بە ئامانجو پیرۆزکەردەی دەیەمین ساڵیاڎو کۆبانێ بە درووشمەو "جە کۆبانێی ئازادۆ بەرەو ڕابەرایەتی ئازادی" جە سەرانسەرو نەمساینە ڕاپیمای ئەنجام مڎریۆ.

هامسەرۆکاو گلێرگەی ئازادی دەربارەو ڕاپیماکەی ئەرەیاۋنێوەش وەڵا کەرڎۆ، سەرنج وزۆ سەرو پیلانگێڵنیی مېیاننەتەوەیی، وە ماچۆ: "دماو ئا پرۆسەیە ۋەرکۆتوو مېیامینی فاڕیا پەی گۆمۆو ۋنۍ، جەنگ تا مۍ قووڵتەر بۆوە، ئا سیستەمەی چارەکە سەدێوەن ڕابەرو گەلوو کوردی عەبدوڵا ئۆجالانش جە ئیمراڵینە ئاستەنۆ، دژو یاسا و ڕێککەوتەیەکان".

ئاماژە مکەرۆ بە گۆشەگیری ئیمراڵی و ماچۆ: "تووڕەیی و نیگەرانی گەلوو کوردی دەربارەو تەندرووسی و سلامەتی ڕابەر ئاپۆی ڕۆ بە ڕۆ زیاتەر بۆنە، ئیتر ئی ئاژەیە قبووڵ نمەکەرمۍ".

بانگەواز پەی ڕاپیمای

جە درێژەو ئەرەیاۋناکەینە ئامان: "پەی دمای ئارڎەی بە پیلانگێڵنیی مېیاننەتەوەیی و ماڕای گۆشەگیری و مسۆگەرکەردەی ئازادیی جەسەیی ڕابەر ئاپۆی، پېسە گلېرگەو ئازادی نەمسای جە ٢ ۍ کەڵەهەرزینە ڕاپیمای گۆرەو ئازادی جە ناوەندو ڤییەناینە ئەنجام مڎەیمۍ. ئامانجما کۆکەردەیۆ ١٠ هەزار کەسان چی ڕاپیماینە. مەجلیسو نەمسای ئامادەکاریی جدیش کەردەن پەی فاڕایۆ بەشداربیا".

داوا جە گەلی وڵاتپارێزی جە نەمسانە مکەرۆ بەشداری ڕاپیماکەی بکەرا، ماچۆ: "جە یاڎش نەکەرمۍ، ئازادیی ڕابەر ئاپۆی، ئازادیی گەلوو کوردین. گۆشەگیری سەرو ڕابەر ئاپۆی، سەرو تەمامو گەلوو کوردین".

هەرپاسە بانگەواز جە گرڎو ڕێکوزیا و سەندیکا و پارت و چالاکا و دیموکراسیوازا و مافپارێزنەکا مکەرۆ بەشداری ڕاپیماکەی بکەرا، ماچۆ: "جە ٢ ۍ کەڵەهەرزینە سەعات ١٤:٠٠ پەی ئازادی ڕابەر ئاپۆی جە پارکو ڤۆتیڤیوە بەرەو ڤییەنا گنمۍ ڕا".