مېیانو ئەرەیاۋنای هێزەکاو سووریای دیموکراتیکی (قەسەدە)ی دەربارەو جەنگو مڎرامانەکاشا جە دژو سووپاو تورکی و چەتەکا SNA ئی زانیاریێشۍ وەڵۍکەرڎۍ:

قەسەدە وەڵاش کەرڎۆ، جە جوابو ڕەواو ۋێمانە دژ بە دۊڵەتو ئەرەگیرو توركی و چەتەكاش كە خەڵكی مەدەنی مکەرا ئامانج، هېزی هێزەكېما زنجیرێوە ئۆپراسیۆنێشا جە ۋەرکۊتوو مەنبەجی و تەل تەمری ئەنجامدا، پا مەڵا مەتۆ یەرۍ چەتۍ کوشیۍ و ٧ ی تەریچ زامڎارۍ بیۍ.

جە ئەرەیاۋناکەینە ئامان، جە چوارچێوەو جوابو ڕەواو ۋێمانە دژ بە دۊڵەتو ئەرەگیرو توركی و چەتەكاش كە خەڵكی مەدەنی مکەرا ئامانج، هېزی هێزەكېما جە دەگاو قاسمیەو سەرنیشتوو ناوچەو تەل تەمری ئۆپەراسیۆنێوەشا دژو بنكەو چەتەكا ئەنجامدا و چنەشەنە دووۍ چەتۍ کوشیێۍ و ترۊمبێلێوە سەروازیچ دلېنە بریا.

هەرپاسە یەكینەكۍ پارېزنای ژەنا (یەپەژە) ئۆپەراسیۆنێوە تەرشا ئەنجامدا، نوقتێوە چەتەكاشا کەرڎ ئامانج، چا کوشیای چەتێوە پەشڕاسکریاوە.

جە میحوەرو قەرا قۆزاقی و جە دەگاو “حشرییە” هێزەكېما دووۍ ئۆپەراسیۆنېشا ئەنجامدۍ، كە بنكە ئەرەگیریەکۍ توركیایشا کەردۍ ئامانج، جە ئاکامەنە ٧ چەتۍ زامڎارۍ بیۍ.

دماتەر فڕۆكە جەنگییەكۍ دۊڵەتو ئەرەگیرو توركی هرووژمشا پەی سەرو دەگایەکا تینەی و شاسەكی دەسپنەکەرڎ و زەرەری ماددیشا بە هاموڵاتیا یاونا، هەرپاسە دۊڵەتو توركی بە تۆپ و تانكۍ و مووشەكۍ و گولە هاوەنۍ بەبێ جیاوازی دەگایەکۍ “تینح، جەعدە، بیر حەسو، غەساق، دیكان و مەلها” و هەرپاسە هەردووە تەپو “سەیفی” و “قەرە قۆزاقی” و ناوچەو “سارین”یش بۊموارانۍ کەرڎۍ، تەنیا زەرەری ماددیشا بۍ.

ئاماژە پانەیچ کریان، بە درێژایی شەوەو شەممەی و یەكشەممەی دۊڵەتو ئەرەگیرو توركی بۊمبوارانو دەوروبەرو بەنداوو تشرینیش كەرد، سەر سەعبو هېزی ڕاسەوخۆ بەنداوەكە کریا ئامانج، كە درزۍ فرۍ جە بلۆكۍ كۆنكرێتەكەیشەنە وەشکەردێنۍ و چانەینە بۆ بە مەڵا مەتو كارەساتی، كە دەرەنجامەكېچش ئینۍ ئەستۆو دۊڵەتو ئەرەگیرو توركینە.

سەعات (٠٣:٠٠)ۍ دمانیمەڕۆو هېزی، دۆڵەتو تورکی بە فڕۆكېوە بێفڕۆكەوانی ۋێکوش هرووژمش کەرڎ سەرو تەپو “كۆبەرلیك”ی، جە ۋەرنیشتوو تەل ئەبیەزی و هرووژمەکە حیچ زەرەرێش چنە نەکۊتەنۆ.

سەعات (٠٣:٤٩)دەیەقۍ دما نیمەڕۊو هېزی، دۊڵەتو توركی جە بارەگاکا ۋێشۆ دەگایەکۍ “حشریە” و “تورمان”یش جە ۋەرنیشتوو شارو كۆبانۍ بە تۆپۍ کەردۍ ئامانج.