ئێرانەنە سزاو زینانیکەردەی پەی کوردێوە بڕیاوە
سزاو ٣ ساڵا زینانی سەرو ئیدریس کارسازی خەڵکو شارو سنۆی جە ۋەرکۊتوو کوردەسانیرە سەپیا.
جەمەو مافو مرۆڤو کوردەسانی وەڵاش کەرڎۆ، کە هاموڵاتیێوە بە نامۍ ئیدریس کارسازی تەمەن ٤٧ ساڵانی کە خەڵکو شارو شنۆین و جە مانگۊو حوزەیرانینە باڵبەس کریا، سزاو زینانیش پەی بڕیاوە.
ڕۆشنیچ کریانۆ، جە مانگۊو ئەیلولینە، دادگاو شۆڕشی جە شارو شنۆینە بە تۆمەتو ئەندامیەتی و هامکاری چنی حزبە ۋەرهەڵسکارەکا سزاو ٣ ساڵا زینانیش سەرو ئیدریس کارسازیرە سەپنان.
یاگۍ باسین هێزەکاو ئێرانی بە بێ ئەمرەو دادگای، جە حوزەیرانو ئێساڵینە هۆرشا کوابۍ سەرو یانەو ئیدریس کارسازی جە شنۆنە باڵبەسشا کەردەبۍ.
