موحسین عوسمان پەرلەمانتاری وەڵینو عێراقی جە فراکسیۆنو یەنەکەی و ئەندامو کەنەکەی دەسکەوتەکێ وەرنیشتی و هرووژمە ئەرەگیرییەکێش هۆرسەنگنێ و ئەرەیاوناش؛ گەلو کوردی ئینا قۆناغێوە تاریخینە، پۆکەی پەنەوازا هێزە کوردییەکێ یۆگێرانە.
موحسین عوسمان، پەرلەمانتاری وەڵینو یۆبیەی نیشتمانی جە پەرلەمانو عێراقی و ئەندامو کۆنگرەو نەتەوەیی کوردەسانی، سەبارەت بە دمایین پێشئامایەکا وەرنیشتی و هرووژمەئەرەگیرەکا دۆڵەتو تورکی چنی ئاژانسو هەواڵو فوراتی (ANF) قسێش کەردێ و ئەرەیاوناش؛ گەلو کوردی جە وەرنیشتەنە رووبەڕوو دەرفەتێوە تارخی بیێنێوە و ئاماژەش پانەیەدا کە پەنەوازا جە وەراوەرو هەڕەشەکانە هەڵوێسی نەتەوەیی گیریانەوەر.
دەرفەتە تاریخیەکۍ و هەڕەشۍ دژمنا
موحسین عوسمان جەسەرەتاو قسەکاشەنە؛ "سڵامش ۋنەو جوانا کوردەسانی، گەریلای و پێشمەرگەکا بەرەکا جەنگی، جەنگاوەرا و مڏرامانو وەرنیشتی و هەرپاسە سڵامص جە مڏرامانو زینانیا و ئانێ کە دەربەدەرینە مژیوا و ئانیشا بە هەوڵ و چالاکییەکاشا بەشداری چی مڏرامانە تاریخیەنە کەرا کەرد."
موحسین عوسمان ئەرەیاوناش؛ کە فاڕیایی گۆرە جە وەرکەوتوو دلێڕاسەینە ڕووەمرۆ، ئارۆ دەرفەتێوە گۆرە پەی گەلەکەیما ئامان ئاراوە. وەرنیشتوو کوردەسانیش پێسەو پانیشتوو کوردەسانی جە سەروبەنو یاواین بە دەستکەوتەکاش. بەڵام دوژمنێما هەوڵ مرا بەهەر جۆرێ بۆ دەرفەتەکا دلێنەبەرا. سکاڵا و گلەییێ جە دوژمنا نەکەرمێ، پەنەوازا ئێمە پەی وێما یۆگیرێ بیمێ.
موحسین عوسمان دەسکەوتەکێ وەرنیشتی پێسەو هەلێوە گۆرێ پەی یاوای بە یۆگێرتەی کوردی هۆرسەنگنا و واتش: "هەرچنە دژایەتی فرە هەن بەینو دوژمنامانە، حکومەتو تورکیای، وڵاتا عەرەبی و فارسی، بەڵام سەبارەت بە پرسو کوردی، گردشا دژایەتییەکاشا وسالایێ یۆگێرانە. هەرپاسە مشۆم ئێمەچ پەی گەلەکەیما ناکۆکییەکاما وزمێ لاوە."
موحسین عوسمان ئاماژەش پانەیە کەرد کە وەرنیشتوو کوردەسانی بە قۆناغێوە سەختەرە ویەرۆنە و داواش جە گردو گەلو کوردی کەرد چی دەرفەتە گۆرەنە جە دەورو شۆڕشو وەرنیشتی یۆگێرا و واتش: "چێکەو بانگەوازو من بۆ پەی گرد لایێ و کەسایەتییە سیاسییەکا و ئا کەسا کە بە ئاشکرا یان بە نهێنی هامکاری دوژمنا مکەرا و ئاسانکاری پەی هرووژمەکا دوژمنی مکەرا ئانەن کە بە هۆشو وێتارە بەیدێ و ئاوی مەکەردێ ئاشی دوژمنیرە. ئەر ئارۆ دەستکەوتەکا وەرنیشتی دەسەنە پشا، وەوای دەستکەوتەکا پانیشتیش جەدەسەنە مشا. دوژمنا گەلو کوردی یۆنێ و دژو تەنیا بەشێوە و لایەنێوە نیەنێ بەڵکووم دژو گردو کوردی و دەستکەوتەکاشانێ."
موحسین عوسمان جە درێژەو قسەکاشەنە سەبارەت بە لۆبی کوردی جە بەرو وڵاتی واتش: "ئەر ناتوانن مەتاودێ بلدێ وەرنیشت، ئنایدێ هەر یاگێنە بە نوویسین، پەیام و چالاکییە دیپلۆماسییەکا و چالاکییەکا متاوانە پەشتیوانی جە ئەرەکۆشای و مڏرامانو وەرنیشتی کەرا. با جۆرە ئەر کەمێوەش بۆ، هیز و مۆڕاڵ دەیدێ بە گەلەکەیما."
"چارەسەری پرسو کوردی جە ۋەرکۊتوو مېیامینینە مەبۆ بە مەڵامەتو ئاشتی"
موحسین عوسمان بە ئاماژەدای پانەی کە کورد دماو پەیمانو لۆزانیۆ بەردەوام وەرەوڕو ئێشی قورسی بییەنۆ و پرسو ئازادی گەلو کوردی بە سەرچەمەو کێشەکا وڵاتا تورکیا، عەرەب و فارسی زانێ و واتش: "هەتا کورد نەبۆ خاوەن ستاتۆ و پێگەو وێش نەمەزنۆرە و ئازادیەکا بەدەست نارۆنە ، نەک گەلو تورکی، نە عەرەبی و نە فارس مەتاوانە بە ئارامی ژیوانە. وەرو ئانەی پرسو سەرەکی چارەسەر نەکەردەو پرسو کوردین."
کۆبانی هێمێوەنە پەی مڏرامانی
موحسین عوسمان، قسەکا مەزلوم دۆغانی، یۆ جە کادرە سەرمەشقەکا پەکەکەی ویر ئاردیمێ کە واتش: "مڏراما ژیواین"، کۆبانی بە هێمێوە جە تاریخو کوردیش بەنامێ کەرد و واتش: "کۆبانی هێمێوەنە پەی مڏرامانی، بەهەزاران قارەمانێما چا بەهێوە گۆرێشا بەخشا و پەی ئازادکەردەی ئەرەکۆشای ئەفسانەیشا ڕاوەبەرد. ئارۆیچ بەهەمان جۆر قارەمانەکاما مڏرامان مکەرا. پەنەوازا ئی مڏرامانە گرد یاگێنە وەڵاکەرمێوە و بە قەوەتۆ خاوەنداریش چنەکەرمێنە."
