نیلوفەر کۆچە ئاماژەش پانەیە کەرد کاتو ئانەی ئامان ڕابەر ئاپۆ جە ڕووەو جەسەییەیۆ ئازاد کریۆنە و ئەرەیاوناش کە پەیامو چالاکییەکێ ١٥و شوباتی ستراسبۆرگی پی جۆرەنێ، "ڕابەر ئاپۆی جە ئیمرالینە بەرمارمێنە.”
جە مانگەو ١٠و ٢٠٢٤ەوە گفتوگۆکێ سەبارەت بە مافو هیوای و ئازادی جەسەیی ڕابەر ئاپۆ گەشەشا کەردەن. جە چوارچێوەو هەڵمەتەو، 'ئازادی پەی ڕابەر ئاپۆی، چارەسەرو سیاسی پەی پرسو کوردی'، ڕاپیمای و گلێرۆبییەی جەماوەری شارو ستراسبۆرگو فەڕەنساینە ملۆڕاوە. کوردەسانیێ و دۆساشا جە گرڏ ئەوروپایۆ بەشداری ئی چالاکییە تاریخییە بانە.
نیلوفەر کۆچە، جە کۆمیتەو ئامادەکاری چالاکییەکەینە، سەبارەت بە چالاکییەکا چنی ئاژانسو هەواڵو فوراتی قسێش کەردێ و سەرەتا پیلانگێڵی ١٥و شوباتیش شەرمەزار کەرد و بە ڕێزۆ ئا گەشمەرڏێشە ویر ئاردیمێ کە بە دروشمو 'شمە مەتاودێنە ڕۆما تاریک کەردێنە' نیلوفەر کۆچە ئاماژەش پانەیش کەرد ئیتر ئەوەکۆشایما جە کوردەسانەنە ویەردەن و بە سەرمەشقایەتی دۆسەکا گەلوو کوردی جە گرڏو جەهانینە بەراش ڕاوە و واتش: "نامێ ڕابەر ئاپۆی جە گرڏو جەهانینە وەڵا بیێنۆ جە ئەمریکاوە تا بەنگلادش، جە کۆڵۆمبیاوە تا ئەفریقا، چاشۆ پەی ئوسترالیا. ئینەچ نیشانێ ئانەینە کە سیاسەتو گۆشەگیرکەردەو گەلوو کوردی بە سیستەمو ئیمرالیۆ هورشنیانۆ. بە سەرمەشقایەتی مڏرامانو ڕابەر ئاپۆی جە ئیمرالی، کورد جە گۆشەگیری ئازاد بییەن". ڕابەر ئاپۆ گەلوو کوردی جە سەدەو ٢١نە سەرەڕاو ئانەی ڕووبەڕووو کۆمکوژی، جەنگو و کارەساتو سیستەمو سەرمایەداری بییەنۆ ئامادە کەرد و پێسەو وەرەتاوی سەرو گرڏو پارچەکا کوردسان درەوشیۆوە.
'ڕابەر ئاپۆ گەلوو کوردیش پەی سەدەو ئایندەی ئامادە کەرد'
نیلوفەر کۆچە سەبارەت بە گرنگی١٥و شوباتی، واتش: "جە ١٣و شوباتینە بە سەرمەشقایەتی شێخ سەعید ئەرەپڕاو پیرانی دەسش پنەکەرد، ئی مرڏرامانە ١٠٠ساڵێ وەڵێ جە کوردسانەنە ڕووەشدا و بە جەقەنارەدای شێخ سەعید و هەڤاڵاش جە ٢٩و حوزەیرانی دمایش ئاما، بە هەمان جۆر ڕابەر ئاپۆ جە ١٥و شوباتینە بە پیلانگێڵی ڕادەسو تورکیای کریا و جە ٢٩یوحوزەیرانی ١٩٩٩ا جە ساڵڕۆو جە قەنارەدای شێخ سەعیدی سزاو جەقەنارەدای سەرو ڕابەر ئاپۆیرە سەپیا بەڵام ڕابەر ئاپۆ بە ئەوەکۆشایش جە ماوەو ئی ٢٦ساڵەینە ڕژێمو کۆمکوژی سەدەی جە ئیمرالینە هورشاناوە. چی ماوەنە وڵاتا عێراقی، سووریا دلێنەشیێ ئیسەیش سەرەو ئێرانی و تورکیاین، بەڵام یپئانەی گەلوو کوردیش پەی ئی سەردەمەیە ئامادە کەرد، ڕابەر ئاپۆن. یانێ ئیتر سەردەمو کوردا دەسش پنەکەردەن و بەرەو ئەنجام هورگێرتەی هەنگامە منییا.
ئەوەکۆشای کوردی جە گرڏ لێوەنە بەرە وەڵێ ملۆ"
تورکیا جە ٢٦ ساڵێنە جە گرڏ ڕووێوە شکستش ئاردەن. بە تایبەت جە سەردەمو حکومەتو ئاکەپەینە جە ڕووەو ئابووری و کلتووری و کۆمەڵایەتییۆ شکستش ئاردەن. سیاسەتو دژو کوردا ئنە وەرفراوان بی، جە دماینە زەرەرێ گۆرەش بە گلێرگەو وێش یاونا. جە سیاسەتو چبەریبە شکستش ئارد. تورکیا بیی بەوڵاتێوە کە جە هاوکێشە جەهانییەکانە دوور وزیاوە و بە جددی هور مەگیریۆنە.. هەر پۆکەی جە تورکیانە وچریۆ "پاشای ڕووت". سوپاکەش مەتاوۆنە ئەنجام بەدەس بارۆنە. سەرەڕاو بەکارئاردەو تەکنەلۆژیایێ فرە وەڵکەوتە، بەڵام جە جەنگو دژە گەریلاینە قارەمانەکاما دۆڕیێ. بەساڵانە هەوڵو جێگیر بییەی دێنێ جە هەریمەکا زاپ و مەتینا و ئاڤاشین، بەڵام قەد نەتاواشا سەرێ گنانە.
ئیسە پرسیارەکێ ئانێنە؛ ئایا ڕێوەتەرە وەردەمو تورکیاینە مەنێنۆ؟ کاتێ تەماشەو هاوکێشەکا وەرکەوتوو دلێڕاسەی مکەرمێ، هێزێوە وینمی کە هەمیشە سەرگنۆنە و گەشە مکەرۆ. ئاریچ ڕێبازو ڕابەر ئاپۆین. ئەوەکۆشای ئازادیوازو گەلوو کوردی بە ڕابەرایەتت ڕابەر ئاپۆی، جە گرڏ لێوە بەرەو وەڵێ لوێ. کورد خاوەن ئاڵترناتیڤی فرەین. دماو سوریای دیزاینەکێ ناوچەکەی بەردەوام بۆنە و دەورو کوردیچ ئنەی تەر چارەنووسسازتەر بۆنە. دووێ حکومەتێ سەرەکییێ مەنێنی؛ یۆشا تورکیان و ئەوی تەریچ ئێرانا. لێوەنە وەربەس دلێنە هەن ئاریچ ژەنی و عەلەوییەکێنێ، شۆنەو ئازادی و دیموکراسی گێڵا. چێگەنە ئانە کوردا کە ڕابەرایەتی بەڕێکوزیاترین ئەوەکۆشای دیموکراتیکی مکەرۆ. ئیتر کەس نمەتاو ڕاش ونەگێرۆ. چونکە فرەو چێویشا تاقیکەردەنۆ و سەرنەکەوتێنێ."
"ڕابەر ئاپۆ کڕێڵو چارەسەری پێشکەش مکەرۆ"
هەرپاسە سەبارەت بە پرسو چارەسەری، نیلوفەر کۆچە واتش: "حکومەتو تورکیای جە تەرسە و نیگەرانی چانەی کە ڕەنگە کورد چی بارودۆخەنە ئیسفادە هورگێرانەو نوقمێ بانە. ڕابەر ئاپۆ، پێسەو وێش ٣٢ساڵێ ئەرەیاونۆش، جارێوەتەر کڕێڵو چارەسەری پێشکەش مکەرمێ. ڕابەر ئاپۆ بە حکومەتو تورکیای ماچۆ؛ "پێوەرە تاومێنە سەرێگنمێ". ماچۆ؛ "ئانەی شمە وەراوەر بە کوردا کەردەنتا ناحەقیا، پەی ڕاسکەردەیۆ ڕێکاری دیموکراتیکی پەنەوازا". پەی ئی چارەسەرییە مشۆم چوارچێوەو ئی ٧ خاڵەی ڕابەر ئاپۆی قەبوڵ کریۆنە وەرو ئانەی گرڏما ئیسفادە کەرمێنە.
نیلۆفەر کۆچە ئاماژەش بە چالاکییەکا ١٥و شوباتی ستراسبۆرگیش کەرد و واتش: "ئێساڵ جە ١٥و شوباتینە ئامادەبێنمێ جە مێڏاینەکا چالاکییەکانە دەورێ یەکلاکەرەوەشا وینا. فرە گرنگا پەی ئانەی جارێوەتەر بە هێزۆ نیشانەش دەیمێ کە ڕابەر ئاپۆ کڕێڵو چارەسەریین. ئیسە ئینایمێ سەردەمێوە تاریخینە. ١٥و شوباتی ئێساڵی پێسەو ساڵەی ویەردێ نییەنە. پەی سەرکەوتەی چوارچێوە و٧ خاڵییەکەو ڕابەر ئاپۆی، پەنەوازا ئازادی فیزیکی ڕابەر ئاپۆی بە بنەما گێرمێنە. ڕابەر ئاپۆ ماچۆنە، متاوۆنە جە چوارچێوەو یاسایی و سیاسینە کێشەکا چارەسەر بکەرو. ڕابەر ئاپۆ باس جە دیموکراتیزەکەردە و چارەسەری مکەرۆ جە سەرتاسەرو تورکیای و وەرکەوتوو دلێڕاسەی. ئەر تورکیا ئینەی قەبوڵ بکەرۆ، بە دڵنیاییۆ ئیسفادەی فرە وینۆ، ئەریچ نەکەرۆش، بە پێچەوانە شکستی فرە گۆرەش وەرگنۆنە."
"پەیامو ١٥و شوباتو ئێساڵی پی جۆرەنە: ڕابەر ئاپۆی جە ئیمرالینە بەر مارمێنە"
جە دماینە نیلۆفەر کۆچە پەی چالاکی ١٥و شوباتی ستراسبۆرگی داواش وەڵاکەردۆ و ئەرەیاوناش: "ئیسە ئینایمێ کاتێنە کە مشۆم ئازادیی جەتەیی ڕابەر ئاپۆی مسۆگەر کەرمێنە. کاتی گونجیا ئیسەن وەرو ئانەی فاڕییای وەرکەوتوو دلێڕاسەو گەلوو کوردی بی ئاستەش یاونان. هەرۆاسە ڕابەرایەتی گەرەکشا بە کڕێڵو چارەسەری گرڏو کێشەکا چارەسەر بکەرۆ. ئەرکو ئێمە ئانەن کە ڕابەر ئاپوی جە ئیمرالینە بەربارمێنە. هەرپاسە پەیامو ١٥و شوباتو ئێساڵی پی جۆرەنە: ئێمە ڕابەر ئاپوی
