قسەکەروو یەنەکەی، سەعدی ئەحمەد پیرە جوابوو تۆمەتەکاو وەزارەتوو دلێ هەرێمی و عێراقیش داوە و واتش: "ئی جۆرە تۆمەتە قێزەونێ پەی دماوستەی هورچنیەیى پەرلەمانوو کوردستانینێ، چونکوم پارتى جە هورچنیەی متەرسۆ".
ئارۆ وەزارەتوو دلێو هەرێمی و عێراقی کۆنگرێوی ڕۆنامەوانییەنە واتشا، یەرێ کەسێ بە تۆمەتوو سۆچنای بازاڕەکاو هەرێموو کوردستانی گیریێنێ و پەکەکەشا تۆمەتبار کەرد، هەرپاسە باسشا چانەیە کەرد دووێ کەسێشا سەر بە هێزە ئەمنییەکاو هەرێمینێ و لاو پەکەکەیوە ئەرەئسپاریێنێ. وەراوەرنە کۆمیتەو پەیوەندییەکاو بەروو کەجەکەی ئەرەیاوناێوی نویسیانە تۆمەتەکێش وستێوە دروێوە. هاموەخت قسەکەروو یەنەکەی، سەعدی ئەحمەد پیرە کۆنگرێوی ڕۆنامەوانیینە دا جوابوو تۆمەتەکاش داوە و واتش: " ئی جۆرە تۆمەتە قێزەونێ پەی دماوستەى هورچنیەیى پەرلەمانوو کوردستانینێ، چونکوم پارتى جە هورچنیەی متەرسۆ".
سەعدی پیرە واتش یەنەکە چندین جارێن سۆچنای دوکانەکاش شەرمەزار کەردەن و داواش وەنەو حکومەتی کەردێنە بلۆ شۆنەو ڕووەدایەکارە، ئەوەخوایش کەردۆ ئینێ سیناریۆو پەدەکەینێ پەی دماوستەی هورچنیەی. پەرسەو ئاشکراکەردەی بکەراو ڕووەدای ئایرەکەی کریان بە بانگەشەو هورچنیەی، واتش: "وەروو ئانەیە ڕاوێژما قبووڵ نەکەرد پەی دماوستەی هورچنیەی، پەوکای سیناریۆی قێزەون مجارە".
پیرە ئەوەخوایش کەردۆ، قسەکەروو وەزارەتوو دلێ عێراقی نامێ هیچ هێزێوەش ناردە، بەڵام قسەکەرەکەو وەزارەتوو دلێ هەرێمی تۆمەتێ مبەخشنۆوە، واتش: " ئیساتێ وێما ئامادە مکەرمێ پەی هورچنیەی نەك پەی جەنگوو دلێ".
هەرپاسە قسەکەرەکەو یەنەکەی ئاماژەش کەرد ئیساتێنە زیاتەر جە ٣٠٠ تیرۆرساو داعشی ئامێنێ بەرواریی باڵا، درێژەنە واتش: " ئیساتێچ سلێمانی قوربانیی ڕاپۆرتە درۆیینەکاو بڕێ لایەنان پەی تورکیای".
