کۆمیتەو ئاماڎەکاری چالاکیەکەی چن سەعاتێوە وەڵۍ دەسپنەکەردەی ڕاپیمای درێژمەودای جە هایلبرۆنۆ تا ستراسبۆرگ، داواش جە جوانا کوردی و ئینترناسیۆنالیستەکا ئۊروپای کەرد بە ڕۆحی سەفەربەرییوە بەشداری چالاکییەکەی بکەرا.
کۆمیتەو ئاماڎەکارو ڕاپیمای درێژمەودای سەبارەت بە چالاکییەکاش کە جە مابەینو ١٠-١٤و شوباتی جە هایلبرۆنۆ تا ستراسبۆرگ چالاکیێوە جە چوارچێوەو، 'ئازادی پەی ڕابەر ئاپۆی، چارەسەری سیاسی پەی پرسو کوردی' ملۊڕاوە. داواو بەشدار بیەیشا کەرد.
جە بەیاننامەکەنە پېسە ئامان:
"تەنیا چن سەعاتێوە مەنەن پەی دەسپنەکەردەی ڕاپیمای درێژمەودای، کە جە ١٠و شوباتیوە جە شارو هایلبرۆنو ئەڵمانیای جە چوارچێوەو هەڵمەتەو 'ئازادی پەی ڕابەر ئاپۆی، چارەسەری سیاسی پەی پرسو کوردی' دەس پنە بکەرۆ. سەبای جوانۍ کوردی و ئینترناسیۆنالیستی جە سەرانسەرو ئەوروپایۆ جە هایلبرۆن کوۍ باوە".
سەرو بنەماو هەڵمەتەو ئازادی و بە سەرمەشقایەتی جوانا، ئەنجامێوە فرە جددی بەدەس ئاما و یاوا ئا ئاستەی کە گۆشەگیریی ڕەهاو سەرو ئیمرالی مەڕیۆ. بێگومان مەرامی سەرەکی جوانا ئازادی جەسەیی ڕابەر ئاپۆیا.
پا بۆنۆ جە ڕاپیمای ئازادی پەی ڕابەر ئاپۆی یۊگێرمۍ و بە چالاکییەکاما ئازادی جەسەیی ڕابەر ئاپۆی بەدی مارمۍ.
پیلانگێڵنی مېیاننەتەوەیی ١٥شوباتو ١٩٩٩ ی بە مڎرامانی تاریخی ڕابەر ئاپۆی جە ئیمرالی پووچ بیۆ. ڕابەر ئاپۆ ئیساتۍ هێماو هیواو ئازادییا. ئێمەی جوانا مزانمۍ کە ئازادی کوردەسانی بە ئازادی ڕابەر ئاپۆی بەدی مۍ. پۊکەی ئێمە چنی حەقەتینەکا ڕابەری یۊگێرمۍ و بە ڕۆحو یاوای بە کوردەسانێوە ئازادی چالاکییەکاما بە ئەنجام مېیاونمۍ.
بەنامۍ کۆمیتەکەیۆ ئەرەیاۋنمېش کە ئاماڎەکارییەکېما پەی ڕاپیمای درێژمەودای تەمامنێنۍ. داوا جە جوانا کوردی و ئینترناسیۆنالیستەکا ئەوروپای مکەرمۍ بە ڕۆحی سەفەربەرییوە بەشداری جە چالاکییەکەنە بکەرا.
ڕاکۍ ڕاپیمای درێژمەودای پی جۊرەنۍ.
٩/٢/٢٠٢٥– کۊبیەیۆ – لاندتورمستراس ٤،٧٤٠٨٠هایلبرۆن
١٠/٢/٢٠٢٥/ ٠٨:٠٠– ڕۆی یووەم – هایلبورن HBF
١١/٢/٢٠٢٥/ ٠٨:٠٠– ڕۆی دووەم – لودویگسبورگ HBF
١٢/٢/٢٠٢٥/ ٠٨:٠٠– ڕۆی یەرەم – شتوتگارت HBF
١٣/٢/٢٠٢٥ /٠٨:٠٠– ڕۆی چوارەم – ئۆفێنبۆرگ HBF
١٤/٢/٢٠٢٥ /٠٨:٠٠– ڕۆی پەنجەم – گۆڵف دیتنباخ پارک فرایبۆرگ
نامونیشانەکۍ پەی هۊرگېرتەی زانیاری
ئیمەیل: [email protected]
ئینستاگرام:mesa.direj2025 @
تلێگرام: mesadirej2025@
