شاندێوە حەشدی شەعبی یاوا ئەنقەرە
ئەرەیاونیا کە شاندێوە حەشدی شەعبی سەرێ تورکیایشا دان.
سەرۆکوو حەشدی شەعبی سەرۆکایەتیی شاندەکەیش کەرد و ئارۆ ئەنقەرەنە چەنی وەزیروو بەروو تورکی هاکان فیدانی کۆ بیەنۆ.
وەزارەتوو بەروو تورکی بە ئەرەیاوناێوی کوڵ ئاماژەش بە جەمۆبییەکەی کەرد بێ ئانەی وردەکاریی زیاتەر بوزۆ ڕووە.
بەڵام جەمۆبییەکەی دماو هاموشۆ دیپلۆماسییەکاو ئی ماوەو دەوڵەتوو تورکی هەرێمەکەنە ئاما.
وەزیروو بەروو تورکی، هاکان فیدان، سەرۆکوو میتی ئیبراهیم کالن و وەزیروو وەرگێری یاشار گولەر وەڵتەر سەرێ بەغدای و هەولێریشا دابێ، چەنی وەرپەرساو وەڵاتەکەی کوێ بیێبێنێوە.
