زینانیا تەڤگەرو ئازادی کورڎەسانی بۆنەو ٤٣ـەمین ساڵیاڎو مڎرامانوو ١٤و تەممووزی پەیامێوەشا وەڵا کەرڎۆ و چنەشەنە ئامان: "ئا ئیرادە، باوەڕ و ڕێبازو ئەوەکۊشایەی جە ١٤ـو تەممووزینە نیشانە دریا، دلې سەختتەرین هەلومەرجو کورڎةسانینە ڕێبازو سەرکۊتەیش ڕۊشن کەرڎۆ."
زینانیا تەڤگەرو ئازادی کوردەسانی جە گێرتەخانەکا تورکیاینە جە ٤٣ـەمین ساڵوەگەڕو مڎرامانو ڕۆچې مەردەی ١٤و تەممووزینە ئەرەیاۋنێوەشا وەڵا کەرڎۆ.
جە ئەرەیاۋناکەیشانە بە ڕێز و پنەزانایۆ گەشمەرڎۍ ڕاو ڕزگاریشا یاڎې کەردێنێوە و بانگەوازشا پەی ۋەرفراوانکەردەی ئەوەکۊشای کەرڎ و وچیان: "قەولما واوەی مکەرمېوە پەی هەمیشەی خاوەنداری جە نەریتو ئەوەکۊشای شۆڕشگێڵنی محمەد خەیری دوورمووشی، کەماڵ پیری، عەکیف یڵمازی و عەلی چیچەکی و گرڎو گەشمەرڎا بکەرمې."
جە ئەرەیاۋناکەینە سەرنج وزیان سەرو مڎرامانوو 'ڕۆچې مەردەی' جە زینانو ئامەدی دژو فاشیزمو ١٢و ئەیلولی و ئامان: "ئی مڎرامانە ماناڎارتەرین چالاکی ڕەسەنو پارێزنای بەهاکا مرۆڤایەتی بې. محمەد خەیری دوورمووش، کەماڵ پیر، عەکیف یڵماز و عەلی چیچەک بە چالاکییەکەیشا سەلەمناشا جە سەختتەرین هەلومەرجیچەنە چنی سەرکۊتەی بەدەس مې و پېیمەرو میلیتانی ئاپۆیی چێشا و چنی ڕێبازو شۆڕشو کوردەسانیشا نیشانە دا.
مڎرامانوو ١٤و تەممووزی نیشانې سەرکۊتەی ستارتیجو شۆڕشو ڕابەر ئاپۆی بې جە گێرتەخانەو ئامەدینە. هەرپاسە سەلەمنای مەڕیای ئیرادەو میتینگەری و ڕژێمو ١٢و ئەیلوولی بې جە ۋەرا ۋەر بە هەڵوێسو ئاپۆیی."
'مڎرامانوو ١٤و تەممووزی ڕێبازو سەرکۊتەیش ڕۊشن کەرڎۆ'
جە ئەرەیاۋناکەینە ئاماژە بە گرنگی میراسو مڎرامانوو ١٤و تەممووزی کریان سەرو دەسپنەکەردەی شۆڕشو ئازادی کوردەسانی و ئامان: "ئا ڕووەی کە قەرار سەرو دەسپنەکەردەی ڕۊچې مەردەی ١٤و تەممووزی دریا، بی بە ڕۊو دەسپنەکەردەی شکسو ڕژێمو نکۆڵیکەرو تورکی، کە گەرەکش بې دمایی بە پەکەکەی بارۆ. باوەڕ، ئیرادە و ڕێبازو ئەوەکۊشایې کە جە ١٤و تەممووزی نیشانە دریا، دلې هەلومەرجو سەختو کورڎەسانینە ڕێبازو سەرکۊتەیش ڕۊشن کەرڎۆ."
بانگەواز پەی فراوانکەردەی ئەوەکۊشای
زینانیا تەڤگەرو ئازادی سەرو بنەماو مڎرامانوو ١٤و تەممووزی داواو ۋەرفراوانکەردەی ئەوەکۊشایشا کەرڎەن و ئامان: "جە ٤٣ ساڵەو مڎرامانوو ١٤و تەمووزینە مەشۆم گرڎ کەسې، وڵاتپارێزن و گرڎ شۆڕشگێڵنێوە هەوڵبڎا جە بەرهەم و دەرەنجامەکا مڎرامانوو ١٤و تەممووزی بیاوانە و لایەق پایشا با. سەرو ئی بنەمایې داوا جە گەل و هەمڕایا زینانیما مکەرمې سەرو هێڵۊو کەمال پیری فرە عالتەر جە هێڵۊو ١٤و تەممووزی بیاوانە و بە پارادایمو سەردەمی تازەو ڕابەر ئاپۆی پەرە بە ئەوەکۊشای بڎا.
پی بۆنۆ ١٤و تەممووزی ڕۊو شکۆو نەتەوەیی جە ڕابەر ئاپۆی، گەل و هەڤاڵاما پیرۆز مکەرمې."
