قەرسنە ساختەکاریی ئاشکرا، سەروازێ و پۆلیسەکێ گێڵنیێوە
ئاکەپە-مەهەپە پەی فاڕای ئەنجامو ورچنیەیەکاو دلێ بەرژەوەندیی وێشانە، پۆلیسێ و سەروازەکێشا فاڕێوە پەی قەرسی، دماتەر بە پاس گێڵنێشاوە.
ورچنیەیە وێمانەکاو ٣١ ئادارینە هەزاران سەروازێ و پۆلیسێ بە پاس فاڕیێبێنیوە پەی قەرسی، ئارۆ هەمان "دەنگدەرە فاڕیێوەکێ" بە پاس شارەکەنە بەرێ کریێ و گێڵنیێوە. پۆلیس و سەروازەکێ بە پاس و مینی پاس شارەکەنە بەرێکریێ، سەرو ڕاو سەلیم و قاموشانیوە وینیێ. هاموەڵاتێ دیمەنو گێڵایوە پۆلیس و سەروازەکاشا تۆمار کەرد.
ورچنیەیەکەو هیزینە ناوەندو قەرسینە مەهەپە ١٦ هەزارێ و ٣٨٤، دەم پارتی ١٣ هەزارێ و ١٢٠ دەنگێشا ئاردێ، جیاوازیی بەینیشا ٣ هەزارێ و ٢٦٤ دەنگێ بێنێ.
دەم پارتی ئەوەخوایش کەردۆ، ٣ هەزارێ و ٨٤٢ سەروازێ و پۆلیسێ فاڕیێنێوە پەی شارەکە.
