قەسەدە ئامارەو ٢٤ سەعاتا ۋېیەردەو مڎرامانیش دژ بە ئەرەگیرا وەڵا کەرڎۆ
مېیانو ئەرەیاۋنای هێزەکاو قەسەدەی ئەرەیاۋناش؛ جە ئاکامو چالاکییەکا سردەو قەرەقۆزاقی و دەوروبەرو بەنداوو تشرینی، ئەرەگیرێوە فرۍ کوشیێنۍ و ژمارێوە فرێچشا چنە زامڎارۍ بیێنۍ.
مېیانو ئەرەیاۋنای هێزەکاو سوریای دیموکراتیکی ئامارەو چالاکییەکا ٢٤ سەعاتی ۋېیەردەیش دژو هرووژمەکا دۊڵەتو ئەرەگیرو تورکی و چەتەکاش پی جۊرە وەڵا کەرڎۆ:
جە ئەرەیاۋناکەینە ئامان، هېزی هێزەكېما جە دەگایەکا سەرنیشتوو بەنداوو تشرینی جە پانیشتوو ۋەرکۊتوو منبجینە ئۆپراسیۆنێوەشا ئەنجامدا و نوقتێوە گلېرۊبیەی چەتەكا سەر بە دۊڵەتو ئەرەگیرو توركیشا کەرڎ ئامانج، جە ئاکامەنە كوشیۍ و زامڎارۍ فرێشا بێنۍ، بەڵام ژمارەشا نەزانیان. تەنیا زامڎاربیەی یەرۍ چەتا پەشڕاسكریانۆ.
جە ئۆپراسیۆنێوە تەرەنە دووۍ چەتۍ سەر بە دۊڵەتو توركی، كە ماتۆڕسكیلشا پنە بۍ کوشیۍ.
هامكات، فڕۆكەی جەنگی و بێفڕۆكەوانو دۊڵەتو ئەرەگیرو توركی بەردەوام بۊمبوارانو دەوروبەرو بەنداوو تشرینی و یاگۍ مەنەیۆو كرێكاراش کەرڎ ئامانج.
باس چانەیچ کریان، جە دەگاو خەربەت تیونی دۊڵەتو ئەرەگیرو توركی بە فڕۆكەی بێ فڕۆكەوان هرووژمش کەرڎ سەرو نوقتێوە هێزەكاما، جە ئاکامەنە جەنگەوانێوەما گەشمەرڎە بی و جەنگەوانېوەتەر زامڎار بی، كە زامەکەش سوکا.
ئاماژە پانەیچ کریان، فڕۆكە جەنگییەكۍ دۊڵەتو ئەرەگیرو تورکی جە كۆبانێنە هرووژمشا کەرڎ سەرو کېڵیارو "ئەحمەد مونیر"ی و زەرەرۍ فرەش لا یاوان، هەرپاسە چەتەكېش دەگایەکۍ بەیادە، جەبنایانیشا جە ۋەرنیشتوو كۆبانۍ بە تۆپۍ بۊمبواران کەرڎ، بەڵام حیچ زەرەرێش چنە نەکۊتەنۆ.
