سەبری ئۊک: شکسوو ئاکەپە - مەهەپەی ماڕای مەژگوو سەڎساڵەو کۊماروو تورکیاین

سەبری ئۊک باسش جە گرنگیی ورچنیەیەکاو ئی جارەو تورکیای کەرد و واتش: "شکسوو دەسەڵاتوو ئاکەپە - مەهەپەی ماڕای مەژگوو سەڎ ساڵەو کۊمارو تورکیاین. بێگومان ئینە حاڵەتێوە تازەن". ئۊک ئاماژەش پانەیە کەرد، دمایی بە دەسەڵاتوو ئاکەپەی ئامان.

 سەبری ئۊک باسش جە گرنگیی ورچنیەیەکاو ئی جارەو تورکیای کەرد و واتش: "شکسوو دەسەڵاتوو ئاکەپە - مەهەپەی ماڕای مەژگوو سەڎ ساڵەو کۊمارو تورکیاین. بێگومان ئینە حاڵەتێوە تازەن". ئۊک ئاماژەش پانەیە کەرد، دمایی بە دەسەڵاتوو ئاکەپەی ئامان.

سەبری ئۊک ئەنداموو دەسەو ڕاوەبەریی کۊما جڤاکێن کوردستان (کەجەکە)ی بەشڎارییش جە "بەرنامەی تایبەتی"ی ستێرک تی ڤی-ینە کەرد.  سەبری ئۊک باسش جە گۊشەگیریی تندوو ئیمرالی، نەورۊزوو ٢٠٢٣، ورچنیەی گرڎینوو سەرۊکایەتییەکەو تورکیای کەرد. چەمپەنەکەوتەکەی چەنی سەبری ئۊک-ی پێسنەن:

ماوەو دووۍ ساڵا و نیمین، گۊشەگیری و بڕیایرەیۍ تند دژوو ڕابەروو گەلوو کوردی "عەبدوڵا ئۊجالان"ی هەن. سەرەڕاو ئانەیچ نەورۊزنە وەشەویسیۍ فرەو خەڵکی پەی ڕابەروو گەلوو کوردی "عەبدوڵا ئۊجالان"ی بۍ. ئینجا خاوەنداریێوە فرە جە پلاتفۊڕم و مەنتێقە جیاوازەکا و مەیدانی میاننەتەوەیینەهەن. سەبەبوو ئینەی چێشا؟

ئەوەڵۊ جارێوە تەر نەورۊزی جە گرڎوو گەلەکەیما، هامڕایا و گەلی وێگیر و وەرگێری مەبارەک کەروو و بێگومان وەڵی گرڎ چێوێنە نەورۊزوو ڕابەر ئاپۊی مەبارەک دەکەروو. دۊخوو ڕابەر ئاپۊی گرنگتەرین بابەتوو ژیواین، مشۊم دایمە جە باسوخواسوو و ڕێکوستەی و گرڎ هامڕاێمانە بۊ، گرڎ کەس مزانۊ ماوەو ٢٤ ساڵان بەسەختی هەناسە مدۊ و ژیوۊ، یانی ئێمە ماچمۍ، ئینە پێسە سیاسەتوو جینۊسایدکەرڎەی و پاکتاوکەرڎەی گەلوو کوردی، کە جە دژوو ڕابەر ئاپۊی پەیڕەو کریان لەیەک مدەیمێوە و ٢٤ ساڵین بە چەنەویەرڎەییوە، بە مدرامان و بە گرڎ نۊعێوە وێش یاونان ئارۊ و ئانەیچکە هەن و ئارۊ مدرامان و وەرگێری کەرۊ. ملۊ ٢٥مین ساڵەوە.

ئینە پەی جمیەرەکەیما، پارتەکەیما پەکەکە و گرڎوو گەلەکەیما، پەی گرڎوو هامڕایا، پەی دۊساما بابەتێوە گرنگ و گرنگا. چی؟ وەروو ئانەی گرڎوو ئا دەرفەت و توانایا وەشۍ کریێنۍ و چەسپیێنۍ و ئانەی  گەل یاوێنۍ ڕاسیی بییەی وێشا و پێویسی بە ئازاڎیی وێشا و سەرەڕاو ئانەی گرڎوو جیهانی سەروو مۊدێڕنیتەو کاپیتالیستی، فشار وزۊ سەروو جمیەرەکەیما، حیزبەکەیما، وەلۍ دیسانۊ پەکەکە ئینا سەروو پایاوە نەک حەر باسوو گەلوو کوردی، بەڵکوم بابەتوو باسوو وەرکەوتوو دلێڕاسەی دیاری کەرۊ. پێسە ئەلتەرناتیڤێوە، پەرە بە پاراڎایموو وێش مدۊ. ئینۍ گرڎشا ڕاسییەکاو ڕابەر ئاپۊینۍ. ئێمە حەرچەند بە دڵسۊزی و ڕاستواچی سەروو خەتە و ڕاو ڕابەر ئاپۊیۊ حەوڵۍ مدەیمی و دایم ئینایمۍ حەوڵی ئانەینە، کە وێما سەرجەنۊ بنیاڎ بنیەیمۍ، بە ڕۊحێوە فیداییوە پێسە مزانیۊ جە کەشەکاو کوردسانینە و گرڎ شۊنێنە ئشناسیێنمۍ، هامڕێما مدرامان کەرا، وەلیم ڕابەر ئاپۊ ئیمراڵیینە گیریان، پا بۊنەوە، نە ئێمە، نە گەلەکەما و نە ئا کەسێچە ڕابەر ئاپۊی مشناسا، وەششا گەرەکا و ڕێزش گێرا، ئاسووڎۍ نیەنۍ.

ئێمە دایمە چی ئازار و ناڕەحەتییەنە مژیومۍ. ئانە بۊ بایسوو ئانەی، کە خاستەر بیمۍ جوابوو و وەرپەرسبییەی وێما مسۊگەر کەرمۍ. بێگومان پێسە واتتا ئێساتۍ  نەورۊزنە،  حەرچوار پارچەو کوردسانی، بەروو  وڵاتی تا ژاپۊن و  گرڎ شۊنیوە  دنیێنە کورڎێوە بۊ نەورۊز بە ڕۊحوو ئازاڎی و ئشناسنامەو کوردی و بە بیەیو ئازاڎیی وێش مەبارەک کەرۊ، وەلێم گرڎوو هەست و سۊزوو گەلەکەیما، هەر لاێنە مەبارەکش کەرۊ، نەورۊز، گرڎوو واستەی و ئاواتەکا، گرڎوو دەنگەکا پێوە  بەرزۍ باوە. ئاڎیچ چێش بۍ، ئازاڎیی جەسەیی ڕابەر ئاپۊی بۍ. پەی چێشی گەلەکەما ئینەش گەرەکا؟ ڕابەر ئاپۊ چی بارەوە ماچۊ؛ ئاڎ ئانەش پەی وێش گەرەکا، یانۍ ئەگەر گەلەکەما، پەی ئێمە ئەگەر ڕوۍ زووتەر ڕابەر ئاپۊ ئازاڎ بۊ، بژیوۊ، گرما مزانمۍ، بەبۍ ڕابەر ئاپۊی مەحاڵ و ئەسەما، پەی نموونە دروشموو ئێمە، ئێمە ماچمۍ، "بۍ ڕابەر ئاپۊی ژیوای مەبۊ". بەبۍ پاراڎایموو ڕابەر ئاپۊی ژیوای مەبۊ.  ئینە ژیوای نییا، ژیوای بە کەرامەت، ئازاڎ، بە ئیراڎەی ئازاڎ بژیومۍ، گەلەکەما چانەیە هاگاڎار و هۊشیار بییەنۊ.

گەلوو کوردی تاریخنە پەی چنڎین سەڎەا جە ئاورایی ڕابەرایەتینە ژیوان، کەسێوە کە بتاوۊ بەڕاسی ڕابەرایەتی کەرۊ، پێسە گرڎوو گەلاو جیهانی بە ئشناسنامەو وێش بژیوۊ و ئازاڎ بۊ. فرێوە جە ڕابەرەکاو کوردی ور ئێستۍ و ئەرەپڕۍ، هەرمانەو وێشا کەرڎەشا، هەڵوێسشا بۍ و کۊشیۍ و جەنگشا کەرد. بەداخۊ مشکیلەو کوردی مشکیلێوە ئاسایی نەبۍ، پێسە ناسنام چەنی  ئشناسنامەو گەلێوە بۍ، جوگرافیاو گەلوو کوردی، ستراتیژیک و جیۊپۊلەتیک، شکەرڎەی و بەشبییەی کوردسانی، دایمە چنڎین دەسی میاننەتەوەیۍ، هێزە میاننەتەوەییەکۍ چی مشکیلەنە بێنۍ. ناستشا گەلوو کوردی، ئانۍ کە ڕابەرایەتی کەرا هەناسە ور گێرا. پی بۊنەوە چنڎین کەسۍ پێسە شێخ سەعید، سەید ڕەزا، پێسە قازی محەمەدی جەدار دریۍ و گەلوو کوردیچ دایمە وەرمش پانەیۊ دییەن.  ئێشوو ڕابەرایەتییش کێشتەن. ئارۊ ڕابەرێوە پێسە ڕابەر ئاپۊی، گرڎوو جیهانیچ هجوومش کەرد سەرش، وەلێم نەتاوانشا جارێوە تەر جە تاریخوو ڕابەروو گەلوو کوردی دلێنە بەرا. پاراڎایموو وێش بێش، نەک تەنیا پەی گەلوو کوردی، کاریگەرییش سەروو گرڎوو ئینسانیەتی هەن.

پەی نموونەی ئانۍ کە دژوو مۊدێرنیتەی سەرمایەدارینۍ، ئانۍ بە بەهای دێموکراسی و ئازاڎیوازی و ئیکۊلۊژیوە پەیوەسێنۍ و بەتایبەتی ئازاڎیی ژەنا، جە چوارپارچەو کوردسانینە، جە وەرکەوتوو دلێڕاسەینە، ئەفریقاو پانیشتینە، جە ئەفریقا، جە ئەورووپا، جە ژاپۊن، جە گرڎ شۊنێوەنە پاراڎایموو ڕابەر ئاپۊی پا ئەندازەنە، کە ئێمە پەرەش پەنە بدەیمۍ و وەڵاش کەرمێوە و یاونمێش ئینسانیەتی، بەڕاسی مرۊڤایەتی و فرەو گەلا کۊشیا، وەرهەڵێسیی کەرا و بە پاو ئی پاراڎایمی وەشەویسییشا پەی مۊدێرنیتەی دیموکراتیکی و پەی ڕابەر ئاپۊی فرەن. وەششا گەرەکا، خەیاڵشانە یاواشنە، پێسە سیستمێوە، پێسە ئینتەرناسیۊنالیستێوە تازەی سەروو بەهاکاو ئازاڎی و دێموکراسی، ئازاڎیی ژەنا و ئیکۊلۊژیوە یۊی گێرا، پێسە ئیراڎێوە دێموکراتیکی. بە بۊنەو ئا وەشەویسییەیساوە پەی ڕابەر ئاپۊی، بە بییەی و پاراڎایموو وێش، باسوخواسوو خەڵکی دیموکرات و سۊسیالیستیچ گێرۊوە. فرە ئاسایین، حەتا حەوڵۍ دەیمۍ، قەناعەتما پاسنەن، تا چنڎ کەرمێش بابەت و بەرنامەو مر، ئیناسنەکۍ پا ڕاڎدەوە جە یۊترینۍ نزیکتەرۍ باوە. ئانە هۊشمەندی و هۊشیاریین، ئا نزیکبییەیۊ جە بەهاکاو دێموکراسی و سۊسیالیزمی، ژەنی ئازاڎۍ، زیاڎتەر پەرە بە هێزێوە میاننەتەوەیی و کۊمەڵایەتی مدۊ. پا بۊنەوە وەشەویسیی ڕابە ئاپۊی، خاوەنداریکەرڎەی جە ڕابەر ئاپۊی چێوۍ فرە سروشتی و فرە ئاسایی و تەنانەت دەگمەن و بێوێنەن.

درێژەش هەن................

س.ز