قەسەدە: دەوروبەرو بەنداوو تشرینینە ١٧ چەتێ کوشیێ و ٤٠ چەتێچ زامڏارێ بیێ
دەوروبەرو بەنداوو تشرینینە، گورزۍ گۆرە وەرو چەتەکا دۆڵەتو تورکی کەوتە. قەسەدە ئەرەیاوناش، کە ١٧ چەتێ کوشیێنێ، ٤٠ چەتێش زامدارێ بیێنۍ.
بە دیمەن
مېیانوو ئەرەیاونای هێزەکا سوریای دیموکراتیکی (قەسەدە)ی سەبارەت بە هرووژمەکا و مڏرامانی جە بەرەو بەنداو تشرینینە ئەرەیاونێوەش وەڵاکەردۆ.
ئەرەیاوناکەینە ئامان:
"رۆو جومعەی ٢٧و کانونو یوەمی سەعات ٠١:٠٠ چەتەکێ جە دووێ قۆڵێوە؛ شارۆچکەو ئەبوقەلقەلی و دەگاو عەلوشەیۆ هرووژمشا کەرد سەرو هێزەکاما. جەنگاوەرەکێما وەربەرچو هرووژمەکەیشا داوە و جەنگێوە قورس ئاما ئاراوە. جەنگەکەنە چەتەکێ گورزەی قورسەشا وەرکەوتە. جە سەرەتاو جەنگەکەینە گروپێوە چەتەکا بە تەمامەتی دلێنەشیۍ. دژمن کە هێزێوە گۆرەشا ئارد دەگاکۍ جارێوە تەر گورزەی قورسەشا وەرکەوتە. جگە جە جەنگاوەرێما کە بە سوکی زامڏاربیی، هیچ زەرەرێ ڕۆحی وەرو هێزەکاما نەکەوت.
یەکینەکۍ گەشمەرڏە هاڕونیچ ٤ ترۆمبێلۍ سەروازیۍ چەتەکا کە دلێ دووێ یانانە شاریێبێنێوە و گروپێوە تەر جە چەتەکاشا دلێنە بەردێ.
جە ئەنجامو مڏرامانو جەنگاوەرا جە وەرا وەرو هرووژمو چەتەکانە ١٧ چەتێ کوشیێ کە یۆشا فەرماندێوە لیواو مغاویری شامی بێ چەتە ئەبو فەیاز. هەرپاسە بە مەڵامەتو جەنگیۆ ٤٠ چەتێچ زامڏارێ بیێ.
