جەنگاوەرا قەسەدەی جە دژو هرووژمە ئەرەگیرییەکا دۆڵەتو تورکی ئەرەگیری و چەتەکاش چالاکی کاریگەرشا ئەنجامدا، کە دلێنەبەردەی تڕۆمبێلێوە سەروازی و، کوشیاو چەتێوە و زامڏاربییەو بڕێ تەرێش ونەکەوتۆ.
مییانو ئەرەیاوناو قەسەدەی پەیوەس بە هرووژمە ئەرەگیتییەکا و مڏرامانو ٢٤ سەعاتا دمایش ئەرەیاونا.
ئەرەیانوکاینە ئاماژە بە بەردەوامی هرووژمە ئەرەگیرییەکا دۆڵەتو تورکی و چەتەکاش مکەرۆ سەرو هەرێمەکا سەرنیشتوو و وەرکەوتوو سووریا ی و دەستنیشان کریان گرڏو هرووژمەکا بە مڏرامانە جەنفپگاوەرا دلێنەبریێنێ.
بەردەوامی ئەرەیواناکەینە پی جۆرە:
"قۆڵو بەندواو تشرینی؛ سوپاو تورکی ئەرەگیری تەمامو شەوەو شەممە/یەک شەممەی بە تۆپ شانای قورس و گولە هاوەنێ دەورووبەرو بەنداو تشرینیش بۆمبواران کەرد. هامکات بە فڕۆکەی جەنگی و بێفڕۆکەوانیچ سەرو هەرێمەکەیرە خولیێنی. چا کاتەنە چەتەکێ ئامادەکارینە بێنێ پەی سەرو خاڵەو هێزەکاما جە دەگا نشینا سەربیشتوو بەندواوەکەینە، یەکنەکێ گەشمەرڏە هاروونی گورزەش جە گلێرۆبییەو چەتەکا دا، جە ئەنجامەنە چەتێوە کوشیا و بڕێ تەرێچ زامڏارێ بیێ.
جە دەگاو ئیمامیەو قۆڵو دێر حافری جەنگاوەرەکێما وەرپەچو هەوڵە هێرشبەرییەکا چەتەکاشا داوە و جە ئەنجامەنە چەتێوە زامڏار بیی.
قۆڵو قەرەقۆزاقینە؛ هێزەکێما جە دژو نوقتێو و بارەگاو ئەرەگیرا و چەتەکا یەرێ چالاکیێ سەرکۆتێشا ئەنجامدێ. جە ئەنجامو چالاکییەکەینە ڕێژێوە فرە جە چەتەکا زامڏارێ بیێ، بەڵام ژمارەش دەستنیشان نەکریابێ.
فڕۆکەو جەنگی دووژمنی، ڕیزە هرووژمێشا جە دژو دەگاکا تینا، مەلحە، خەسەق، مێڏانو سرینی ئەنجام دا و زەرەرێ فرە وەرو موڵک و یانەو هاموڵاتییا مەدەنی کەووت. هەرپاسە چەتێ و ئەرەگیرێ بە شێوێ هەڕەمەکی دەگاکا تینا، جادا، بیر حسۆ، خەسەق، دیکان، مەلحە، سینا، گردەکانی سێڤێ و قەرەقۆزاق بە تۆپشانای، تانک، موشەکێ و هاوەنێ بۆمب واران کریێ. جە کۆو ئی دەگانە زیا جە ٥٠ گولێ تۆپەشا وەر کەوتێنەو و زەرەرێ مادی فرەش وەر کەوتەن.
جە تەمامو ڕۆکەینە فڕۆکەی جەنگی و بێفڕۆکەوانو دۆڵەتو تورکی ئەرەگیری بە ئاسمانو کۆبانێ، عەین عیسا و دەگا کانە خولیێوە."
