بە مەبەسو ئەنجامدای دیداری دووەمیشا چنی ڕابەر ئاپۆی لوای پەی ئیمراڵی شاندو ئیمراڵیی دەم پارتی داواکاریشا پێشکەش بە وەزارەتو دادو تورکیای کەرد. هەڵای نامێ ئا کەسا مەزانریۆ کە پەی جارو دووەمی سەردانو ئیمراڵی مکەرانە.

وەڵتەر بە ئەرەیاونێوە شاندو ئیمراڵیی دەم پارتی ئاشکراش کەرد، دماو گلێرۆبییەی چنی پارت و لایەنەکا پەڕلەمانو تورکیای، بە ئەرێنییۆ پەی جاری دووەمی سەردانو ئیمراڵی مکەراوە.

دلێ ئا شاندەی ٢٨و کانوونو یوەمی کە لوێ ئیمراڵی هەر یۆ جە ئەندام پەڕلەمانا دەم پارتی سری سوورەیا ئۆندەرە و پەروین بۆڵدانە بێنێ، جە دماو چەمپەنەکەوتەی هامسەرۆکو شارەوانی گۆرەو شارو مێردینی ئەحمەد تورک، کە قەیوم یاگە کێشەنە سەپیان بەشداری شاندەکەی بی.

شاندەکە جە ٢٨و کانوونو یوەمی بەدماوە ڕیزێوە گلێرۆبییەی و چەمپنەکەوتەی چنی پارتە سیاسییەکا پەڕلەمانو تورکیای، سیاسەتمەدارە زینانکریێکێ، بەشەکێ دەم پارتی و لایەنە جیاوازەکێ تورکیای ئەنجامشدا.