یۆ جە ڕاوەبەرا ئەرەمەرزیاو ئاشتی مارتین مەک گینس (مارتین مەک گینس پیس فاوندیشن) پۆل کاراڤانا ئەرەیاۋناش، مەژگوو رابەروو گەلوو کوردی عەبدوڵا ئۆجالانی زینڎانی نەکریان و واتش، "بە نویستەی و تیۆریەکا ۋێش رابەرایەتی مکەرۆ. بۆ بە هیوا".
پۆل کارڤانا کە پێسە راوێژکاروو ڕاوەبەرایەتی پەروەردەو سەرنیشت و ئیرلەندای هەرمانە مکەرۆ، ئەرەیاۋناش، "زینڎان ئینا مەژگوو ئینسانینە" و پی جۆرە بەردەوام بۍ، "ئەگەر جە مەژگەنە زینڎانی و دیلۍ با، ئا وەختە شمە زینڎانیێندۍ. ئاشکران کە مەژگوو عەبدوڵا ئۆجالانی زینڎانی نییا. ئاڎ بەرنامېوە سیاسی وزۆ ڕووە.
پۆل کارڤانا دماو ١٩٨١ زینڎانی کریا و ٥ جار سزاو زینڎانیش سەرەرە سەپیان. بەمەڵامەتوو رێککەوتەی بەینوو کۆماروو ئیرلەندای و شانشینی یۆگێرتەی کە ١٠و نیسانوو ١٩٩٨ ئیمزا کریا و پێسە رێککەوتەو "جومعەی پیرۆزی" ئشناسیا، ئازاڎ کریا. پۆل کارڤانا ئانەش وست ڕووە کە رابەروو گەلوو کوردی عەبدوڵا ئۆجالان ٢٥ ساڵێن بە شێوێوە جەستەیی ئینا ئیمراڵینە زینڎانیا و واتش، " ئەزمونوو هەر کەسۍ زینڎانەنە جیاوازا. من واچێنا، زینڎان ئینا مەژگوو ئینسانەکانە. ئەگەر مەژگتا زینڎانی بۆ، شمەیچ زینڎانیێندۍ. ئاشکران کە مەژگوو عەبدوڵا ئۆجالانی نیا زینڎانەنە. بەرنامە سیاسیەکەش ئینەی بە ڕۆشنی نیشانە مڎۆ. بەرنامێوە سیاسی کە مرۆڤەکێ پەسەنڎش مکەرا. ئینە جە رادەبەدەر گرنگا".
جە ئەندێشەکاو عەبدوڵا ئۆجالانی متەرسا
پۆل کارڤانا ئاماژەش پانەی کەرد، کە سەرۆککۆماروو تورکی تەیب ئەردۆغان جە هۆرچنەکانە فرا وەستەنەرە، حۆلەکێچش وانەنە جە سایەو مدرامانوو گەلیوە لەبەینشی و واتش، "رەنگە پێسە سەرکەوتەیۍ گولانەی بۋینیۆ، بەڵام هەر سەرکەوتەیۍ گولانە هەنگامێوەنە بەرەو شکستدای ئەردۆغانی. رابەروو گەلوو کوردی ئینا زینڎانەنە، بەڵام مەژگوو ئاڎیی نیا زینڎانەنە. بە نویستەکاش، بە تیۆریەکاش هەڵای بەردەواما جە رابەرایەتی کەردەی. تا زینڎەن چنەش تەرسا. بەمەڵامەتوو ئەندێشەکاشۆ ئاڎشا گێرت. ئانەی فرە چنەش متەرسا ویرکەردەیۆ و ئەندێشەکێشەنۍ، بەڵام جە ئیساتێنە ئەندێشەکێش نوێنەرایەتی فاڕیای مکەرا. پێسە ئانەی جە هۆرچنیەکانە وینیا. پەی مرۆڤەکا بۆ بە مایۍ هیوای. زینڎانیچەنە بۆ بە مایۍ هیوای. بە بڕواو من هیچ چێوۍ پێسە هیوای بیەیش نییا. هیچ چێوۍ جە هیوای بەقوەتتەر نیا".
مزانۆ چێشش گەرەکا
پۆل کارڤانا ئانەش وست ڕووە، کە عەبدوڵا ئۆجالان سەرکردێوە نەتەوەییا، ساعیب تەجرووبێوە دیڎاری و ئەرەنیشتەی ئاشتیا و واتش، "جە پرۆسەکاو ئەرەنیشتەی میاوۆنە، مزانۆ چێشش گەرەکا. مزانۆ ئا ئەنجامۍ بەدەسشا مارۆ چێشێنۍ و چنی متاوۆ بیاونۆشا ئا ئاستە. ئینە بە ئاسانی بەدی نمۍ. رایەکۍ بەرەو گفتووگۆی، جە دماینە متاوۆ قەرار بڎۆ، بەڵام ئاڎ خەتێوەش دیارییە کەردێنە. ئانۍ راو ئاڎیش گرتێنە ۋەر پانەی مزانا. بە ۋێشا ماچا، ئەگەر عەبدوڵا ئۆجالان بیۍ چێش کەرۍ؟ یانی ئانەی دیاری مکەرۆ. ئاڎ جیلی تازەیچ ڕاوەبەر مکەرۆ، ئاڎ سەرمەشقایەتی پەی جیلی تازەیچ مکەرۆ، تا ئازاڎیی بێنەدی سەرمەشقایەتی جیل و ئایندەیچ مکەرۆ".
