مییانگەو ئەرەیاوناو قەسەدەی ئامارو ٢٤ سەعاتا مڏرامانیش جە دژو هرووژمەکێ دۆڵەتو ئەرەگیرو تورکی وەڵاکەردێ و ئەرەیاوناش کە ئەرەگیرێ بە هرووژمکەردەی سەرو هاموڵاتیا مەدەنی و چێرخانو ناوچەکەی دژ بە مرۆڤایەتی تاوانە ئەنجام مڏانە.
مییانگەو ئەرەیاوناو قەسەدەی سەبارەت بە هرووژمە ئەرەگیرییەکێ دۆڵەتو تورکی پەی سەرو پانیشتوو منبجی و مڏرامانی، ئەرەیاونێوەش وەڵاکەردۆ.
جە ئەرەیاوناکەینە ئامان:
"دۆڵەتو ئەرەگیرو تورکی بەردەواما جە هرووژمە ئاشکرێکێش پەی سەرو هەرێمەکا سەرنیشتوو و وەرکەوتوو سوریای، ڕوانە دەگاکا، ناوچەو ئەرەنیشتەی و چێرخانو ناوچەکەی کەرانە ئامانج و جە دژو مرۆڤایەتی تاوانە ئەنجام مڏۆنە."
دۆڵەتو ئەرەگیرو تورکی ڕۆو شەممەی، سەرسەعبۆ تا نیمەڕۆ، بە تۆپە و هاوەن جە بەرەو دەگاو خربە زەمالا جە دەگاکێ بەنداو تشرینی هرووژمەکێش دەسپنەکەردێ. دماتەر چەتەکێ هرووژمشا پەی سەرو گردەکەی دەسپنەکەرد. جەنگاوەرەکێما جوابو هرووژمەکاشا داوە؛ ژمارێوە جە چەتەکێ کوژیێ و زامڏارێ بیێ و پاشماوەو چەتەکا جە ناوچەکەنە هۆرئامێ.
چەتەکێ چا هەرێمەنە هرووژمشا کەرد سەرو خاڵێوە تەرو جەنگاوەراما، بەڵام ڕووبەرووو مڏرامانو بێوێنەو جەنگاوەراما بیێوە. تا ئا یاگێ ڕۆشن بییەنۆ، ٣ چەتەکێ کوژیێنێ و ژامارێوەشا زامڏارێ بیینی. هەرپاسە جەنگ تا وێرەگا بەردەوام بێ.
کاتەی چەتەکێ جە هەوڵو ئانەینە بێنێ تەرمەکا فاڕاوە، یەکینەکێ گەشمەرڏە هارونی هرووژمشا کەرد سەر و٣ گرووپیێ چەتێ و تڕۆمبێلوە سەروازی و تڕۆمبێلێ تەرو پیکاپیشا ماڕا. چاکەیش ژمارێوە چەتێ کوشیێ و بڕێ تەرێ زامڏار بیێ،
یەکینەکێ گەشمەرڏە هارونی تانکێکوە و پیکابێوە سەر بە چەتەکا جە دەوروبەرو گردو سیراتەلشا ماڕا. هەرپاسە ٢ چەتێش زامڏارێ بیێ.
هەرپاسە جە بەرەو دێرحافزی، چەتەکێ بازگەکەشا توپ واران کەرد. جە ئەنجامەنە کەسێوەتەر مەدەنی زامڏار بی. جەنگاوەرەکێما جوابشا داوە."
