دەسەڵاتوو "ئاکەپە- مەھەپە"ی بە شێۋێۋی سېاسی جە دژوو ھەدەپەی دۊسېەو وستەیرەیش کەرڎەنۊ. ڕۊو ١١ و نېسانی ۋەرگېریکەرڎەی زۋانی جە دۊسیەکەی ئەنجام مڎریۊ. ژمارێۋە فرە جە پارتا و پەرلەمانتارا سەروو ئاستوو مېاننەتەۋەیینە، ناڕەزاییشا وەرانوەروو دۊسیەو وستەیرەی ھەدەپەینە بەر وست و ئەرەیاوناشا:" وەخت وەختوو پەشتېوانیین جە ھەدەپەی".

جە ٢٠ ۋڵاتێۋە پارتۍ جېا جېۍ، شش پارتۍ چەترئاسای مېاننەتەوەیی، جە پەرلەمانوو ئۊرووپایۊ سەوزەکۍ، فراکسېۊنە دیموکرات و چەپگرێ و کۊمەڵایەتېیەکۍ، پەرلەمانتارا فراکسېۊنوو چەپگەروو ئەنجوومەنوو ئۊرووپای، جە وڵاتە جېا جېاکاو جیھانېچۊ سەڎان پەرلەمانتارۍ پەیاموو پەشتېۋانېشا جە ھەدەپەی ئەرەیاۋنا.

سەروو ئاستی مېاننەتەۋەیی، پارتە سېاسېیەکۍ، ھامپەیمانا، سېاسەتمەداراو پەرلەمانتارا، وەردەوامێنۍ جە ناڕەزایی بەروستەی دژوو ھجووموو فشارەکاو سەروو ھەدەپەی.

پارتە سۊسېالېستییەکۍ ئۊرووپای، ھامپەیمانیی ئازاڎوو ئۊرووپای، پارتە سەوزەکۍ ئۊرووپای، پارتی چەپوو ئۊرووپای، ھامپەیمانی وەڵێکۊتەی، ئېنتەرناسېۊنالېستە وەڵێکۊتوازەکۍ، پارتە سیاسییەکۍ پەرلەمانوو ئۊرووپای ئەرەیاوناشا:"کە دژو دۊسیەو وستەیرەی ھەدەپەینۍ و شان بەشان و پاڵو ھەدەپەینە مرڎێنۍ.

چەپگەرویۆگێرتەو ئۊرووپای: بە ھەدەپەیۊ سەرەبەرزێنمۍ

فراکسېۊنوو چەپگروو یۊگێرتەو ئۊرووپای جە ئەنجوومەنوو ئۊرووپاینە، جە ئەرەیاوناێوەنە باسش چانەیە کەرڎ کە بەتندی سەرکۊنەو حەوڵوو قەڎەغەکەرڎەی ھەدەپەی مکەرا، ئەشۊ حوکمەتوو ترکیای سېاسەتەکاو وێش جە دژوو ئا پارتەیە مرڎنۊنە. ئەشۊ دەسەڵاتوو داڎوەری بەتەمامی جە کایەو سیاسەتییەنە سەربەوێ بۊ. ئێمە شانازی بە ھەدەپەیۊ مکەرمۍ.

"وستەیرەی ھەدەپەی گورزە مڎۊ پەیۋەنڎییەکاو یۊبېیەی ئۊرووپای و تورکېای"

ھامپەیمانی وەڵێکۊتەی سۊسېالېستوو دیموکراتەکا جە کۊو ٧٠٥ کورسییا پەرلەمانوو ئۊرووپای خۊتان ١٤٤ کورسییان، ھامپەیمانیی ئازاڎیی سەوزەکا، کە ٧٥ کورسیێش ھەنۍ چنی چەپگرە یۊگیرتەکا ئۊرووپای، چەپگرە سەوزەکا نۊردیکی، ئەرەیاوناێۋە ھامبەششا وەڵا کەرڎۊ و ئەرەیاوناشا، کە وستەیرەی ھەدەپەی گورزە جە پەیوەنڎییەکاو تورکېای و یۊبېیەی ئۊرووپای مڎۊنە.

حەر جە پەیاموو پەشتگېری و پەشتېۋانېیەکانە ئامان، کە وستەیرەی ھەدەپەی حەوڵێوەن پۍ چەوەسېایۊ و سەرکوتکەرڎەی.

ئا پارت و لایەنۍ سەرەڕاو شەرمەسارکەرڎەی دەسەڵاتوو تورکیەی، ئا ھەنگامێشا بە پاشێلکەرڎەی پەیماننامەو مافەکاو مرۊڤی جە ئۊرووپانە بەنامۍ کەرڎ، داواشا جە دەسەڵاتدارا و ئەنقەرەی کەرڎە، کە بەزووی دمایی بە فشارەکاو سەرو ھەدەپەی بارا.

جە ئەرەیاوناو ھامپەیمانی ئازاڎیی ئۊرووپای(EFA)نە ئامان، ئېنایمۍ چنی ھەدەپەی داوا کەرمۍ، کە ھەرمانبەدەسا تورکېای دمایی پا دۊسېە سېاسییەیە بارا، کە جە داڎگانە دژوو ھەدەپەی کەردەنشاوە.  

جە بەشۍ جە پەیاموو پارتوو لایەنەکانە سەرنج وزیان سەروو ئانەی، کە حەوڵەکۍ وستەیرەی ھەدەپەی جە سەروبەنڎوو کریای ھورچنېاکانە، پۍ ئانەینە کە ھەدەپە بەشڎاری جە ورچنېاکانە نەکەرۊ. فراکسېۊنوو نوپەس- ئێڵ ئێف ئای فەڕەنسای داواش کەرڎێنە، کە دمایی بە فشارەکاو سەروو ھەدەپەی بێڼە، ھورچنېێۋە داڎپەروەرانە و ئازاڎ جە تورکېانە بلۊ ڕاۋە.

پارتوو کۊمەنېستی فەڕەنسای داڎگایکەرڎەو ھەدەپەیش بە ناحەق بەنامۍ کەرڎ و ئەرەیاۋناش؛ ھەدەپە پۍ تورکېایۍ دیموکراتېکو فرەڕەنگی و ئازاڎی و یەکسانی ھاموەڵاتیېا بەبۍ جېاوازی کۊشیۊنە.

پارتوو سۊسېالېست دیموکراتوو فەڕەنسایچ ئەرەیاۋناش؛ ئەزموونی ۋەڵېن بەرش وستەن، دەسەڵاتدارۍ تورکېای متاوا حیزبوو پارتەکا قەڎەغە کەرا، بەڵام حەرگېز مەتاوا ویر و ئەندێشە و یەکسانوازی و داڎپەروەری و ئازاڎی کپ کەرا.

جیا چا پارت و لایەن و پەرلەمانتارا، دەیان کەسایەتیۍ سېاسیێ، ئەکادیمیێ، نویسەر و چالاکا مەدەنی جە وڵاتا "ئەمریکا، بەریتانېا، ئەڵمانېا، ئېتالېا، نەرویج، سوید، ئېسپانېا، پرتوگال، پۊڵەندای....... جە ڕاو پەیامیۊ، ئەرەیاۋنای، ۋاچەکاساۋە پەشتېۋانی ۋێشا پۍ ھەدەپەی بەربڕیەن و ھەوڵەکۍ تورکېایچشا پۍ وستەیرەو ئا پارتەیە شەرمەسار کەرڎەنو داواشا کەرڎێنە دمایی بە بەکارئارڎەو داڎگای پۍ مەبەسو سېاسی بێنە.  

ئا ۋڵاتو کەسایەتی و پەرلەمانتارۍ کە پەشتېۋانېشا پۍ ھەدەپەی بەربڕیەن ئېنێنۍ:

ئېتالېا: یاگەگېرا پارتو دیموکراتی جە لوجنەو ھەرمانو کارو جبەرو ئەنجومەنو نۋێنەراو ئېتالېای.

ئېتالېا: ھامپەیمانی چەپ و سەوزو ئېتالېای(ئەلېانزا ڤێردی سېنېسترا).

ئېتالېا: نېکۊلا فراتۊیانی، پەرلەمانتار،  سکرتێرو نېشتېمانی سېنېسترا ئېتالېا.

ئېتالېا: لۊرا بۊڵدرینی، پارتو دېموکراتی، ئەنڎام پەرلەمان.

ئېتالېا: فابېۊ ماسېمۊ کاستالدۊ(پەرلەمانتارو ئەی پی، یاگەگېرو سەرۊکو ئەی پی ئێم٥ ئێس ئېتالېا).

نەرویج: لوجنەو پەشتېۋانی جە کورڎسانی جە نەرویج، ستېنا بێرگستن و ترولس ستراند ئۊفەرداڵ، ھامسەرۊک.

نەرویج: پارتو سورو نەرویجی، بېۊرنار مۊکسنێس، سەرۊک پارتو سورو نەرویجی، یڵڤا ھۊڵم- تۊرشتاینسۊن، بەشو مېان دۊڵەتی، سەرۊک پارتو سورو نەرویجی.

پۊڵەندا: پەرلەمانتار ماسېج کۊنېچنی، ڕازم.

پورتوگال: بلۊکۊ دی ئێسکوێردا.

ئېسپانېا: ٥٥ نوێنەرۍ فراکسېۊنەسېاسیە جېاوازەکاو ئەنجومەنو نۋێنەرا.

ئېسپانېا: پۊدێمۊس

ئېسپانېا: ئەندەلوس پۊرسی.

لۆرا کاستێل فۊرت، ECR، سېناتۊر، یاگەگېرو سەرۊکو UEL/PACE

ئېسپانېا: MESPERMENORCA

ئېسپانېا: باسک، ئېوسکۊئەلکارتاسونا(EA)

ئېسپانېا/ کەتەلۊنېا: پارتە دەسەڵاڎ دارەکۍ کەتەلۊنېای+ڕۊبێن ڤاگنسبێرگ.

ئېسپانېا/ کەتەلۊنېا: ئێسکوێرا- چەپو کۊماری تورکېای.

ئېسپانېا/ کەتەلۊنېا: کاندیدەتورا دی یونېتات پۊپۊلار-(کاندیدو یۊبیەو گەلی)

ئېسپانېا/ کەتەلۊنېا: یونېتات کەتەلۊنېا.

ئېسپانېا/ کەتەلۊنېا: ڕاول ڕۊمێڤا ئی ڕوێدا(ئابوریناس)

سویسرا: باستا/ ئەڵتەرناتېڤی بەقوەتو باسێل.

سویسرا: فێمېنېستێر سترایک بازل.

سویسرا: پارتو سۊسېال دیموکراتو سویسرای.

سوید: پارتو چەپی(VANSTERPARTIET)

بەریتانیا: ١٤ پەرلەمانتارۍ جە پەرلەمانو بەریتانیای.

ئەمریکا: لوجنەو مېان نەتەوەیی DSA.

ھ.ش