پەیمان ئامەدە یووە جە فەرماندەکا یەژا ستاری باسش چانەیە کەرڎ نەورۆزو ئېساڵی جە ڕوو ئەوەکۊشای و ڕامېیاریچۆ هۊرگیرو مەعنای جیاوازی بیەن و واتش: "گەلوو کوردی پڕارە مېڎانەکا و ئیسپاتش کەردۆ کە گەلوو نەورۆزین."
ڕۆگەر وەستان بادینان دووشه‌ممه, 24 Mar 2025, 08:48
جە مەڕەکا مڎرامانیوە گەریلاکاو ئازادی کوردەسانی بەردوامێنۍ سەرو پیرۆزکەردەی نەورۆزی.
یووە جە فەرماندەکا یەژا ستاری پەیمان ئامەدە جە مەڕەکا مڎرامانیوە جە مەراسیمو پیرۆز کەردەی جەژنەو نەورۆزینە قسێش کەردۍ.
'ڕابەر ئاپۆ مۆرەش جە نەورۆزی دێنە'
پەیمان ئامەدە جە سەرەتاو قسەکاشەنە جەژنەو نەورۆزیش جە ڕابەر ئاپۆی و گەلوو کوردی پیرۆزە کەردە و پی جۊرە بەردەوامە بیە جە قسەکاش: "نەوزۆرو ئېساڵی فرە جیاوازا. چونکی ڕابەر ئاپۆ مۆرەو ۋێش دان ۋنە. هەرپۊکەی نەورۆزو ئېساڵی چ جە ڕوو ئەوەکۊشای، چ جە ڕوو ڕامېیاریچۆ هۊرگیرو مەعنێوە جیاوازیا. گەلەکەما جە گرڎ مېڎانێنە بە هوتافەو گلېرگەی دیموکراتیک و ئازادی ڕابەر ئاپۆی بە کەیف و سەفێوە گۊرۆ نەورۆزشا پیرۆز کەرد."
'گەلوو کوردی سەرو هێڵۊو ڕابەرایەتی و پەکەکەی هەنگامەی دیموکراسیە منیۆ'
جە درێژەو قسەکاشەنە پەیمان ئامەدە سەرنجش وست سەرو مکوڕبیەی گەلوو کوردی جە خاوەنداریکەردەی جە جەژنەو نەورۆزی و ئینەش وات: "گەلوو کوردی گرڎ وەختۍ سەلەمنانش کە گەلێوە نەورۆزییا. بێگومان نەورۆز جەژنەو گەلا ۋەرکۊتی و میزۆپۆتامیاینە، بەڵام گەلوو کوردی بە جۆش و خرۊشێوە گۊرەتەرۆ نەورۆزی پیرۆز مکەرۆ، جیاوازا جە گەلا تەری. ئارۊیچەنە گەلوو کوردی سەرو هێڵۊو ڕابەر ئاپۆی و پەکەکەی هەنگامە منیۆ و سەرمەشقی جە دیموکراسی، ئەوەکۊشای و مڎرامانی مکەرۆ. گەلوو کوردی تا یاوای پی ئاستیە قوربانی فرەش دان، پەی ئینەی گەشمەرڎێش بەخشێنۍ. هیواڎارێنمۍ ئی نەورۆزە بۆ بە مەڵامەتو سەردەمێوە تازەی. پېسە گەریلای و میلیتانا ئی تەڤگەرەیە ئینایمۍ کۊششەنە پەی سەرکۊتەو ئا پرۆسەی کە ڕابەر ئاپۆ دەسش پنەکەردەن. جارێوەتەر نەورۆزی جە گرڎو هەمڕایاما، ڕابەرایەتی، ئەڎایا گەشمەرڎا و تەمامو گەلەکەیما پیرۆز مکەرمۍ."
