بە بۆنەو ٧٨ەمین ساڵیادو کۆکوشیی دێرسیمیوە، کە ٤ و نیسانو ١٩٣٧ دەسش پەنە کەرد و تا ساڵەو ١٩٣٨ بەردەوام بی، بە سەرپەرشتیی فەدای و کۆنگرەو بونیادنیایوەو دێرسیمی و فیدراسیۆنو یۆبییەی عەلەوییەکا ئەوروپانە، شارو کۆڵنو ئەڵمانیاینە چالاکیی یادکەردیوە ڕێک وزیا. چالاکییەکەنە ڕسمو سەید ڕەزای و قوربانییاو کۆکوشییەکەی ورواسیا. پانکارتەکێ بە تورکی و کوردی و ئەڵمانی بەرزێ کریێوە.

چندین کوردستانیێ و نوێنەرێ ڕێکوزیایە دیموکراتیکەکاو ئەڵمانیای بەشدارێ چالاکییەکەی بێنێ. چالاکییەکە بە گوڵبانگ دەسش پەنە کەرد. دمایی بە نامێ، فەدایوە پیر جەمال جانان بانگەوازش کەرد پەی یۆگێرتەی کوردا پەی ڕاگێریی وەنەو کۆکوشیی تازەی.

بە نامێ کۆنگرەو بونیادنیایوەی دێرسیمیوە هولیا یەر واتش پێویسا ئانە دێرسیمینە ڕووەش دێنە بە کۆکوشی بشناسیۆ، دمایی هونەرمەنداو دێرسیمی ئامێ سەرو شانۆی و یادەکە دماییش ئاما.