قەسەدە ئامارەو ٢٤ سەعاتی ۋېیەردەیش ئەرەیاۋنا
مېیانو ئەرەیاۋنای قەسەدەی ئامارەو ٢٤ سەعاتی ۋېیەردەیش سەبارەت بە هرووژمەکا دۊڵەتو ئەرەگیرو تورکی و چالاکییەکاشا جە دژو ئا هرووژما، ئاشکرا کەرد.
مېیانو ئەرەیاۋنای هێزەکاو سوریای دیموکراتیکی (قەسەدە) سەبارەت بە هرووژم و جەنگەکا هېزی جە بەرەکاو جەنگینە ئەرەیاۋنێوە نویسیاش وەڵاکەرڎۆ.
ئەرەیاۋناکەی پی جۆرەنە:
"هېزی یەرەشەممە جەنگەوانەکېما درۆنێوە ۋێکوژو سوپاو تورکی ئەرەگیریشا جە نزیک بەنداوو تشرینی وستەرە واری. جە هەمانکاتەنە فرۆکەی جەنگی و بێفرۆکەوان جە دەوروبەرو بەنداوەکەینە، بە تایبەت یانەو کرێکاراشا بۊمبواران کەرڎ و جە ئاکامەنە زەرەری ماددیش چنەکۊتۆ.
جە قۆڵو سردەو قەرەقۆزاقینە؛ جەنگەوانەکېما چن چالاکیێوەشا جە دژو بارەگاکا سوپاو تورکی ئەرەگیری و چەتەکاش جە تەپو قەرەقۆزاقینە ئەنجام دا. جە هەمانکاتەنە ڕادارێوە پەیوەندی ئەرەگیراشا جە دەگاو قەبرئیمۆینە کەڕڎ ئامانج و جە ئاکامەنە ٢ چەتۍ زامڎارۍ بیۍ.
فرۆکەی جەنگی دەگایەکۍ مالحا، بیر حەسەن و خەسەقشا بۊمبوارانۍ کەرڎۍ، جە ئاکامەنە زەرەری ماددیش چنە کۊتۆ. جە هەمان کاتەنە دۊڵەتو ئەرەگیری و چەتەکێش بە چەکی قورس، تانک، موشەکۍ و هاوەنۍ دەگایەکۍ ئەلتینا، جادە، بیر حەسەن، خەسەق، دیکان، ئەل سانا و مالحا و تەپو سێڤێشا ١٤٠ جارۍ بۊمبوارانۍ کەردۍ.
جە قۆڵو دێر حافری؛ چەتێوە گەرەکش بۍ بە ترۊمبێلەکەیش سەرو نوقتۍ جەنگەواناما بڎۆ، باڵبەس کریا و دەس سەرو بڕۍ جە کەرەسا پەیوەندی و چەکیشەرە گیریا.
