عەلی نعمە، ئەنداموو کۆمیسیۆنوو ئاسایش و وەرگێری پەرلەمانوو عێراقینە واتش، کە دەوڵەتوو تورکی ساڵەو ١٩٨٧یوە زیاتەر جە ٢٢ هەزار پاشێلکارییاش سەروو خاکوو عێراقی و مەنتێقەکەینە کەردێنێ.
بە پاوە هەواڵێوە ڕۆژنیوزی، ئەندامێوە لوجنەو ئاسایش و وەرگێریی پەرلەمانوو عێراقی، عەلی نعمە، سەبارەت بە پاشێلكارییەكاو دەوڵەتوو تورکی ئەرەگیری سەروو خاکوو عێراقی و هەرێموو کوردستانیوە پەی میدیایەکاو دلێ قسێش کەردێنێ.
عەلی ئەرەیاوناش، توركیا مەنتێقەکاو هەرێموو كوردستانینە بەگردی پاشێل کەرۆنە و بەردەواما و نەمردان. عەلی واتش: "تورکیا زیاتەر جە ٣٠٠ كم ئامان دلێ خاكوو عێراقیوە و سەبەبەکەیچش گێڵنۆوە پەی نەبییەی هێزەکاو عێراقی مەنتێقەکەنە. ساڵەو ١٩٨٧یەوە تا ئارۆ زیاتەر جە ٢٢ هەزار پاشێلكاریێ لاو هێزەكاو توركیایۆ کریێنێ. عێراق زیاتەر جە ١٦ هەزار یاداشتاش دژ بە توركیای پێشكەشێ کەردێنێ بە گلێرگەی میاننەتەوەیی، وەلێ ئەنجوومەنوو ئاسایشوو نەتەوە یۆگێرتەکا تا ئیساتێ هیچ جوابێوەشا نەبییەن. حکومەتوو عێراقی نمەتاوۆن جوابوو هجوومەکاو تورکیای بدۆوە، وەلێ بە لای کەمیوە متاوۆ ئابووری بەکار بارۆ".
