بە سەرمەشقایەتی پارتو هەرێمە دیموکراتیکەکا (دەبەپە)ی و پارتو یەکسانی و دیموکراسیی گەلا (دەم پارتی) جە ناوچەو یەنیشەهیرو ئامەدی گلېرۊبیەی "ئازادی پەی ئاشتی" ئەنجامدریا. دماو گلېرۊبیەکەی، جوانێوە کە بەرەو جاڎەو گەڤرانی لوۍ بە بەهانۍ "مردایۆ دژو پۆلیسی" زەمینەرە کێشتشا و باڵبەسکریا.

پەرلەمانتارەو دەم پارتی سەباحەت ئەردۆغانە و جوانا نیازشا بۍ دەسوەردای بکەرا، بەڵام پۆلیس ئاڎێچش عەزیەت کەردۍ. پۆلیس بە گازی هەڵسمچ هرووژمش کەرڎ کردە سەرو گەلی و ٥ کەسۍ زامڎارۍ بیۍ.

هەرپاسە پۆلیس ڕاش چا جوانا گېرت کە بەرەو مېیانو کۆنگرەی کەلتووری ئامەدی ڕاپیمای کەرێنۍ، ٤ کەسۍ باڵبەسۍ کریۍ و یۊشا تەمەنش ١٥ ساڵېن.

هەرپاسە گوڵستان داشتانە باڵبەسە کریا، کە واڵۍ ڕۆنامەنوویس نازم داشتانینە کە جە سەرنیشت و ۋەرکۊتوو سوریای جە لایەنو دۊڵەتو تورکیوە گەشمەرڎە کریا. بە بەهانۍ هۊرگېرتەو وێنەو نازم داشتانیوە باڵبەسە کریا.

هەرپاسە پەیامکیانەو ژەن نیوزی ڕۆژدا ئایدنە گەرەکشبۍ دیمەنو هرووژمو پۆلیسی تۆمار بکەرۆ، بەڵام ڕووبەڕوو ئەشکەنجەی بیۆ و زەرەر ۋەرو کامێراکەیش کۊت.