پێنجوێنەنە مەراسیمێوە بۆنەو ساڵیاڎوو گەشمەرڎەبیەو کەمالە خڕەیۆ لوواڕاوە، هاموەخت پەردە سەروو مۆنۆمێنتوو ئا گەشمەرڎەیۆ لادریا. جە مەراسیمەکەنە بنەیانە و هامڕاکێش وەعدوو درێژەدای بە رێبازوو گەشمەرڎە کەمالیشا واوەی کەردۆ.
هېزی وێرەگا چوارڕێیانوو گەشمەرڎە کەمالە خڕەینە پێنجوێنەنە بە ئاماڎەبیەو کەسوکار و هامڕایا ئا گەشمەرڎەیە مەراسیموو هەشتەم ساڵیاڎوو گەشمەرڎەبیەیش لوواڕاوە.
جە مەراسیمەکەنە پەردە سەروو مۆنۆمێنتوو گەشمەرڎە کەمالە خڕەی لادریا و تاجەولینە ۋەروودەم و ۋێنەکەیشەنە نریارە.
قەندیل کەمال کوڕوو گەشمەرڎە کەمالی قسېش کەردۍ و ئەرەیاۋناش، هەشتەمین ساڵیاڎوو گەشمەرڎەبیەو گەشمەرڎە كەمالی مکەرمېوە، كە دەسۍ سیاو مەحاڵەو پێنجوێنېنە گەشمەرڎەش کەرد، ئېساڵیچ گەرەکمابۍ جیاواز جە ساڵا ۋیەردەی یاڎېوە شكۆمەنڎانە بۆ پەی تاتەیم.
واتیچش: ئېساڵ ئی مۆنۆمێنەتەما سەروو جاڎەو گرڎیی پێنجوێن باشماخی پەی وەشکەردەن، پەردەما سەروو ۋێنەكەیش لادا، وەعدوو ئانەی مڎەیمۍ درێژە پنەدەروو خەباتوو تاتەیما بیمۍ ، تا هەناسەما بۆ.
هاموەخت تارا حسێن-ە هامسەرۆكەو تەڤگەری ئازاڎیی گلېرگەو كوردسانی جە میانوو پێشكەشكەردەو واچېوەنە واتش: ئەگەر گرڎوو ئی شاریە بکەرمۍ بەنامۍ گەشمەرڎە كەمالیۆ مەتاومۍ جوابوو ئازایەتی و قارەمانیەتی هەڤاڵ كەمالی بڎەیمېوە، گەشمەرڎە كەمال بەهەڵوێسە نەتەوەیی و نیشتیمانیەكاش نوێنەرایەتی مەردموو پێنجوێنۍ و پانیشتوو كوردسانی کەرۍ، هۊرگیروو زهنیەتێوە بۍ دوژمن زەنڎەقش چنەش شیەبۍ.
واتیچش: ئا مەبدەئەو ئاڎیی کە بۊنەشۆ پێشمەرگەو گەریلابۍ پاشەكشەش نەکەرۍ، نمونەو هەڵوێسەكا ئاڎیی متاوۆ گەلوو كوردی جە قڕكەردەی و گەشمەرڎەکەردەی پارېزنۆ، هەڤاڵ كەمال ئەركی ئەخلاقی و مرۆڤایەتی ۋێش یاۋنا مەنزڵ.
تارا حسێن-ە جەختیچش کەردۆ، گەشمەرڎەبیەی پېسە هەڤاڵ كەمالی یاگۍ ئیرەیی پنەبەردەین كەبەزینڎەیی دلۍ دڵوو گەلی و ڕۆحوو تاریخوو ۋێشەنە مەنۆوە، بە گرڎ جۆرێ ئێمەیچ نەفرەت جە خیانەتی مکەرمۍ.
جە دما دمایچەنە هامسەرۆکەو تەڤگگەری ئازاڎیی جەختش کەردۆ، وەفاڎاری ئێمە درێژە پنەداین بەخەباتوو هەڤاڵ كەمالی و بنەیانەکەیش.
