قەسەدە ئامارەو جەنگیش جە دژو دۊڵەتو ئەرەگیرو تورکی و چەتەکا سوپاو نیشتیمانی سوریا (SNA)ی ئەرەیاۋنا. پا مەڵامەتۆ ٥ سەروازۍ ئەرەگیرۍ تورکی زامڎارۍ بیۍ و ترۊمبېلێوە سەروازیچ دلېنە بریا.
"فڕۆکە جەنگییەکۍ دۊلەتو ئە رەگیرو تورکی شەوەو جومعە سەرو شەممەی ناوچەکۍ دەوروبەرو بەنداوو تشرینیشا بۊمبواران کەردۍ. جە هەمان کاتەنە هەرێمەکە بە چەکی قورس بۊمبواران کریا."
دۊڵەتو ئەرەگیرو تورکی سەرسەعبو هېزی بە تۆپۍ دەگاو خربە خالدیش بۊمبواران کەرد. جە ئاکامو بۊمبوارانەکەینە زەرەری ماددی بە موڵک و یانەو ئەرەنیشتا دەگاکۍ کۊت.
هەرپاسە جەنگەواناما جە قۆڵو سردەو قەرەقوزاقی جە دژو بارەگێوە سوپاو دۊڵەتو ئەرەگیرو تورکی و چەتەکاش جە تەپو قەرەقۆزاقینە، بارەگاو دەگاو قەبر ئیمۆی، ٣ چالاکیێشا کەردۍ. جە ئاکامەنە کوشیۍ و زمڎارێشا چنە کۊتۍ. ئانە پەشتڕاسکریانۆ کە ٥سەروازۍ سوپاو ئەرەگیرو تورکی زامڎارۍ بیێنۍ و ترۊمبېلێوە سەروازیی دلېنەبریا.
هەرپاسە فڕۆکە جەنگییەکۍ دۊڵەتو ئەرەگیرو تورکی دەگایەکۍ تینا، خەسەقی و مەلهایشا بۊمبوارانۍ کەردۍ. جە ئاکامەنە یانە و موڵکو هاموڵاتیا مەدەنی زەرەرشا ۋەرکۊت.
دۊڵەتو ئەرەگیرو تورکی و چەتەکېش بە شێوێوە چڕ و بەردەوام دەگایەکۍ تینا، جادە، بیر حسۆ، خەسەق، دیکان، مەلها، کێوەکانی سێڤێ و قەرەقۆزاقو پانیشتوو کۆبانۍ بۊمبواران مکەرا. پا مەڵا مەتۆ زەرەر بە یانە و موڵکو ئەرەنیشتا یاوان.
"فڕۆکە بێفڕۆکەوانەکۍ دۊڵەتو ئەرەگیرو تورکی بە درێژایی ڕۆی سەرو ناوچەو دێرحافریرە خولیێنێوە."
