جە کانتۆنو فوراتی و منبجینە، بەهەزاران هاموڵاتیۍ بە ڕاپیمایۍ جەماوەری پیلانگێڵنیی ٩و تشرینو یووەمیشا دژو ڕابەرو گەلوو کوردی عەبدوڵا ئۆجالانی شەرمەزار کەرد.
٢٧ساڵۍ سەرو پیلانگێڵنیی مېیاننەتەوەیی ٩و تشرینو یووەمو ١٩٩٨یرە موییەرۆ. ئارۆ گەلوو کانتۆنو فوراتی بە ڕاپیمایۍ جەماوەری دژو ئا پیلانگێڵنییە چالاکیشا کەرڎ. جە چالاکییەکەنە جوانۍ کە یەرۍ ڕوۍ چێوەڵی جە ناوچەو چەلەبیەیۆ دەسشا پنەکەردەبۍ، ئارۆ یاوا بە شارو کۆبانێ. بەهەزاران کەسۍ جە مېڎانو ژەنۍ ئازادێنە کوۍ بیێوە و بەرەو مېڎانو گەشمەرڎە عەگیدی ڕاپیمایشا کەرڎ.
'کەس نمەتاوۆ جە ڕابەرایەتیما دوورما وزۆوە'
عەزەب عەبود هامسەرۆکو ئەنجومەنو ڕاوەبەری کانتۆنو منبجی ئەرەیاۋناش: "هیچ هێزێوە نمەتاوۆ جە ویرۆکە و فەلسەفەو ڕابەرو گەلوو کوردی عەبدوڵا ئۆجالانی دوورما بوزۆوە و واتش، مڎرامان دمایش بە گرڎو پیلانگێڵنیەکا ئاورڎ. ئێمە چۍ پېسە گرڎو گەلا هەرێمەکەی کوۍ بیێنمێوە و ماچمۍ ڕابەر ئاپۆ سەرمەشقو گرڎو مرۆڤایەتییا. ئازادی ئێمە تەنیا بە ویرۆکەکا ڕابەر ئاپۆی مۍ دی پۊکەی کەس نمەتاوۆ جە سەرۆکایەتیما دوورێما وزۆوە. گرڎو پلانە ئەرەگیریەکا دلېنەبەرمۍ."
دماو یاوای جەماوەری بە مېڎانو گەشمەرڎە عەگیدی، بە دەیەقێوە ڕێزگېرتەی پەی گەشمەرڎا ئازادی، جە لایەنو جوانا شۆڕشگێڵنیۆ وتارێوە ۋنریاوە و ئاماژە پانەی کریا کە مڎرامانێوە تاریخی ملۆڕاوە و ئی مڎرامانە بە تەمامو دنیێرە وەڵابیەنۆ. بە سەڎان هەزار کەسۍ چی مڎرامانەنە بە مەرامو ئازادیی ڕابەر ئاپۆی کە دژمنا گەرەکشانە جە گەلەکەی و جەهانو بەری گۆشەگیرش بکەرا، بەشدارێنۍ. ئێمەیچ پا ڕۆحیەتۆ پەی مسۆگەر کەردەی ئازادی جەسەیی ڕبەر ئاپۆی درێژە بە ئەەکۊشای مڎەیمۍ."
جە دمادمایی گلېرۆبیەکەینە هامسەرۆکو لوجنەو ژیۋگەی واتش: "جە گرڎو ۋەرکۊتوو مېیامینی و جەهانینە سەرۆکایەتیما ئازاڎا و چنیما مژیۋۆ و مڎرامان مکەرۆ، شۆڕشو ۋەرنیشتی جە سەیەو ویرۆکەکا ڕابەر ئاپۆینە بەرهەم ئامان."
ڕاپیما جەماوەرییەکە بە واتەیۆ دروشمەو "بێ سەرۆکی ژیۋای نمەبۆ" دمایش پنە ئاما.
