کۆمیتەو ئەرەیاونای ئازادیی پژاکی بە بۆنەو ساڵڕۆو ڕۆنامەگەریی کوردیوە بە جەختکەردەیوە جە پەیوەندیی پتەوو بەینو شۆڕشو گەلو کوردی و ڕۆنامەوانی ئازادی و دیموکراتیکی واتش: "کۆشیای تا یاوای بە قەلاپۆپە وەڵیکەوتەی ڕۆشنگەرانە بێوچان بەردەوام مبۆنێ".
کۆمیتەو ئەرەیاونای ئازادو پارتو ژیوای ئازادو کوردستان (پژاک)ی، بە بۆنەو ١٢٦ەمین ساڵیادو ڕۆنامەگەریی کوردیوە ئەرەیاوناێوەش وەڵا کەردۆ و ئا ڕوەشە جە ڕۆنامەنویسا و سەرجەمو گەلو کوردی مەبارەک کەرد.
دەقو ئەرەیاونایەکەی:
١٢٦ ساڵێ چی وەڵتەر چەنی چاپ و وەڵابییەیوە یوەم ڕۆنامەی کوردی دەس بە قۆناغێویتازەی پەڕ سەرەوکو و سەرەچێری تارێخیوی شکۆداری کریا. کۆمیتەو ئەرەیاونای ئازادو پارتو ژیوای ئازادیو کوردستانی (پژاک) بە بۆنەو ڕۆو ڕۆنامەگەریی کوردیوە، مەبارەکبایی وەنەو سەرجەمو گەلەکەیما مکەرۆ.
ویەردەی ١٢٦ ساڵا سەرو ڕۆنامەگەری کوردیرە، دەکەوتی ڕۆشنویرانە و زانستییش سەرو بنەماو پەرەپەنەدای و گەشەپەنەدای هۆشیاری، ئازادی و دیموکراسیش شۆنەو وێشرە ئاردێ. گەشەسانای و وەڵێوەلوای بوارو ڕۆنامەگەریینە سەرو بنەماو چەمکو ئازادیی مانێکێش ئامێتەو کۆشیای بێوچانو ئازادیوازیی بییەن. هەرمانەو ئی بوارەیە، نیایرەی بناغەو شێوازێو جە ڕۆنامەگەریینە سەرو بنەماو ئەرەیاونای ئازادی، کە ئامانجی سەرەکیی گردیمانە.
گەلو کوردی چێرو ستەمینە پێویسییش پانەیە بێ، کە کۆشیای وێش بە زانیاری و دیای ئازادی بڕازنۆوە، پەوکای بوارو ڕۆنامەگەریی کوردی پی ئاراستەرە تاواش یاردەێوی وەرەچەم بە بووژیایوە کولتورو گەلەکەیما بیاونۆ. بێگومان پەرەپەنەدای بە شێوازێو جە ئەرەیاونای ئازادی پەی هۆشیارکەردەیۆ و هاگائاردەیوەی گەلی وەراوەرو لێشاوەکاو جینۆسایدینە بەشەکاو کوردستانینە پێویسیێوی ژیوای بیەن و هەن. ئەرەیاونای ئازاد کە پەی هەموارکەردەی بەستێن و بوارو گەشەو هزری و کولتوریی گلێرگەی، ئەرکی قورسش گێرتەن گەردەن ڕاێوە پەڕ تەنگوچەڵەمێش ئینا وەردەمنە. کۆشیا دژو ڕەوتەکاو تاویایۆ کولتووری جە بەشەکاو کوردستانینە هەڵای پێویسییش بە گەشەپەنەدای بە ڕۆنامەگەری و میدیای ئازادی هەن. هەڵای جە بوارو هۆشیاری و گەشەپەنەداینە، کەموکەسریێ هەنێ کە مشۆم بویەرنیا.
چاپی یوەم ژمارێو ڕۆنامەی توردی بە نامێ "کوردستان"یوە جە ٢٢ێ ئاپریلو ١٩٨٩ جۆرێو جە هێزو ئەندێشەی و کردارییش بە کەسایەتیی کوردی بەخشان. فشارەکێ پەی سەرو بوارو ڕۆنامەگەریی کوردی بە ئامانجو ڕاگێری وەنەو وەشکەردەی ئەرەیاونای ئازادی بییەن و تا ئیساتێچ هەڕەشەکێ یەکجار فرێنێ. سەرکوتو ڕۆنامەواناو کوردی و سەپنای سیاسەتو دەمکوتی بە مەبەسو قۆرتسازکەردەی وەردەمو ئەرەیاونای ئازادینە جە ١٢٦ ساڵی ویەردەنە بەردەوام بییەن، بەڵام نەتاوانش ڕاگێری چی گەشەپنەدایە کولتورییەینە گەورەیە بکەرۆ. سیاسەتە فاشیستییەکاو دەوڵەتە سەردەسا کوردستاننە گرد ساڵێو زەرەی گەورەشا بە گلێرگەی ڕۆنامەگەریی کوردیی یاونان، بەڵام نەتاوانش کارەوانو خەباتو ئا بوارەیە بمردنۆ.
سەربارو وەشبییەی تارێخێو بە نامێ ڕۆنامەگەریی کوردیوە، هەرمانە و کردەوێ دژە میدیایێ و نادیموکراتیکەکاو دەسەڵاتی کە ناوەندەکەش هەولێرا، مایێ قەبووڵکەردەی نییا. بەدڵنیاییوە وەراوەرو ئا خەتێنە جۆرێو جە ڕۆنامەگەریی شۆڕشگێڵنانە، ئازاد و دیموکراتیک هەن و کۆڵەکێ و پایە بەهێزەکێش زیاتەر جە یەک سەدەین نریێنێن و دەسکەوتەکێش سەرکوتێ نمەکریا و دلێنەنمەشا.
ئێراننە ماوەو یەک ساڵی ویەردەینە بوارو ڕۆنامەگەری کریان ئامانجو هجوومی سەرکوتکارانەی و هەڵایچ شەپۆلەو دەسملەرەگێرتەی ڕۆنامەوانا بە بەهانێ ڕۆشنگەریوە میانێ جمیەری شۆڕشگێڵنانەو "ژەنی، ژیوای، ئازادی"ینە بەردەواما. بەدڵنیاییوە تەمامو هەوڵێ سیستمو ستەمکاریی ئێراننە، ڕاگێریین جە یاوای دەنگو ڕۆنامەگەریی ئازاد و دیموکراتیکی بە گۆشاو دنیێ.
کۆمیتەو ئەرەیاونای ئازادو "پارتو ژیوای ئازادو کوردستان (پژاک)" جگە مەبارەکبایی ١٢٦ەمین ساڵڕۆ ڕۆنامەگەریی کوردی وەنەو گلێرگەو ڕۆنامەوانە ئازاداو دیموکراسیوازا، کۆشیای پەی گەشەو هزری و کولتوورو گەلەکەیما بەرز مرمانۆ. هەرمانەو ئەرەیاونای کوردی پەرەپەنەداین بە مۆدێرنیتەی دیموکراتیکی بە سەرمەشقایەتیی گەلیوی ستەموەنەکریای، وەلێ گرد وەخت کۆشەرێ کوردێ. ئارۆنە متاومێ بە ئیسفادەو توانا مۆدێرن و تەکنەلۆژیاییەکاو وەردەسی بوارو میدیای و ئەرەیاوناینەدا زیاتر ئی بوارەیە بوزمێ وەڵێ. جمیەری ئاپۆیی جمیەرو ئەرەیاونای ئازادیو دیموکراتیکیا و بە دڵنیاییوە پەیوەندیی قووڵو بەینو شۆڕشو گەلەکەیما و ڕۆنامەگەری ئازادی و دیموکراتیکی نمەپڕچیۆ و جەبنە نمێ و ئی کۆشیایە تا یاوای بە لوتکە و ترۆپکەو ڕۆشنگەری سەرەرمڕ ملۆ وەرۆ ".
