شاندو ئیمراڵیی دەم پارتی کە سەرۆکو فراکسیۆنو پارتەکەین جە پەرلەمانەنە سری سورەیا ئۆندەر و پەروین بوڵدانەو هامسەرۆکو شارەوانی گۆرەو شارو مێردینی ئەحمەد تورک پێکئامێبێنێ، چنی فراکسیۆنو ئاکەپەی دەسش بە گلێرۆبییەی کەرد.

شاندو ئیمراڵی جەلایەن سەرۆکو گ٤ڏی فراکسیۆنو ئاکەپەی ئەفکان ئالا، یاگەیرا سەرۆکو فراکسیۆنو پارتەکەی جە پەرلەمانەنە عەبدوڵا گولەر و ئۆزلەم زەنگین و هەرپاسە عومەر چەلیکەوە خێرئامایشا ونەکریا.

شاندەکە وەڵتەرێ چنی سەرۆکو گرڏی پارتی و پارتو گەلەجەک ئەحمەد داودئۆغڵو دیدارشا ئەنجامدان و جە کۆنفڕانسێوە ڕۆنامەوانینە ناوەرۆکو گلێرۆبییەکەیشا وست ڕووە.