ئەنداماو شاندو دەم پارتی پەروین بوڵدانە و سڕی سورەیان ئۆندەر کە چنی ڕابەر ئاپۆی دیڎارشا کەرڎ، سەبارەت بە دیڎارەکەی ئی ئەرەیاوناشا وەڵاکەردۆ:

"٢٨و کانونو یوەمو ٢٠٢٤ی جە ئیمراڵینە چنی ئێژا عەبدوڵا ئۆجالانی دیڎارێوە تێر و تەسەلما ئەنجامدا. تەندروسی ئاڎیی خاس بێ، ورەو ئاڎیی فرە بەرزبێ. هۆرسەنگنێکێش پەی چارەسەریی هەمیشەیی پەی پرسو کوردی فرە گرنگێ بێنێ.  

جە دیڎارەکەنە پێشئامایەکێ ئی دماییەو وەرکەوتوو دلێڕاسەی و تورکیایش هۆرسەنگنێ. ئێژا ئۆجالان جە وەرا وەرو سیناریۆکا ئایندێوە تاریکی کە سەپیانە، پێشنیازو چارەسەری ئەرێنیش پێشکەش کەرد.

ئەندێشە و هەڵوێسو ئاڎیی بە گردی ئینا چی چوارچێوانە:

-بەهێزکەردەو واڵە و برایەتی تورک-کوردی هەم وەرپرسیارەتیۍ تاریخیا، هەمیچ پەی چارەنووسو گەلا فرە گرنگ و پەنەوازا.

-پەی ئانەی پرۆسەکە سەرگنۆ پەنەوازیش پانەیە هەن کە گرڏو لایەنە سیاسیەکا جە تورکیانە جەیۆدایۆی وەرتەسک و کاتی وزانە لێوە، ۋەرپەرسانە جماوە، بەشێوی پرەنسیپانە مامەڵە بکەرا و بەشدارییێ ئەرێنییشا بۆنە. یۆ جە بوارەکا ئا بەشدارییەیچە  بێگومان ئەنجومەنی گۆرەو نەتەوەیی تورکیا (TBMM)ین.

- ئا ڕوەدایۍ کە جە غەزە و سوریانە ڕوەشادێ ئانەشا نیشانەدا کە بە دەسوەردای جە چبەرۆ هەوڵ مڎریۆنە ئا گرفتا وزا گەنگەرین و زامی قووڵی هەمیشەیی. هەرپۆکەی چارەسەری ئا گرفتیە یاوان ئاستێوە کە ئیتر نمەبۆ دماگنۆ. پەی ئانەی هەرمانە بە پاو ئا هەستیاری و جدییەتیە بکریۆ و بیاوۆنە ئەنجام و سەرکەوتەی، بەشداری و پێشنیازەکۍ ئۆپۆزسیۆنیچ بەقیمەتۍ و سەنگینێنێ.

-من خاوەنو ئا هێز و پاگیرەینا کە بە شێوێوە ئەرێنی بەشداری پەنەواز چا پاڕادایمەینە بکەرو کە ئێژا باخچەلی و ئێژا ئەردۆغا هێزشا پنە بەخشان.

-شاندەکە ئی هەڵوێسەو من یاونۆنە بە دۆڵەتی و لایەنە سیاسیەکا. چا چوارچێوەنە ئامادەنا کە هەنگامێ پۆزێتیڤێ و پەنەوازێ هۆرگیر و بانگەوازی پەنەواز بکەرو.

-گردو ئا کۊششەیما وڵاتەکەیما مېیاونۆ پا ئاستەی کە لایەقشا و جە هەمان کاتەنە پەی هۆرچەرخنێوە دیموکراتیکی بۆبە رانیشاندەرێ فرە بەقیمەت.

-سەردەمەکە پەی تورکیا و هەرێمەکەی سەردەمو ئاشتی، دیموکراسی، واڵە و برایەتییا.

چنی رێز و حورمەتیم پەی رای گردینی".