شارو دویسبورگ-ینە یاڎو گەشمەرڎا ١٤و ته‌مووزی به‌رز ڕاگیریا
بۆنه‌و ٤١ه‌مین ساڵیاڎو چالاكی مدرامانو ڕۊچۍ مەرڎەی ١٤و ته‌مووزی، شارو دویسبورگ-ینە مه‌راسیمێۋە یاڎكەرڎەیۊ سازكریا.
به سەرمەشقی جمیەرو گه‌نجا شۆڕشگێڵی (ته‌جه‌شه)ی، بۆنه‌و ٤١ه‌مین ساڵیاڎو چالاكی مدرامانو ڕۊچۍ مەرڎەی ١٤و ته‌مووزی، شارو دویسبورگ و ئەڵمانیاینە مه‌راسیمێۋە یاڎكەرڎەیۊ لۋاڕاۋە.
کورڎسانیۍ شارو دویسبورگی ئاماڎۍ مه‌راسیمه‌كەی بېنۍ، كه جە ناوه‌نڎو گلېرگەی دیموكراتیكی كورڎی (ده‌ته‌كه‌مه)ی لۋاڕاۋە.
جە مه‌راسیمه‌كەنە ئاماژه پانەی کریا، نه‌ریتو مدرامانو ١٤و ته‌مووزی، ئا ڕۋەی چنەشەنە بنەڕەتو کۊشیای ئازاڎیی کورڎسانی نریارە، مۆرەو ۋېش جە تاریخی دا.
به‌نامۍ گلېرگەی دیموكراتیكی كورڎی و جەمەو خانەواڎە و گەشمەرڎا و بێسه‌رووشۊنکریایاۋە (كۆماو) قسۍ کریا کە چنەشەنە ئەرەیاۋیا، مدرامانو زینڎانو ئامه‌ڎی شېۋەش به کۊشیای به‌خشا.
باس چانەیچ کریا، ساڵەو ١٩٨٢ پۍ كورڎی جە ئەڎابیەیۊ و سه‌رده‌مېۋە بۍ كه چنەشەنە ۋەڵۍ کۊتەی گۊرە ئاما ئاراوه.
دماو قسەکا، به‌ڵگه‌فیلمێۋە جە بارەو مدرامانو ١٤و ته‌مووزیۊ نمایشكریا و به دروشمەو "گەشمەرڎۍ مەمرا" دمایی به چالاكییه‌كه‌ی ئاما.
هـ . ش
