زارۊڵۍ  کشوۊ و کۊکوشی کەرۊ. هجووم کەرۊ سەروو مەیدانەکاو گەریلای. ئێمە تەڤگەروو فیداکارانمۍ. پەوکای پەی ئازاڎیی جەستەیی ڕابەریما، پەی بەرکەرڎەی دەوڵەتی ئەرەگیری خاکەکەمانە کۊشیەیمۍ. کۊشیایما وەرەچەما. دوژمن ڕوانە بە چەکی کیمیاوی هجووم کەرۊ سەرما،  وەلۍ هەڵای مەتاوۊ ئەنجامش بۊ.

ئا مدرامانە ئیساتۍ زاپ و ئاڤاشین و مەتینانە هەن، ڕۊشنتەرین نموونەن  پەی شکستوو سوپاو تورکی. دەوڵەتوو تورکی بە گرڎوو فرسەتەکاو وەرڎەسیشۊ هجوومۍ کەرۊ، وەلۍ نمەتاوۊ وەراوەروو مدرامانوو گەریلاینە مرڎۊ. گەریلا سەرەڕاو هەلومەرجی دژوار و سنوورڎاریی فرسەتەکاش، بە ئیرادە و باوڕۊ وەراوەروو هجوومەکاو  دوژمنی مرڎۊوە.  ڕاسییەکە ئانەن کە جگە جە فیداکاری حیچ  چێوۍ تەر چی قۊناغەیە قبووڵ مەکریۊ، بەدڵنیاییوە یاومۍ ئامانجەکەیما".