ناوەنڎوو ئەرەیاۋنای و چاپەمەنی قەسەدەی ئەرەیاۋناش جە هجومەکا دەوڵەتوو ئەرەگیروو تورکیاینە حیچ جەنگەوانۍ گەشمەرڎە نەبیەن و قسەکۍ دەوڵەتوو تورکیش بەدرۆ وستێوە.
قەسەدە پەیوەس بە بانگەشەکا دەوڵەتوو ئەرەگیروو تورکی کە ماچۊ جەنگەوانۍ قەسەدەی جە هجومەکانە گەشمەرڎۍ بیېنۍ، ئەرەیاۋنېوە نویسیاش وەڵاکەردۆ.
جە ئەرەیاۋناکەو قەسەدەینە ئامان: "دەوڵەتوو ئەرەگیروو تورکی بانگەشە کەرۊ، گوایە جە یەرەم ڕۊو هجووموو چەتەکانە پۍ سەروو هەرێمەکا سەرنیشت و ۋەرکەوتوو سوریای، چن جەنگەوانێشا گەشمەرڎۍ بیېنۍ.
ئی بانگەشە ناڕاسا. جە هجومە بەردەوامەکانە، حیچ جەنگەوانێما نە زامڎار نە گەشمەرڎە نەبیەن. هجومەکۍ بەگرڎی کریا سەروو چێرخانی و ئەرەمەرزیا خزمەتگوزارییەکا و یاگۍ ئەرەنیشتە بیەی. دەوڵەتوو تورکی یەرۍ ڕووێن جە ڕاو هجومەکاوە تاوانەو جەنگی دژوو ٥٠ هەرێما ئەنجام مڎۆ.
دیمەنەکاو تاوانەو جەنگوو دەوڵەتوو ئەرەگیروو تورکی، کاولکەرڎەی سیستماتیکی ئەرەمەرزیا خزمەتگوزارییە سەرەکیەکان، حەرپاسە هجومی ئەنقەس دژوو سەرچەمەو ژیۋای ملۋێنان مرۆڤا، بانگەشەکۍ دەوڵەتوو ئەرەگیروو تورکی بەدرۆ وزۊوە و شکسوو ئی دەوڵەتەیە بەروزۆ".