ئارۆ، شاندێوە جە ژەناو سەرنیشتوو کورسانی، کە پێکمۍ جە چن ئەندام پەرلەمانێوە هەدەپی و ڕێکوزیایۍ ژەنا، جە درێژەو سەرداکەیشانە، سەردای ژەناو جمیەروو فاڕیایشا جە شاروو سلێمانی کەرڎ و کۊبیەیۊیشا ئەنجامدا.

شاندەکەو سەرنیشتوو کوردسانی پێکمۍ جە هەریۆ جە (سەباحەت ئەردۆغانۍ، ئەندام پەرلەمانە جە بازنەو سێرتی، عەدالەت فیدانە، هامسەرۆکەو شارەوانی سلۆپی، گوڵبەهار گوزەلە، ۋەرپەرسەو ڕێکوزیا و ژەنا، نەسلیهان ئاجەرە، ئەندامەو کۆنگرەو گلېرگەو دیموکراتیکی، گوڵبەهار ئاڵپ سۆیە، ئەندامەو ئەنجوومەنوو ژەناو هەدەپی).

دماو کۆبیەیۊکەی، نەسلیهان ئاجەرە، یۆ جە ئەنداماو شاندوو ژەناو سەرنیشتوو کوردسانی، جە کۆنگرېوە ڕۆنامەنووسینە باسش جە مەڵامەتوو سەرداکەیشا کەرڎ و واتش: بەمەڵامەتوو هەڵمەتەو ۋەرەنگاربیەیۆ تنوتیژیی دژوو ژەنا و یۊبیەی ژەناو کوردی، سەردای ژەناو جمیەروو فاڕیایما کەرد، تا بتاومۍ پېوەرە هەرمانە کەرمۍ پۍ ئازاڎیی ژەنا جە سەرنیشت و پانیشت و کوردسانینە.

شاندوو ژەناو سەرنیشتوو کوردسانی، ماوەو چن ڕووێن ئینۍ شاروو سلێمانی و تا ئیسە سەردای حەریۆ جە پارێزگاروو سلێمانی، یۊبیەی ژەناو کوردسانی، ڕێکوزیاو ژەناو ئازاڎیی کوردسان-ڕژاکی و شاناز ئیبراهیم ئەحمەڎۍ هامسەرەو سەرۆک کۆماروو عێراقیشا کەرڎەن.