ناوەندو ئەرەیاۋنای هێزەکاو سوریای دیموکراتیکی (قەسەدە)ی جە بارەو هرووژمە ئەرەگیریەکا دۆڵەتو تورکی ئەرەگیریوە پەی سەرو هەرێمو سەرنیشتوو ۋەرکۆتوو سوریای ئەرەیاۋنێوەش وەڵا کەرڎۆ.

جە ئەرەیاۋناکەینە ئامان:

"دۆڵەتو تورکی ئەرەگیری جە چن سەعاتی ۋییەردەنە چێرخانو هەرێمەکا سەرنیشتی و ۋەرکۆتوو سوریای، ژیۋگە و ناوەندەکا هێزە ئەمنییەکاش کەرڎەن ئامانج.

جە ئاکامەنە ١٢ کەسۍ مەدەنیۍ کە دوێشا زاوڵێنۍ، گەشمەرڎۍ بیێنۍ و ٢٥ کەسێچ زامڎارۍ بیێنۍ..

ناوەندە مەدەنییەکۍ، نانەواخانەکۍ، وێستگەکۍ کارەبۍ، نەوتۍ و نوقتۍ وشکنای هێزەکاو ئاسایشو دلێینەی بە فرۆکەی جەنگی، فڕۆکەی بێفرۆکەوانی هرووژمکەر و بە کاتیۆشۍ کریێنۍ ئامانج. بە گرڎی ٤٢ شۆنۍ کە فرەیشا دامودەزگۍ خزمەتگوزاریۍ ئەساسیێنۍ کریێنۍ ئامانج.

ئا هرووژمە وەحشیانە بەردەوامۍ، دژمنایەتی تورکیای ۋەرا ۋەر بە گەلەکەیما نیشانە مڎۆ. هەرپاسە جارێوەتەر مەترسی عەقڵیەتی تاوانکارانەو دۆڵەتو تورکی ئەرەگیری جە دژو گەلا هەرێمەکەی و ئاشتیش ئاشکرا کەرد. تورکیا پا هرووژماشە هەوڵ مڎۆ کە پشێویە دلێینەییەکاش سەرو حسابو گەلەکەیما هەناردەو جبەری بکەرۆ، پشێوی وەش بکەرۆ و ئاژاوۍ تازۍ جە هەرێمەکەنە ساز بکەرۆ.

ئێمە جارێوەتەر ۋەرا ۋەر پا هرووژما مردمێوە، گەل و هەرێمەکەیما پارێزنمۍ".