دماو هجووموو چەتەکاو داعشی ٣ ئابو ٢٠١٤ینە پەی سەرو شەنگالی کۆکوشیێوی گەورەو ئێزیدییەکا کریا و چندین قەبرێ بەکۆمەڵێش شۆنەو وێشرە ئاردێ و چارەنویسو هەزارا ئێزیدیایچ تا ئیساتێ نادیارا.

دماو گێڵایوە ئاوارەکا پەی زێدو وێشا، حکومەتو عێراقی دەسش کەرد بە  وەشکەردەی ڕاکێ هەرێمەکەنە. ئارۆ جە گلێرگەو سیبا شێخ خدرینە پانیشتو کەشو شەنگالینە وەختو وەشکەردەی ڕێکێنە کرێکارەکێ قەبرێوە بەکۆمەڵەشا وێستۆ. نمەزانیۆ کە پێشەوپەڵانو چند کەساش چنەن.

پینێوە ژمارەو قەبرە بەکۆمەڵەکاو شەنگالی یاوا ٩٣ قەبرێ بەکۆمەڵێ و بە دەیان کەسێ دلێشانە نریێنێ و هەڵای ٥٥ شا وردریێنێوە، ٣٨ قەبرێشا مەنێنێ.  .