سەوای ١٦ تەمووزی ساڵیاڎوو خوڵقنای حیماسەو یەکینەکاو پارێزنای وەرکەوتوو کوردستانی (یەرەکە)ین وەرانوەروو سوپاو پاسداراو دەوڵەتی فاشیستی ئێرانیوە، کە هجوومش کەرڎەبۍ سەروو قەندیلی. پارتوو ژیوای ئازادوو کوردستانی (پەژاک) بۊنەو ساڵیاڎوو حیماسەو قەندیلیوە ئەرەیاوناێوەنە یاڎوو گەشمەرڎاو ئا حیماسەیشە بەرز ئرمانا. پەژاک جەختش چانەیە کەرڎۊ، کە بە یۊگێرتەی گەلی و گەریلای متاونیۊ پەوپەڕووهێزیوە  شکس بە لۊزانە تازەکایچ باریۊ.

دەقوو ئەرەیاونیاکەو پەژاکین:

"حیماسەو قەندیلی گەورەتەرین کۊشیای گەریلاین دژوو جینۊسایدی و کۊکوشی "

سیستموو فاشیستی ئێرانی پەی بەئەنجامیاونای سیاسەتوو کۊکوشی دژ بە گەلوو کوردی و جمیەرە ئازادیوازەکەیش، جە ١٦ تەمووزوو ٢٠١١ هجوومش کەرد سەروو قەڵای جەبننامۍ قەندیلی. گەریلاکاو جمیەروو ئازادیوازوو گەلەکەیما پەوپەڕوو گیانبازیوە ڕووبەڕووۍ دوژمنی فاشیستوو ئێرانی بیێوە و جارێوە تەر قەندیلوو هێما وێگیری گەلەکەیماشا بە سەرەبەرزی ئاستۊ. جە ١٢یەمین ساڵیاڎوو ئی داستان و حیماسە تاریخییەینە، یاڎ و ویرەوەری گەشمەرڎە ئازیزا و بەنرخاما بەرز و بەڕێز مازمێوە.

ئانە ١٢ ساڵۍ چێوەڵتەر جە قولە سەرکەشەکاو قەندیلینە بی بە حیماسەخوڵقنوو تاریخوو خەباتوو گەلەکەیما، مدرامانی  بێهامتاو ڕۊڵەکاو ئی گەلە وێگیرەیە بۍ. گەریلای کۊشەر بە ورەێوە پەڕ جە هومێد و بە ئازادیی گەلوو کوردیوە تاواش هجوومەکاو دوژمنی فاشیستی، کە بە ئامانجوو کۊکوشی وەروەڵاتەر و جەبنەئارڎەی قەڵاو کۊشیای تاریخییەو گەلەکەیماوە کریا، شکس پەنە بارۊ. بێگومان ئەگەر ئامانجی گەورە یانۍ پارێزگاری بییەیی جەویویەرڎەتەرین گەلی و گەلە چەوسیاوا نەبیۍ، مدرامانیێوە چینە نەبۍ. ئانە کە ورەش بە گەریلا گیانبازەکا بەخشا، پاڵپەشتیی گەلەکەیما و هومێدی پەڕ جە بڕوا و باوڕ بە ئازادی بۍ. ئی ورە ئارۊیچنە حیماسەو قەندیلی سەروو ڕاڕەووو بەدەسئارڎەی ئازای یەکجاریش بەزینڎەیی ئاستەنۊ. هجووم پەی سەروو قەندیلی دماو بەرڎەوامبییەیی سەد ساڵا سیاسەتوو کۊکوشی و پاکتاوکاریی دوژمنی جە ئەنجاموو پەیمانەی نەگریسەو لۊزانی ئاما ئاراوە، وەلۍ سەرکەوتەی گەریلای فاڕیا پەی سەرکەوتەی گەلەکەیما و بییەی و مەنەیۊ کوردی گەرەنتیێوە تاریخییش پەنە بەخشیا. ئێساڵ کە پەیمانەو سەد ساڵەو لۊزانی دماییش مۍ، بەدڵنیاییەوە تەنیا بە پەشتیبەستەی و بەبنەماگێرتەی ڕای ڕاسەو مدرامانوو گەشمەرڎاو قەندیلی متاویۊ ڕاجە پەیدابییەیۊ لۊزانەکای تەری گیریۊ. ئامایدیی ئیئامانجایچە بێگومان پەنەوازییش بە پەشتیوانیی سەرەمڕوو گەلەکەیما هەن جەهێزە گیانبازەکاو گەریلای و جمیەری ئازادیوازوو گەلی، وەروو ئانەیە پەوپەڕوو هێزیوە وەرانوەروو فاشیزمێوە کە ئینا هەوڵۍ متەیرەی پیلانۍ دژەمرۊیی تەرێنە. دیکەدایە، ڕاگێرییش وەنە کەرۊ. یۊگێرتەی و ئامێتەبییەیی ئیرادەو گەریلای و گەلی، ڕزگاریی گەلی چەوسیاوەو کوردی و فاڕای ئەقڵیەتی فاشیستی دەوڵەتە باڵادەسەکان، جە چوار بەشوو کوردسانینە مسۊگەر و گەرەنتی کەرۊ. گەریلا کە پاڵپەشت بە ئیرادەو وێش تاواش حیماسەو قەندیلی پێسە ئازادی خوڵقنۊ، متاوۊ بە قارەمانی و جەوێویەرڎەیی بۍ دووەدڵی پەی گەلەکەیش فیداکاری و گیانبازیی تەریچ کەرۊ. کۊشیای گەریلای و پەشتیوانیی گەلەکەیما وەختوو جەنگەکاو قەندیلینە، شکسش بە پلانەو سەدساڵەو دوژمنی ئارڎە و جیای ئانەی ڕاش پەی زیاتر نزیکبییەیۊ چەنی گەلی و جمیەری ئازادیوازی وەش کەرد.

رۊحوو گیانبازی و نەمەڕیای گەشمەرڎا پێسە سمکۊ سەرهەڵدان، عەگید سنە، ساریا، زەرڎەشت، بەرفین چلچەمە و هامڕا گەشمەرڎەکای تەریما، ئێمە و گەلەکەما پەی درێژەدای بە کۊشیای هانی مدا و هەرمانەی قورستەرەشا وستێنە سەروو شانەیما. پەژاک پەی کەرڎەی هەرمانەکاش وەرانوەر بە گەشمەرڎا و پارێزگاری جە بییەیی گەلەکەیما هەمیشە ئامادەن پەی گیانبازی. خەتەو لۊزانەکا، خەتەو جەنگی و کۊکوشینە، وەلۍ خەتەو حزبەکەیما خەتەو کۊشیای و ئازادیوازیینە بە ئاراستەو وەرگێریێوە ڕەوای پەی ڕزگاریی گەلێوە گیرۊدەو جینۊسایدی. تاکە ڕاو ئاشتی، ئازادی و دیموکراسی پەیڕزگاریی گەلوو کوردی جە سیاسەتوو تاویایۊ  کولتوری، یۊگێرتەی گەریلای و گەلین. ئا هەرمانۍ کە گەشمەرڎاو قەندیلی پەنەئسپارایمۍ، ئامایدیی ئاواتەکاشانە. گەلەکەما پا گێرۊرە سەروو ئانەی بە ڕێبازە دیموکراتیکەکا و وێپارێزنایی ڕەوا تا یاوای بە دمامەنزڵ و خاڵەو ئاخیری درێژە بە ڕاکێشا بدۊ.  هیچ دوژمنێوە تواناو شکسپەنەئارڎەی هێزێوە چینەی و ڕێوە هەقەتینەی چینێش نییەنە. داستان و حیماسەو قەندیلی تەنیا جەنگێوە ئاسایی نەبۍ، بەڵکوم پەروەرڎە و تاقیکەرڎەیۊیۍ گەورە بۍ پەی ئازادیی ژیوای و مدرامانێوە، بە ئامانجوو دماییئارڎەی بۍ بە جەنگەرانییەکاو دوژمنا.

پیسە پارتوو ژیوای ئازادوو کوردسانی (پەژاک) یاڎ و ویرەوەریی گەشمەرڎاو ڕاو ئازادی بەتایبەتی گەشمەرڎاو حیماسەو قەندیلی بەرز مرمانمۍ و پەوپەڕوو توانێوە پابەندۍ بەها ئینساندۊسییەکاشا بیمۍ. ئاواتەکاو گەشمەرڎا سمکۊ، عەگید، ساریا، زەرڎەشت و بەرفین و گەشمەرڎە هەمیشە زینڎەکای تەری، کە قەندیلی سەربەرزنە گەلەکەماشا سەرەبەرز کرد، مانیفیستۊو ڕاو کۊشیایما بۊ. دەبێت. تا ئا وەخت ئی ئی ڕێبازەیە گێرمێنە وەر، بەدڵنیاییەوە سەرۍ گنمۍ. گەلەکەیما دڵنیا کەرمێوە تا یاوای بە ئازادیی یەکجاریی گەلەکەیما و ئامایدیی ئاواتوو گەشمەرڎاما پەی دەیەقێوەیچ مەمردمۍ و عەلەمەو ئازادی جە قولۍ قەندیلی و قەندیلەکاو نیشتمانیمانە بەشۊکیایۊ مردنمۍ. چی ڕا دژوارۍ و هەمان وەختنە جوان و ناوازێنە پێسە گرڎ وەختێوە پێویستما بە پەشتیوانیی گەلەکەیما هەن. گرڎوەختۍ جەوێویەرڎەیی گەلەکەیما و گیانبازیی گەشمەرڎاما جە سەد ساڵ کۊشیای بێوچاننە دژوو دوژمنە کۊکوشکارا ئینا یاڎمانە و هۊشما مەشۊوە. داوا جە کۊمەڵاو گەلەکەیما کەرمۍ، بە ئامادەبییەیشا جە مەیدان و مەیدانەکانە، چراوەو ڕۊشنایی حیماسەو قەندیلی بە دروشموو "ژەنی، ژیوای، ئازادی" و بە بڕوای قووڵە بە دیموکراسی و ئازادی جە هەر شۊنێوەنە کە کە چەنەش مژیودۍ، کەرا ڕۊشنکەرەوەو ڕاو کۊشیایشا. کۊشیای گەورەو گەلەکەیما بە یاڎوو گەشمەرڎا، سەرکەوتەی و ئازادی گەورەش شۊنیرە مۍ. یاڎوو گەشمەرڎا بەرز و بەڕێز بۊ و کۊشیای گەلەکەیچما هەرمەنە و بەرڎەوام بۊ".

س.ز