پەڕلەمانتارو پارتوو یەکسانی و دیموکراسی گەلا (دەم پارتی) جە بازنەو ڕحای، عومەر ئۆجالان، پەی ئەنجامدای چەمپنەکۊتەی چنی ڕابەرو گەلوو کورڎی عەبدوڵا ئۆجالانی کە ماوەو ٢٥ ساڵان ئینا زیڼانو ئیمراڵینە ئینا دلۍ گۆشەگیریێوە سەختینە، داواکاریێوەش ئاراسەو سەرۆکایەتی کۆماری کەرد.

عومەر ئۆجالان جە ڕاو کیانای فاکسی و پۆستەیۆ نامەش ئاراسەو سکرتێرو گرڎیی سەرۆکوەزیرانی کەرد و ئانەش ڕۆشن کەردۆ کە ڕا نمەڎریۆ ڕابەرو گەلوو کورڎی عەبدوڵا ئۆجالان چەمپنەکۊتەی چنی بنەیانەکەیش و پارێزنەراش ئەنجام بڎۆ.

جە داواکارییەکەنە ئاماژە بە قەرارو کۆمیتەو مافەکا مرۆڤوو نەتەوەیۆگێرتەکا (یو ئێن)ی پەی گېرتەی ۋەرو ڕاوجای سەرو گۆشەگیری جە دژو عەبدوڵا ئۆجالانی کریان و ئانە ڕۆشنکریانۆ سەرەڕاو بیەو قەرارەکەیچ هیچ هەنگامېوە نەنریێنە.

وەڵتەریچ داواکاری ئاراسەو کۆمیسیۆنو ئەوەکۆڵیای مافەکا مرۆڤو پەرلەمانی (ÎHÎK) کریا. جە جوابوو داواکارییەکەینە ÎHÎK بانگەشەو ئانەیشە کەرڎەن کە گۆشەگیری بیەیش نیا و جە ۋەرا ۋەرەنە جە داواکاریەکەنە نویسیان: "جە جوابوو ٢٣ۍ شوباتینە نویسیان کە بە بەهانۍ سزاو دیسپلینی ڕا نمەڎریۆ زیڼانیا ئیمراڵی چنی بنەیانەی و پارێزنەرەکاشا چەمپنەکۆتەی بکەرا و نامە کیانای و فاکسیچ قەڎەغەکریان. ئانە دیاریکریان کە جە ساڵەو ٢٠٢٣ێنە پێوەس بە چەمپنەکۊتەی پارێزنەرا هیچ سزێوە دیسپلین بیەیش نەبیەن، بەڵام پۍ چێشی چەمپنەکۊتەی چنی بنەیانەی و پارێزنەرا ئەنجام نمەڎریۆ و هیچ قسێوە نەکریێنە."