شاندێوە مېیاننەتەوەیی پەی لابەردەی گۆشەگیری سەرو ڕابەر ئاپۆی کە جە لایەنو تورکیایۆ سەپیان، داواو چەمپنەکۆتەیشا جە وەزارەتو دادی کەرد و ۋەردەمو بیناو وەزارەتینە کۆنگرێوە ڕۆنامەوانیشا ئەنجامدا.

پەڕلەمانتاراو دەم پارتی بەشدارۍ کۆنفراسە ڕۆنامەوانییەکەی بێنۍ. بەشدارا کۆنفرانسەکەی ئینێنۍ:

"واڵتەر بایر سەرۆکو پارتو چەپو ئەوروپای، فرانسیسکا گیرا ئەندام پەڕلەمانو هامپەیمانی چەپی سەوزو ئیتاڵیای، ماتیۆ ماسا، ئیدواردۆ خۆرخی کۆستا ئەندام پەرلەمانو پرتوگالی، ئەندام جە پەرلەمانو کەتەلۆنیای ئیولالیا ڕیگوانت کورا، جە دەسەو ڕاوەبەری سی یو پی کەتەلۆنیای بلای تابارنیر، ڕاوەبەرو جەمەو لایەنگری کوردی پارتو سوورو نەرویجی ئان کولسەنگ بێرگ، ڕاوەبەرو کۆنفیدراسیۆنی گرڎیی کرێکارا ئیتاڵیای کاترینا پۆسترینۆ، ڕاوەبەرو فیدارسیۆنو کرێکارا ئیتاڵیای فرانسیسکا باروفالدی، ڕۆنامەوانە بینیدیتا ڕۆسی، دانیلا گالی، سەرۆکو جەمەو کۆمەنیستی ئەنجومەنو شارەوانی گەورە شارو پاریسی ڕافایل پریمێت، ڕاوەبەرو هەرێمو هێسنی جە پارتو چەپو ئەڵمانیای جاکۆب میجێندا، ڕاوەبەرو پارتو چەپو ئەڵمانیای یوسف کاراچیلیک."

ناڕەزایی بەربڕیەی جە دژو هرووژمی ئەرەگیری

فرانسیسکا گیرا ئەندام پەڕلەمانو هامپەیمانی چەپو سەوزو ئیتاڵیای ئەرەیاۋنای هامبەشش ۋەناوە و پەشتگیری ۋێش پەی گەلوو کوردی نیشانەدا.

جە ئەرەیاۋناکەینە ئامان: "چی کاتەنە پەی ئانەی تواناو پەرەپنەدای ستراتیجیی بوینمۍ جە ڕاو گفتوگۆی بنیاتنەریوە، پەیلوایما چامنەن پەویوەندی نیایرەی چنی تورکیای فرە گرنگا، هەرپاسە دەسنیشانکەردەی دەنگو ئێژا ئۆجالانی فرە گرنگا."

جە دێژەیچەنە، ئاماژەش بە مەترسی و پشئامایەکا ئی دماییەو سوریای و حەلەبی کەردەن و جەختکریانۆ چانەی ژیۋای هەزاران مەدەنیا و بەتایبەت کوردا وزیان مەترسیۆ. دەسنیشانکریا شۆڕشو ۋەرنیشتی پەی دیاریکەردەی چارەنویس و مڎرامانی جە دژوو فشارەکا  و ئەرەکۊشای جە دژو داعشی ئەزموونێوە بێهامتان.

هەر جە ئەرەیاۋناکەینە ئاماژە بە مەترسییەکاو داعشی کریان و ئی داواکاریە کریا: "مردنای تنووتیژییەکا و ڕاگێرتەی جە کارەساتی تازەی مرۆیی، پەنەوازیش بە چالاکی و قەراری دەمودەسی هەن."

' ئیمراڵینە کردەوەی نایاسایی ئینا ئارانە'

جە درێژەو ئەرەیاۋناکەینە ئاماژە پانەی کریان کە ئاژەو گەلوو کوردی جە تورکیا و ناوچەکەنە دەرەنجامی کاریگەر جە ۋێشەنە مارۆ ئاراوە و جەختکریاوە جە گرنگی بەشداری ڕابەر ئاپۆی جە پرۆسەو دیالۆگی و ئەنەیاواینە، بەتایبەت جە پرۆسەو ئاشتی ٢٠١٣-٢٠١٥ینە و وچیا: "مردنای ئێژا ئۆجالانی چێرو گۆشەگیری ٢٥ ساڵەو ئیمراڵینە بە گرڎو پێوەرەکا جە دژو یاسا مېیاننەتەوەییەکان."

'مشۆم ئۆجالان ئازاد بۆ'

جە دما دمایی ئەرەیاۋناکەینە ئاماژە پانەی دریا سەرەڕاو ڕەخنە گێرتەی چا مامەڵەو دۆڵەتو تورکی و یاڎ ئاوردەیۆ قەرارەکا دادگاو مافەکا مرۆڤو ئەورپای، ئاماژە پانەی دریا جە ساڵۆو ٢٠٢١یوە ڕابەر ئاپۆ ئینا چێرو گۆشەگیریێوە سەختینە و وچیا: "پەی ئانەی ئینایمۍ چۍ تا حکومەتو تورکیای جە گرنگی یاسا مېیان نەتەوەییەکا و پیمەرەکا مافو مرۆڤی ئاگاڎار بکەرمێوە. پۊکەی داوا مکەرمۍ دەمودەس ئێژا ئۆجالان ئازادبکریۆ و گفتوگۆیێوە کۆنکرێتی پەی ئاشتی دەسپنە بکریۆ. جە هەوڵەکاما بەردەوامۍ بیمۍ تا ڕێککەوتەیۍ ئاشتییانە پەی گەلوو کوردی پێکبۍ و ئێژا ئۆجالان ئازاد بۆ."