ڕۆو ١٤ حوزەیرانو ساڵەو ٢٠١٨، کەسوکار و پاسەوانەکاو ئیبراهیم خەلیل یڵدزی، پەرلەمانتاری وەڵینو ئاکەپەو ڕحای، مەنتێقەو پیرسوسینە هجوومشا کەرد سەرو بنەیانەو شەنیاشاری. چا هجوومەنە هامژینە و دووێ کوڕێ ئەمینە شەنیاشارێ بە شێوێوی دڕندانە کوشیێ. ئەمینە شەنیاشارە و کوڕەکەش پەرلەمانتارو پارتو یەکسانی و دیموکراسیی گەلا (دەم پارتی) فەرید شەنیاشار، کە بەبرینداری هجوومەکەنە بەرشی، ئێشکگێریی دادپەروەریشا فاڕاوە پەی وەردەمو وەزارەتو دادی، ئێشکگرییەکە ئینا ڕۆو ٦٣ەمینینە بەردەوام بی.

بەرەو وەزارەتی وەنەو ئەمینە شەنیاشارێ وزیارە، ئی جارە پۆلیس ڕاش نەدا ئەندام و ڕاوەبەراو پارتو ڕەنجی (ئەمەپە) سەرێ ئێشکگرییەکەی بدا. ئەنداماو ئەمەپەی ناچارێ بیێ شەنیاشاری جیابازا.

ئەمینە شەنیشارە دماو ماڕای ڕۆچەکێش، وەردەمو وەزارەتیش جیا ئاست.